因為我個仆街老豆 我被下了一個賓周會變短的詛咒: 13. 突如其來的Musical

時光飛逝，隨著末期考試的結束，轉眼間中四學年已經踏入尾聲。 自從那日後，李乘風每個星期六晚都會到Miss Lui家陪著Miss Lui睡覺，而神奇的是每次只要有李乘風在旁，Miss Lui又確實真的能一覺睡到第二朝天光，若果沒有這緩衝的一覺，Miss Lui恐怕早己投降需要服食安眠藥了。
 
而隨著李乘風這代替品的出現，加上時間永遠是最好的療傷聖藥，在兩個多月後，Miss Lui的失眠症狀已經慢慢消失，只是習慣了李乘風的存在，Miss Lui便沒特別提起，繼續默許這習慣延續下去。李乘風當然亦為Miss Lui已好轉了不少的氣色而感到欣喜，但既然Miss Lui沒主動要求，他自然亦不會笨得去主動揭穿甚麼。
 
這晚，是李乘風到Miss Lui家過夜的日子。
 
「Miss Lui你無嘢嗎?」晚飯後李乘風看見Miss Lui一臉愁眉心鎖的樣子便問道。
 
「無，學校琴日assign咗個大project比我，所以苦惱緊啫…」Miss Lui一臉苦惱。
 




李乘風:「咩project?」
 
Miss Lui:「學校想攪個大型musical，直程係公開賣飛嗰種去增加學校個reputation，當然主要對像都係學生家長同舊生啦。佢地知我喺大學有哩方面嘅經驗就想搵我幫手，要咩資源可以draft個proposal比佢地佢地會盡量配合喎…」
 
李乘風:「嘩… 好似真係好大咁，不過諗起都覺得煩…」
 
Miss Lui:「梗係啦，攪個musical，我先當場地同觀眾嗰啲唔駛煩先，淨係預備台前幕後，劇本音樂嗰啲都已經夠煩，仲要用好多時間綵排… 佢地希望可以聖誔節開show，所以得返半年時間…」
 
李乘風:「咁我有無咩可以幫到你?」
 




Miss Lui:「其實最緊要要有個好嘅故仔，之後其他嘢就可以配合佢開始起動…」
 
「咦，想要好故仔我或者可以幫到你喎! 近排我喺連登睇咗個故仔，覺得都幾特別幾好睇，幾適合拍畫劇㗎~」李乘風想了想突然靈機一觸。
 
Miss Lui:「係? 講嚟聽下?」
 
「個故仔叫”只想和你愛一次”，係一個關於男主角單戀嘅故事，當中仲有假穿越同真穿越嘅環節…」於是李乘風便把Elven、Rachel和Ada的故事簡略講了出來。
 
(有興趣可參考以下連結)
https://www.shikoto.com/articles/224373.html




 
 
「掂喎! 不過照抄驚唔驚牌權問題? 可能都要問下作者介唔介意先。」Miss Lui聽完有點興奮，又有點擔憂。
 
「等我喺連登問下佢先…」說完李乘風便拿出了電話在故事裏留言。
 
過了一會，李乘風便等到樓主回覆。
 
「佢話隨便拎去用呀，不過要應承佢一定要用心製作唔好影衰佢個故仔，同埋真係有飛賣要話佢聽佢會去捧場喎~ 嘩，開始好多巴打絲打見到都開始留言話到時實會去睇喎!」
 
「咁就好! 你同佢講無問題，Miss Lui出品，實屬佳品~」也許是因為聽到了好故事，Miss Lui的鬥志亦突然燃燒了起來。
 
就這樣，一段突如其來的對話造就了一套經典音樂劇的誕生，亦讓Miss Lui，李乘風，還有所有參與了這套音樂劇製作的所有台前幕後都渡過了接著難忘的半年時光。
 
 




當Miss Lui向校董會present成功並得到大力支持，整個製作流程亦迅速開動起來。首先，Miss Lui找了幾位音樂、中文和美術老師幫手預備劇本、音樂、歌詞還有舞台和服裝設計等事宜，之後她又開始公開召募參與台前幕後的學生。其實關於故事的男主角，她心目中已經有一個人選，反而是女主角人選有點難到她，始終現實中她也曾經想為這男主角物色一個真正的女主角，可惜失敗。
 
「想我做男主角? 唔係掛…」這晚又是李乘風到到Miss Lui家陪瞓的日子。
 
「搵你做係最好㗎喇，你有外型，唱歌好聽，又完全了解個故事~」Miss Lui開始遊說工作。
 
李乘風:「但我唔識亦未試過做戲…」
 
Miss Lui:「學校有邊個試過啫… 話唔定因為咁發控埋你做戲哩個潛質呢~」
 
李乘風:「但我想做幕後多啲…」
 
「你係咪咁都唔肯幫Missie呀!」見李乘風諸多推搪Miss Lui直接出絕招。
 
「唔係…」李乘風只能立刻屈服。




 
「最多成功後Missie應承你一個願望呀…」見李乘風一臉委屈Miss Lui再出另一個大絕。
 
「咩願望都得?」李乘風果然立即兩眼發光。
 
「當然除咗衰嘢同埋我唔想做/做唔到嘅嘢啦!」Miss Lui立即包底。
 
「咁我試下啦…」其實由Miss Lui出第一大絕那刻結局便早已決定。
 
「乖~ 不過為咗以示公正你都係要參加公開篩選光明正大咁贏先得㗎。」Miss Lui摸了一摸李乘風的頭說。
 
李乘風:「我會盡力㗎喇…」
 
「咁你心入面有無想邊個做女主角?」Miss Lui乘機詢問李乘風意見。
 




李乘風:「如果Miss Lui可以做Rachel我一定摶老命咁去爭取男主角哩個角色!」
 
Miss Lui:「可惜無可能~ 不過聽完你咁講，我突然意識到女主角爭奪戰可能先係一場真正嘅龍爭虎鬥…」
 
李乘風:「點解?」
 
「因為我哩個學生太受歡迎喇…」Miss Lui摵了一搣李乘風的臉說道。
 
 
(為咗增加gimmick同宣傳效果，睇嚟都要耍啲手段喺選角方面…) Miss Lui心裏默默在想。
 
 
 
很快，一張召募台前幕後的海報貼滿了校園每一個角落。
 




 
“誠徵 : <只想和你愛一次>音樂劇的台前幕後人員
 
你的加入，成就屬於我們的故事
 
備註: 為了達至最佳效果，女主角Rachel和Ada的角色會在決定男主角人選後再進行召募。”
 
 
結果，Miss Lui這有意以為的舉動，在男主角的人選出爐後很快便讓整間學校都震動起來，學校到處都彌漫著關於這個音樂劇熾熱的氣氛。