嘉姐(31) Goodbye Stephy: 呀神過檔
「記唔記得Stephy？」
「記得，好似陳嘉桓果個靚女吖嘛。」
「靚女就咁記得！」嘉姐拍呀神個頭，呀神笑住say sorry。
「佢話叫你過去佢果team。」
「過佢果team？」
嘉姐（23）呀神過檔
是日收工兩個返到屋企，因為工作太攰所以嘉姐匆匆攞咗套bra、T back去沖涼，之後準備去厨房整晚餐。行出去時呀神見到內衣嘉姐又講：「嘩！好sexy呀！」
Sexy？
一般啫。
「多謝。」嘉姐淡淡一聲多謝回應，可能因為佢只係著常見嘅黑色bra、黑色T back，無乜特別。
亦可能係佢有心事。
嘉姐講完就行開去，呀神講：「你行嫁喇？」
「吓？」嘉姐發出疑問。
「妳未轉身俾我睇喎。」
「唔。」嘉姐答完，就擰轉身俾呀神睇pat pat，一個富有彈性白滑pat pat浮現眼前。呀神望到，好滿意咁笑笑口。嘉姐俾咗呀神睇，就講：「ok喇？」
「Ok。」呀神望見嘉姐靚靚pat pat，發出好評後嘉姐就行入廚房。見嘉姐匆匆忙忙咁，呀神都尾隨而入。當入到廚房嘉姐响度煮飯，呀神就行去佢旁邊講：「咁快煮飯？」
「係呀，早啲食嘛。」
早啲食？
呀神望望錶，見到差唔多8點。平時返95，因為David Wong搞到佢哋遲哂。
諗到David Wong搞佢，令到嘉姐都咁辛苦，就拍拍嘉姐pat pat講：「不如等我煮吖？」
「你都唔識煮。」嘉姐講完，呀神搣搣嘉姐pat pat：「咩唔識呀，好簡單啫。」
「唏，唔好搞搞震。」嘉姐fing開呀神隻手，之後擰轉面趷高腳錫佢一啖：「乖，出廳睇電視。」
嘉姐好溫柔咁叫呀神出去，呀神覺得好溫馨，都便出去唔阻住佢。
好快煮完飯，需腳撐枱腳開飯。一開始嘉姐就食得好快，咁猴急表情睇到呀神愣然！
「妳好肚餓？」
「唔係喔。」
「咁食到咁急？」
「仲有份project要搞，唔食快啲去做無得瞓呀。」
「咩話？仲有嘢要做？」呀神講：「妳忙咗成日，lunch都係咬塊麵包就做嘢，而家收咗工仲要做？」
「呼，無偈喇。」嘉姐嘆嘆氣，眠神流露住攰意。呀神見到呀神見到嘉姐殘哂，就輕撫佢臉頰：「係David Wong難為妳？」
聽到呀神咁問，嘉姐放低碗筷伸手叠上佢隻手：「係，不過佢搞得咩出樣吖。」
「Sorry，我累咗妳。」呀神情深款款咁望住嘉姐講，嘉姐覺得好感動，有一絲淚珠湧上…
當淚珠臨去到眼珠時，嘉姐講：「我無事喎，你呢？辛唔辛苦？」
「我後生又壯，梗係掂喇！」呀神谷起二頭肌表示健壯，嘉姐見到笑笑打佢：「你咪扮嘢喇。」
「咩扮嘢呀，堅料無吹水。」
「係喇係喇，快啲食喇。」
「好。」
講完一輪後兩個又食飯，食完後呀神洗碗，嘉姐就去做嘢。當洗完碗見嘉姐埋頭苦幹，呀神坐埋佢身邊講：「俾咁多嘢我條女做，我聽日同佢講數！」
「講數？講咩數呀？」嘉姐講：「佢高級過我哋，俾哂啲嘢我哋做無得say no喎。」
「咁我辭職囉！」呀神講：「東家唔打打西家，我唔信搵唔到嘢做！」
「辭職？」嘉姐講：「佢就係睇死你，話你廢叫我飛咗你。我話你唔係廢，而家咁就走咪俾佢得戚？！」
佢睇死我？
嘉姐撐我，我走咗去真係對嘉姐唔住喎…
「咁即係無辦法…」呀神講：「咁我幫妳做。」
「哩啲你唔識做，點幫呀。」
「學吓咪識囉。」呀神攞起嘉姐啲文件，發覺全部都係英文，有啲生字唔知點解，正想問嘉姐時就即刻停口。
唔得，咁小事都要問…
仲係男人嚟嘅！
決定唔問，就攞起電話打開字典app去查。查完一個又一個，呀神咁努力去幫嘉姐，嘉姐又一陣感動。
衰仔喔，幾時咁體貼嫁…
想冧死人咩…
嘉姐㩒住呀神查字典隻手，哩個舉動令呀神驚異。呀神驚異時嘉姐錫呀神個嘴，溫暖嘴唇迫近呀神都攬住嘉姐錫…
由趕工變打車輪。
打咗一輪後，嘉姐講：「你有心去學？」
「係呀，我有心去學，去幫嘉姐！」呀神熱烈咁講，嘉姐笑笑話佢賣口乖。
「你肯學即係有上進心，係好事。」
「係呀，我好有上進心！」呀神講：「以後我幫嘉姐喇。」
幫我…
我都想，但係…
嘉姐諗一諗，之後講：「記唔記得Stephy？」
「記得，好似陳嘉桓果個靚女吖嘛。」
「靚女就咁記得！」嘉姐拍呀神個頭，呀神笑住say sorry。
「佢話叫你過去佢果team。」
「過佢果team？」
「係，佢同我講你過咗去，咁David Wong就唔會再俾麻煩。」
「過去跟佢就搞掂？真唔真呀？」
「其實我都唔知，淨係知佢响公司有影響力。」
「有影響力？」
「係呀，可能係太子女。」嘉姐講：「又或者係David wong條女。」
「太子女？David Wong條女？」
「我估估吓咋，不過當日都係靠佢你先可以入嚟做。」
「咁…」呀神諗緊，嘉姐講：「你考慮吓喇。」
「好。」呀神講完就行出廳，嘉姐見到呀神好似有興趣，就有啲無奈繼續工作。
做完哂都深夜，呀神等埋嘉姐先瞓。兩個上床攬埋一舊，錫啖嘴仔之後嘉姐講：「Good night。」
「Good night。」
呀神一講完good night嘉姐就瞓咗，見佢因為自己搞到咁，呀神心諗：
我過去跟Stephy，嘉姐就唔會俾條友搞…
咁過去都好喎，又唔係飛咗嘉姐同Stephy一齊，咁無對嘉姐唔住吖…
何況Stephy咁靚女，跟佢咪跟哂全公共最靚嘅女？
哈哈…
到第二日，兩個返到公司，呀神同嘉姐講：「嘉姐，我諗咗成晚，想試吓過去Stephy果team。」
「你…」嘉姐講：「決定咗？」
「係，試吓係咪真係得。」噁神講：「如果唔得我就返嚟。」
「好，我同stephy講。」
「唔該嘉姐。」呀神講完嘉姐就去Stephy間房，敲敲房門後行入去。
「嘉姐，咁早揾我有事？」Stephy問。
「係，你咪講過話呀神跟你就唔會俾David Wong搞嘅…」
「原來妳嚟係為咗哩件事。」Stephy笑笑講：「決定咗過嚟？」
「係。」嘉姐講：「與其成日俾佢搞，不如過嚟跟妳學嘢仲好喇。」
「咁好喇，你叫佢過嚟。」Stephy講完，嘉姐就行返出去。當行到大門準備開時，停低腳步想問清楚Stephy揾呀神過team，係出於好心…
定係另有目的…
嘉姐突然定鏡，Stephy見到咁就問：「做咩呀？門鎖壞咗？」
「唔…唔係。」嘉姐講完就開門走，一出去就見到呀神。
「點呀？佢係咪叫我過去？」呀神好緊張咁問，嘉姐見到呀神反應內心唔多開心…
不過只係內心，個樣仍然無變，好平靜講：「佢叫你而家入去。」
「收到！」聽到嘉姐話Stephy叫佢入去，呀神即刻走入Stephy間房。隨住開門呀神入去，跟住閂門就見唔到呀神。
嘉姐望住呀神入咗Stephy間房，就有種將男朋友交俾第二個女人感覺。
當奇怪諗法出現，嘉姐擰擰頭回復清醒，就返房開始工作。
另一邊，呀神入到房見到Stephy斯斯文文靚女外貌，戴住幅黑框眼鏡，上半身一件白色恤衫，真係十足十陳嘉桓咁…
仲係要响男人唔可以窮嘅造型一樣…
睇見佢咁正，呀神都心中讚好。
呀神眼定定望住自己，Stephy側側頭問呀神：「唔認得我？」
「點會呀，我嚟見工時妳In我嫁嘛。」
「見你望到呆哂，以為你唔記得𠻹。」Srephy微笑：「點解你過嚟，嘉姐應該同你講咗喇。」
「係呀。」
「放心喇，過得嚟我果team，我保證David Wong唔會再搞你同嘉姐。」
「唔該哂。」呀神望見Stephy枱頭名牌寫住Stephy Chan，就講：「陳小姐。」
「叫我Stephy喇，唔好陳小姐咁生外。」
「知道。」呀神望住Stephy，面帶笑容講：「Stephy。」
呀神陽光氣色，加上攝人眼神令Stephy露出甜笑。
甜笑後，Stephy講：「你平時做開啲咩呀？」
「送文件、影印…」
「仲有呢？」
「仲有…」呀神諗咗一陣，之後好勞氣講：「仲有咪將啲陳年file全部攞出嚟換過文件夾、抹雜物室、將啲唔知乜嘢搬嚟搬去囉。」
「你咁激氣，即係果啲都係David Wong叫你做果啲無謂嘢喇？」
「係喇，佢幾小氣！！」
「唔駛勞氣。」Stephy講：「以後你嘅工作會唔同。」
工作唔同？
係乜？
Stephy話工作唔同，呀神就豎起耳仔去聽。
「嘉姐部門係行政，係內部工作。」Stephy講：「而我個部門係對外。」
「對外？」
「係，主要揾生意，同埋傾生意。」Stephy講：「你外表咁charm，應該難唔到你喇。」
「妳識貨呀。」
「哈哈。」Stephy講：「咁你去搬張枱入嚟，我同人事部講聲。」
「搬張枱入嚟？」
「係呀，你做我秘書，梗係要入嚟一齊喇。」Stephy講：「係喎，David Wong叫你將啲嘢搬嚟搬去，而家我又要你搬，你唔mind嗰呵？」
Stephy講果時流露住佻皮，呀神原本想講笑回應，不過諗到啱啱見面唔敢咁放肆，所以笑笑講唔mind。
呀神行咗出去搬枱，嘉姐見到佢行出房就要搬嘢，有啲唔明就問佢：「Stephy唔係答應你過去佢果teaam咩？」
「係呀，佢應承。」
「咁你又要搬枱？」
「佢話叫我搬枱入去佢間房。」
嘉姐聽到，露出疑惑眼神。呀神見到嘉姐咁就講：「佢話我做秘書，要入去佢間房做嘢。」
「你做秘書？」聽到呀神做秘書，嘉姐好驚愕！
「係喎，我都估唔到。」
Stephy請呀神做秘書？
佢啱啱入行，文政嘢唔在行，而且之前都係做啲執頭執尾…
點解佢會揀呀神？
嘉姐望住呀神，不安之心湧起。
待續