嘉姐(32) 斷正: 同老闆爭女
呀神講：「條肥佬係妳同事？」
「係我上司。」
「咁即係用Boss身份媾下屬？」
「你又知佢媾我？」
「嘉姐咁靚女，條肥佬知道妳係我條女果時個樣謝哂，估到喇。」
「係咩。」
「仲有妳頭先一見到我就話等我好耐，即係肥佬約妳，妳就借我耍走佢喇。
嘉姐（13）同老闆爭女
______________________
翌日下晝5點，响中環office就快到收工時間，嘉姐搞埋啲手尾。
執埋哩個file就搞掂！
嘉姐望住一堆文件夾，做咗成朝差唔多完事收工，成個攰哂伸伸懶腰。
當鬆一鬆時，敲門聲傳出。
「cone In。」
嘉姐叫敲門果個入嚟，一個高高瘦瘦靚女開門而入。
「嘉姐，」靚女講：「David黃搵妳。」
佢搵我？
唔通又想約我？
David黃係嘉姐上司，成日想食嘉姐。
「Thank’s。」
嘉姐講完都走去David黃間房，入到去見到一個肥肥矮矮禿頭男人。禿頭男人一見到嘉姐就笑口噬噬。
「嘉姐，妳嚟咗喇。」
「係，黃總經理。」嘉姐心入面鬧佢講廢話，David講：「哩度得我哋兩個，叫我David得喇。」
「係，David總經理。」
嘉姐態度有啲硬淨，David收起烚熟狗頭，認真咁講：「我叫妳入嚟係想同妳講吓公司近排業務，我哋…」
David源源不絕咁講，不過內容長而唔等洗…
即係講廢話。
講咗一大輪，嘉姐偷偷望鐘，發覺都6點半。David好似較啱時間，就同嘉姐講：「講講吓都6點幾，不如我哋一路食晚飯、一路傾？」
同你食晚飯？
咪傻喇。
「Sorry呀，我今晚唔得閒。」
「有約？據我所知妳無男朋友喎。」
無男朋友？
之前都有Steven，你無理由知道我哋分咗手！
「我…」
嘉姐未講完，David講：「就咁話喇，我去去廁所先，陣間接埋妳去。」
「我真係約咗人，唔得閒。」
「咪呃我喇，妳有時間嘅…」David露出淫樣，嘉姐都費時再講咁多，一聲sorry之後行咗出去。
死淫蟲，約我食飯想媾我？
呀叔，你有老婆就咪搞三搞四喇！
點解有老婆嘅男人咁鍾意媾我…
我似二奶咩？！
嘉姐俾David搞到心煩，返去攞返個袋就即閃。當落到樓下時David就企响佢架車旁邊同嘉姐揮手：「嘉姐，哩邊呀！」
吓？
佢快過我？
嘉姐為咗撇甩佢，已經第一時間走。點知都唔夠佢快，企正樓下截住。
David淫樣望住嘉姐，嘉姐打算強硬啲同佢講唔去食飯時，有另一把聲出現。
「嘉姐！」
邊個叫我？
突然有人叫自己，嘉姐跟住聲音去望。見到叫佢嘅係個高高大大肌肉男，個樣又靚仔。
唔駛多講，叫佢嘅係呀神。
呀神點解會出現嘅？
嘉姐心中疑惑，當見到呀神行近時佢就行埋去撓住佢隻手，講：「咁遲嫁！」
嘉姐嬌嬌嗲嗲語氣，係前所未有。呀神覺得有啲意外，見到David個樣都係面露意外神色，load一load之後大概估到咩事。
「Sorry呀老婆仔，我遲咗收工。」
老婆仔？
呀神咁叫嘉姐，俾佢搞到好嬲又好笑。
「哼！」嘉姐摵呀神屁股，呀神都擺隻手去嘉姐屁股，不過只係放隻手落去無搣。
唉吔，摸我pat pat！
嘉姐對呀神抽水，嗡嗡鼻無fing開佢隻手。
兩個互摸pat pat咁癡纏，David見到就講：「佢係…」
「我係佢男朋友，你又係？」呀神首先搶答，嘉姐聽到露出絲絲微笑。
雖然只係一瞬間微笑，但係嘉姐自己都唔知道係好冧呀神咁樣講。
「唔係無男朋友咩？無喇喇走咗個出嚟？」
「咁我份人低調，唔鍾意週圍講嘛。」嘉姐對呀神講：「好肚餓呀，我哋去食嘢吖。」
「好喔。」呀神錫咗嘉姐塊面一啖，然後拖住佢走。
途中嘉姐問：「點解你會响哩度出現？」
「無呀，想去妳新屋睇吓。」
「有咩好睇，咪又係間屋。」
「咁我條女搬新屋，我係咪要去睇吓先。」
「邊個係妳條女呀，」嘉姐講：「你發緊夢？」
「啱啱先响肥佬面前講係妳條仔，點會發夢呢？」呀神講：「條肥佬係妳同事？」
「係我上司。」
「咁即係用Boss身份媾下屬？」
「你又知佢媾我？」
「嘉姐咁靚女，條肥佬知道妳係我條女果時個樣謝哂，估到喇。」
「係咩。」
「仲有妳頭先一見到我就話等我好耐，即係肥佬約妳，妳就借我耍走佢喇。」
「你真係好醒呀！」嘉姐趷高雙腳摵呀神要珠：「幾時變到咁醒嫁！」
「唔醒點保護條女呀。」
保護條女？
呀神又講我係佢條女？
佢認真？
呀神再一次話嘉姐係佢條女，令到嘉姐個心卜卜跳，一時之間個人亂哂唔識反應。
嘉姐摵面雙手放開，呀神捉住嘉姐膊頭，情深款款講：「我又救多妳一次，係咪值得獎勵先？」
「獎勵？」
「係。」
呀神講完就伸個頭埋去錫嘉姐個嘴，突然俾佢當偷吻嘉姐呆一呆…
呆一呆之後發覺呀神好溫柔咁去錫，雙唇不斷轉動去盡量啜取嘉姐香甜嘴唇。
可能因為呀神嘴得太有技巧，嘉姐都投入其中迎合呀神嘴唇…
仲伸出雙手去攬住佢。
當伸出手時眼尾見到好多人圍觀，嘉姐驚覺唔可以，就講：「好多人望住呀！」
「望咪望囉。」呀神同嘉姐打茄輪，滿足咁笑住講。嘉姐俾佢個笑容搞到好尷尬，講：「大街大巷kiss，做戲咩！」
嘉姐微微面紅，又有少少發脾氣咁，引到呀神更加覺得得意。
「係喇，我哋返屋企先錫。」
「咩返屋企先錫？！」
「咁妳想一路行一路錫？」呀神又錫嘉姐個嘴一啖，然後快步行開。俾呀神整蠱，嘉姐嬌叱一聲：「你個死仔！」然後追上去打佢。
「哈哈！」
「你咪走！」
「追我喇，追我喇！」
「你個衰公，蝦我！」
「傻喇，點會蝦妳呀…」呀神停低攬住嘉姐，講：「衰婆。」
然後又錫嘉姐個嘴。
今日第二次公衆場合俾呀神錫嘴…
一錫落去嘉姐即時望向四週，見哩度無乜人…
呀神kiss又有技巧…
嘉姐唔諗咁多…
合埋眼攬住佢…
盡情同呀神打茄輪。
待續