只屬於我們的獨特戀愛關係: 18. 想見你（2）

拍攝完結後，我和心妍一起吃晚飯。

期間沒有特別提及我和藍天的關係。

只是當我問到心妍怎麼看待沒有名份的關係，她的反應很大。

心妍表明決不接受那種曖昧不清的情況，必定會迫男生澄清、表白。

若男生想含糊帶過，她不會再發展下去。





「咁一定係男嘅想喺女嘅身上攞著數。」心妍說。

「但係佢地無肉體上嘅接觸。」我說：「但佢地可能一星期見三次，仲可以隨時上對方屋企hea。」

「咁個男人為咩？」

「唔知呀。所以咪問你點睇。」

「可能為咗享受曖昧又有人陪嘅快感。總之做事拖泥帶水又無付出嘅男人唔會係咩好人，一齊得只會有被玩嘅結局。」





心妍很清楚她想要一段實在關係，她的眼中「不一起」就是「渣男」，而相對我則沒她那麼愛恨分明。

我心裡想和藍天保持友好的關係，同時我認為他未必會是一個好的男友。但我仍想和藍天有聯繫，不希望他從此消失在我的世界裡。

「我覺得好多事都有灰色地帶，唔係樣樣都可以非黑即白去分辦。你唔覺得咁樣個人好偏激咩？」

「我清楚自己需要啲咩，唔會委屈自己。一個俾唔到名份女人嘅男人，乜嘢專一、愛、時間、關心、責任，女人想要嘅嘢佢通通都唔會俾到。」

「唔肯確定關係嘅人就係渣！咩叫渣呀？就好似呢煲湯渣咁呀！呢舊乾曬嘅瘦肉，難食又無曬營養呀！」心妍激動的說。





我本來期望藍天在拍攝結束後會發個短訊給我，怎料直至明天為止他也沒有找我。

或許有過幾次戀愛經驗的心妍說的更對。

我在工作上有主見，但在愛情上卻是新手班，總弄得自己的心一塌湖塗。