念念不忘 都冇迴響: 融入

「上莊、住Hall、拍拖、讀書、返工」，人稱大學五件事。雖然我後來覺得呢啲指標，應該係有上莊嗰啲人定出嚟，屈啲人上莊，但係年少無知嘅我邊會諗到咁多，所以我都用呢啲來做指標，希望可以全部達成。

遊爍嵐本身同C大住得好近所以佢冇住Hall,佢有嘗試上莊不過C大咪有勁多傾莊又一大堆乜東東嘢，佢最咪差幾票所以冇上到莊；相信我為咗個宿位所以決定上Hall莊，呢個簡直係我人生做過最錯嘅決定，不過當時邊諗得咁多，只係覺得自己好威風，依家諗返起都好戇居。

幾個月以來我同遊爍嵐個自適應同融入自己嘅大學生活都比較忙，冇見面，但係因為我哋有keep住每日DM，所以我都唔會同佢有生疏。但其實一直以來，我好驚訝佢竟然肯keep住同我DM的。

大學實在係太多野嘗試，Hall d 人際關係又係一片混亂，好多時其實我都會諗返起遊爍嵐，好想知佢依家過成點，好想快D再見。其實我後來有思考到可能遊爍嵐係我一個精神寄託，就算佢已經唔係中三嗰個佢，但係我內心好相信有一個人而唔會成日聽我講嘢咁明白我，好想相信世界上依然有一個咁好嘅人存在，所以我成日都會諗返起佢。