念念不忘 都冇迴響: 現實

到個正式分班表出左之後，我自己買左半打啤酒飲，結果太苦，一罐都飲唔晒。果陣我好堅決一個人都冇聯絡，其實我係等緊人搵我安慰我，但係結果等左足足兩個星期(?)都冇人嚟搵我。

結果最先聯絡我，就係下年同我同班，兼我個最好朋友謝嬭堎。我記得果陣我又係去完camp病病地休養緊，我話：

「其實我病得唔係好嚴重，但係生病困住咗我喺屋企，而同事我亦都困住咗我喺自己屋企。」

後來我好翻之後想做D嘢令我記得今次嘅苦楚，就好似《來自星星的你》嘅女配角一樣，我選擇咗剪短頭髮煥然一新，順便慳返啲打理時間努力讀書。

我記得過左咁耐之後，第一次見番遊爍嵐就系補習社，嗰陣佢一啲都唔驚訝，就好似乜事都冇發生過咁同我講嘢。補完習之後我哋仲要一齊食譚仔，講到下年要重新認識朋友乜東東，我都唔知點解我咁冷靜咁同佢講嘢，可能因為事隔兩個禮拜我已經接受咗現實，定係我強忍緊痛楚繼續同佢傾偈食飯。講真我就真係唔係太記得嘅，反正事實就係咁，我地都要重新適應冇對方係身邊嘅班房了。