念念不忘 都冇迴響: 瑣碎 二

記得果年英文堂我地係同一組，有幾堂個老師病左，校長又好有興趣咁嚟代左幾堂課。果陣個校長講果D嘢都幾好笑搞到我地都笑左，但係可能我地笑得太大聲同埋得我地笑，搞到個校長有D憤怒調開左我地。之後果次調位我比人調左去單丁坐最後一排，而遊爍嵐就系正第一排第一個位。遊爍嵐果陣覺得好無公平，又話我自己一個坐好慘；但係中四果陣我覺得D老師都好廢，我上堂都冇認真聽書，所以又覺得其實坐邊都無所謂，反正我都係瞓覺。

坐左系最後其實都有個好處，長期都望到遊爍嵐。有一次自修堂佢比後面位整蠱痴咗張便利貼喺佢背脊，我就扮有補習功課問佢叫人傳比佢，偷偷地系上面提佢。

不過中四最深刻之一都係我地好鍾意放學之後去電腦室print嘢，suppose每個人都有個限額唔可以超過10張，但係我地每次都print夠本先走，個老師都奈我地無可。

仲記得果年班機旅行喔無啦啦比人埋左落D沙裡面，游爍嵐知道我好珍愛我隻錶所以係我動彈不得嘅時候主動幫我除地左。當日返到屋企見到有張相全部人都dab緊，但明明我冇印象當日我有dab到，放大長相先發現班仆街圍住我影班相，而我根本都唔知道當時係影班相。

無論如何啦，中四就係發生左好多細碎片段，好多野都係微不足道，但係我又會覺得好搞笑或者好窩心。但係就算日子過得幾天真瀾漫都好，現實畢竟都會打破一切安穩局面，好快就到左下學期考試，亦係我中學生涯中最深刻的一次考試。