念念不忘 都冇迴響: 考試

我同陳珊蕾單獨放學嘅情況，一直維持到十二月第一次考試先完。每逢考試D人咪好鍾意一齊邊走邊討論試卷嘅，咁我地四個名義上都係朋友，所以一齊走都好正常。果陣李姿穎同陳珊蕾都係住學校附近，得我同遊爍嵐要搭車走，所以自自然然突然又多左一堆獨處時間。

可能係過左幾個月我已經無在意八月果D嘢，可能係根本我太掛住遊爍嵐，反正有得從新一齊走，我覺得非常興幸。

到考完試最後一日我地甚至四個相約一起去食日本野。果日佢地相約左個一起著裙嘅dresscode,對於比較求其著衫休閒風同男仔頭嘅我來說，真係一個新嘗試，搞到我要提早去H&M買衫。好彩個效果都幾好。

反正自從多左接觸之後，我都係一如以往咁繼續鍾意遊爍嵐，果種程度隨住時間只係有增無減。其實我後來都有問自己到底鍾意佢D咩，都好難答。我鍾意喺佢面前，我可以分享自己最深嘅想法；鍾意佢夠跳脫，同佢一齊無限嘅樂趣同新鮮感；鍾意同佢一齊周圍去，開拓左我更大嘅世界觀。依家咁諗，鍾意佢嘅原因有好多。但係始終誤會過佢一段時間，我覺得我地嘅關係冇中三果陣咁親近，始終都有個距離感，想約嘅時間都冇以前咁高了。