念念不忘 都冇迴響: 八月

之後幾日見佢陸續post左幾個post系private ig講自己係俾人無啦啦屈入數班，又見到另一個同學都係咁講，我先開始信你講野。

不過都冇乜機會同佢講任何野，因為八月果陣佢俾人揀左去歐洲交流團整整一個月。而我地整整一個月都可以冇任何聯絡。

果個八月其實我都幾down嘅，有時開ig見到佢update d近況，或者見到佢同其他friend挽得好埋好開心，但係我係完全冇聯絡你嘅藉口。或者話知道下年無啦啦唔同班我都依然未平復到，無論係咪妳嘅決定都好，事實就係事實，我地畢竟都無得再一齊同步放學，冇機會一齊坐，冇得喺班房見到你。

當然我依家事隔多年會覺得自己果陣係自私的，佢無啦啦俾人調左半已經夠慘，我仲要誤解佢同埋冇乜點關心佢。但係的確果陣我都幾大打擊，加上時間同距離嘅影響，所以下一次見面已經係中四九月開學了。