念念不忘 都冇迴響: 習慣

中學果陣，行返學過條路隔離有個屋苑。隔著個圍欄，每朝一路行就望下見唔見到你。偷偷地跟住妳個步速行，隔著幾米，我覺得我地算平排行緊。直到轉角你要行出嚟，我先急急腳行走，無謂等埋你，一切太過刻意就好明顯了。

我都唔知由幾時開始，就有嚟種習慣。

習慣當然仲有好多，早會望下你，經過你課室望下你，食飯系canteen望下你。屌，搞到Twilight咁樣，之前上網見過有段片，講個男主角同女主角全程就偷望緊大家，非常on9。
但係事實上我除左望著你，都冇咩可以做到，因為我都係女仔，你可以會話依家都咩年代，愛有分性別咩？

哈哈，事情係咁簡單就好了。