Intern上司係我SP: 完故感受

好，終於得閒寫埋感想。

第一次寫甜故，感覺幾好玩，寫甜位係會硬住寫，完全冇諗過有咁嘅效果。前後寫半年，10萬字嚟講 (紙言數據：100796)，都算慢下，真心愧疚，只能再次表達我對你哋嘅愛。

故事本身，主線圍繞著男主、上司忻漪，同hallmate夕嵐。貫穿故事主線嘅，係三人嘅創傷，點樣扭曲身心。上司俾丈夫嫌棄，就移情別戀，麻醉自己，但最終選擇退後一步，回到婚姻生活。夕嵐細個就遭遇厄運，後來衍生報復想法，想用仇恨對抗心魔。主角父母過身，就自暴自棄，過行屍走肉，乜都冇所謂嘅生活。以為自己生無可戀，但內心追求嘅，就係有人願意愛自己。

關於Ending，當然客觀上係開放式結局。但實際上，夕嵐同麥哲都表達咗自己嘅意願同心意，兩人都肯改變嗰刻，就已經算係改變某種命運。所以，故事Ending冇刻意讓大家思考，最後嘅部分，夕嵐話「我答應你。」，就係想話俾大家聽，女主已經落咗決定。擲銀仔嘅結果，其實唔重要了。

至於故事長度，我唔想寫太多支線，亦唔想夾硬寫重甜，所以覺得短的話，就只能說不好意思了。



寫呢個故事，主要想鍛煉文筆，試驗下自己適唔適合繼續寫小說。香港寫作產業唔算好，好難做作家過活。我諗，更好嘅選擇，係作為興趣寫嘢。咁會唔會繼續寫甜故呢？少尷尬，甜故出唔到書，而且難度都唔低。所以，睇下市場反應啦哈哈，又或者有靈感的話，都可能再嚟。

好希望大家鍾意呢個故。當然，鍾意又好，覺得一般又好；甜位又好，劇情又好，各位嘅意見對我都係鼓勵，驅使我更用心寫得更好。我嘅小夢想，係出書過下癮，但我覺得最重要嘅，始終係自己寫得開心，同埋你哋睇得開心。

連登傳送門: https://lihkg.com/thread/2449079/page/15