《那一晚，我係舞廳見返初戀姐姐》: （50）

「小司，咁離開呢到之後你有咩打算呀？雖然係我囈你應承左，但你個日聽完Louis講完成個計劃之後，都無要求過啲咩」

我緊握著Tiffany 的手，道：「Louis都應承左會好好照顧你同之後出世既BB，同埋俾我地咁樣係埋一齊兩個禮拜，已然好足夠，我唯一想要既就只係你生活得好… 我知道佢心入面都唔好受，佢為左佢所認為既大局都犧牲左好多」

「你呀，成日幫人諗又唔幫自己諗下」

「其實我都只係為姐姐你諗，我希望你可以過得好」

「咁你同Shirley宜家點呀？你黎之前有無見人呀？」她話鋒突然一轉問道。





「見完你地個一晚有見過佢，之後就無啦，同佢講左Louis吩咐既野，同埋問多左一啲關於Louis既事」

「咁你對人有無意思呀？我睇得出佢好鍾意你，雖然佢年紀係大左少少」

「無呀，其實佢只係一個寂寞既靈魂，同無左你既我係一樣，我只係盡能力咁去安撫一個空虛既人，得閒煮下飯俾佢食，陪佢傾下計」

「咁你重有無同佢…」她欲言又止。

我突然公主抱般抱起Tiffany，然後道：「同佢就無啦，不過同你就重有好多次」





Tiffany搥了搥我的胸道：「人地好認真咁同你講緊野，你就講左去第二度」

「我都好認真架，想換個地方再同你傾」我抱着Tiffany走回了房間，把她放到床上，我亦上了床把她摟住，展開了另一場激情的對話。