《那一晚，我係舞廳見返初戀姐姐》: （38）

Louis 續道；「其實係Tiffany上次去左舞廳之後，我就察覺到佢有啲唔同左，佢好似開心左好多，我問過佢有無咩事發生過，佢又話無。直到Shirley帶你黎食飯，佢上左車之後嬲爆爆既樣，一句聲都唔出，我從來無見過佢咁樣。一直問佢係咪有咩事，佢都只係不停擰頭。返到屋企佢鎖埋左自己係房，我聽到佢係入面喊，但係我咩都做唔到，於是我就開始搵人查你既事」


聽到此處，我的心在痛，亦為自己所做的事而愧疚。

「一開始係咩都查唔到，只係有一次咁啱我見到你個張已經皺晒既咭片，相信Tiffany掙扎左好耐都唔知搵唔搵你好。我拎左張咭片問佢，佢唔覺意講左你個名，只係話你地之前已經係識，但始終都唔肯講點解個日咁嬲咁唔開心。我之後又問左外父，多左好多線索我先可以搵人查到你咁多野。」

「咁Tiffany宜家佢點呀？佢無咩野呀嘛？佢宜家係咪係附近？佢願唔願意見我呀？」我急忙的問道。

「佢係樓下車入面，一陣你就可以見到佢，佢話一定要黎見你」他帶點不忿的道。





「咁可唔可以宜家叫佢上黎？我想快啲見到佢」我催促著Louis 道。

「可以，你等我打個電話」他迅速撥了個電話，我亦走到一旁，只看他低聲說了幾句話就掛斷了電話。待我走回去的時候，Louis對着我說：「Tiffany上緊黎，但佢想單獨同你傾下，我會迴避一下」跟著他便戴上了口罩離開。