《那一晚，我係舞廳見返初戀姐姐》: （35）

「借種生仔？Louis，我諗你同我講笑吓嘩」我搖了搖頭道，亦在心中開始盤算他的葫蘆在賣甚麼藥。

 「Leo，可能就咁講你可能唔會信，但呢樣唔係講笑，我的確係黎搵你幫手，亦都希望你會應承我，同埋保守呢個秘密，至於報酬…」他說的時候，身子向前傾，臉色亦開始認真起來。

整件事開始變得複雜起來，我於是打斷他問道：「唔好講報酬住，可唔可以先話俾我知點解？等我聽完之後再做決定，無論決定係點，今日呢件事只會係留返係呢到」

「無問題，咁我就講左原因先，因為我想有小朋友可以繼承家業」他很簡潔的說了這一句。

「等一等先，你會唔會講得太過少呢？我唔係太明白，你地都可以生小朋友，點解要搵我呢？」現在是我的主場，我務必問得清楚明白。





「我諗有啲野你唔駛知道得太清楚…」他迅速的拒絕回答。

「咁樣我好難做，我諗過好多可能性，亦同時亦有好多解決方法，但我唔明白有咩令到你一定要黎搵我。其實你只要俾一個合理既解釋俾我，我或者會應承你，又或者如果你唔方便講，你可以叫Tiffany上黎同我講」我故意提起Tiffany，看到他眼神閃過了一刻猶豫，我知道Tiffany應該在不遠處，而且他心中有些盤算似乎連Tiffany也不知道。

「Leo，你有無聽過：『情敵係永遠對立的知己』，其實我唔應該黎搵你，但為左屋企，我無辦法唔咁做」他低下頭，嘆了一口氣道。

「或者你講得啱，其實如果唔係同Tiffany有關，或者我都唔會再同你講落去」我拍了拍他的肩膀道。

「咁我唯有將成件事由頭到尾講俾你知，希望你聽完可以做一個大家都滿意的決定」我堅定的點了點頭回應了他，Louis 便開始將故事慢慢道來。