《那一晚，我係舞廳見返初戀姐姐》: （30）

想不到Shirley屋企那麼豪華，但卻沒有甚麼食物，結果只能湊合弄了煎午餐肉公仔麵。

「估唔到你整野食都幾有板有眼架喎」

「煮個麵有幾難呀？我知你係忙，但估唔到屋企只係得啲罐頭同公仔麵」

「咁人地平時都唔會點煮野食，所以只係得呢啲架炸，不如你煮餐飯俾我食呀」

「你咁信得過我手勢？碗公仔麵有咁好食咩？」





「好唔好食有時係睇同邊個食既，咁有人親手落足手機去煮就梗係會唔同啲啦… 同埋我想搵返個種有人係屋企等自己既感覺」

「咁黎緊你搵日早啲話我知，我買餸上黎煮俾你食」我拍了拍Shirley的額頭道。

「真係呀？不如你搬過黎同我住，咁咪可以日日煮俾我食」Shirley突然瞪大眼睛道。

「你就想，想呃我黎同你同居」

「唔係呀，你又唔洗走黎走去，我又有住家飯食，winwin 雙贏」





「到時唔止食我煮既飯，重想食埋我」

「乜你講到人地咁猴擒架？你頭先都好享受架」說完，她挺了挺胸，展露她那矯人既身材。

我自知理虧，只好繼續低頭吃麵。

「曾經有人講過：『女人因優秀而孤獨，男人因孤獨而優秀』，我都只係想你呢個咁優秀既男人會黎搵下我呢個孤獨既女人…我知道你宜家唔會接受我，因為你心入面係放唔低Tiffany」

「我諗你唔好再插手我同佢既事會好啲」我語氣開始加重，彷彿在責怪她。