《那一晚，我係舞廳見返初戀姐姐》: （27）

「其實？」她抬了抬頭，眼睛瞪大了少許，狐疑的看着我。

「其實我代佢都有私心，只係目的唔係你，亦都唔係要利用你」我堅定的對她說。

她吻了一下我的臉頰，然後又躺回我的胸前，道：「既然同我無關既就唔好同我講，就算你係利用我，都唔好俾我知，好唔好呀？」

我拍了拍她的頭，然後輕輕的把她摟住，然後道：「我講個故事俾你聽，好唔好呀？」

她輕輕的點了頭，嗯了一聲。於是我便道：「從前有一對青梅竹馬的男女，佢地自細就係鄰居，細細個就一齊玩。其實個男仔一直都鍾意個女仔，但就係唔敢同個女仔表白。直到有一日，個女仔迫問個男仔既時候，個男仔終於承認左，佢地只係一齊左一日，個女仔就唔見左人。個男仔搏晒命去啲個女仔會去既地方、聯絡佢地認識既朋友，但搵左好耐都係搵唔到。身邊有好多人都叫個男仔放棄，但個男仔始終唔肯。結果個男仔決定左去跳舞，因為佢覺得呢份工可以令佢接觸到好多唔同既女仔，又可以去舞場認識到好多唔同既人，相信咁樣可以搵得返個女仔。」





「所以你就係個個男仔，個女仔就係Tiffany」

我沒有否認，亦沒有承認，只是把她摟得更緊。

她一邊用手指在我的乳頭打圈一邊問道：「其實你想唔想知點解我今日要帶你去見Tiffany 佢地呀？」