《那一晚，我係舞廳見返初戀姐姐》: （23）

「Sorry，多謝你的錯愛，我諗我做唔到，係我心目中愛情唔係一份工。係相愛既人口講係情趣，但呢個情況唔係」

「你知唔知呀？你係唯一一個會拒絕我既人」

「應該話你太吸引人啫，而我只係咁啱唔受你呢套。其實你有無諗過係因為我拒絕你，你既好勝令你覺得要得到我？」

「我知道唔係，可能係你太神秘，反而係我俾你吸引住。第一次去studio搵Ivan既時候見到你，我就已經同Ivan講點樣可以接近你」

「咁你同Ivan都夾左好耐，我一啲都察覺唔到」





「係因為你一啲都無放我係眼內…其實我搵過私家偵探查你」Shirley的神色中有一點點的埋怨。

「查我？我身家清白，好似無咩俾你查到炸喎」

「係咩？咁你同Tiffany既野，我去搵Louis傾下囉」

「好似係你叫我冧Tiffany㗎喎」

「我諗如果Louis聽到既話，個版本應該唔係咁，重有…」





我心慌了一慌，道：「重有咩呀？」

「重有…你 · 地 · 係 · 舊 · 相 · 好」

「你唔好亂講野呀，有咩證據？」

「我就係證據…」


突然，我看到Tiffany跟Louis來到停車場向著我們方向走來。腦海中浮現了有兩個想法，一係立刻離開，不再跟Shirley糾纏，但有可能她會立刻跟Louis講，雖然我不相信她有任何實質證據，但倘若Louis相信，應該會為Tiffany帶來麻煩；二就是我立刻上車阻止她，和她繼續周旋，待Tiffany她們離開為止，再想辦法脫身。





結果，我選擇了一個可能是最差的做法。