《那一晚，我係舞廳見返初戀姐姐》: （18）

我本來想伸出手握著她的手，但想了想這個場合並不合適，伸出到一半的手收了回來，拿起了玻璃杯喝了一口蘋果汁，接著道：「尋晚Shirley叫我扮佢私人助理黎見人，我都唔知佢會咁講。佢話我唔黎會後悔，我諗應該會見到你，所以就陪佢黎，想睇下係咪真係可以見到你。」

Tiffany彷似鬆了一口氣，但又隨即嘆了一口氣，便道：「其實我無諗過會係咁樣再見到你，上次我咁急走左係因為Louis黎左接我走，跟Shirley去舞廳亦都係有原因。我知道Shirley本身想利用你黎接近我，但你應該唔知情。暫時我有好多野都唔可以話俾你知住，但你會唔會相信姐姐我呀？」

我肯定的答道：「信，我相信你，相信你唔會害我，相信你有苦衷，亦都相信係適當既時候你會話返俾我知」

「小司… 如果你有少少懷疑我，我個心可能會好受啲，我好似有太多野暪住你」

我搖了搖頭，身子向前傾，堅定的道：「唔緊要，只要你願意講，我就願意聽，你唔可以講或者唔想講既，就唔好講，最緊要係你唔好收埋太多而鬱出病」





「你呀，對我太溫柔啦，去到呢一刻都淨係為我著想，反而我…」

我再搖了搖頭，說道：「姐姐你唔好咁講，不如你話俾我知呢十年你生活成點，好唔好呀？」

「好呀，等我講完到你話返俾我知」