《那一晚，我係舞廳見返初戀姐姐》: （13）

「我諗做得你員工都唔會想咁做，萬一有啲咩唔啱你心意，隨時影響表現，隨時無得撈」

「喂喂喂，我有咁唔講道理既咩？」她佯裝生氣道。

「唔係話你唔講道理，只係做一個決定既時候，總會有啲感情同習慣係入面，聽到一啲相反既意見，或多或少會有啲抗拒，就算係幾理性既人，都會有呢啲時候。打工仔與其要冒呢啲險，不如只係按吩咐辦事」

「既然你講到咁，但你係呢到又成日同我頂嘴？」

「呢到係舞池，係我既主場，唔係你既office，而且我唔係你既員工。最重要既係你黎係為左開心，唔係要搵人淨係識陪笑，要清楚自己個角色，同你既需要，好似領舞跟舞咁一來一往先可以跳得郁」





說到此處，她的眼神認真起來，道：「其實你有無諗過唔跳舞，跟我做野呀？你唔似係一個普通人，應該有更大既發展空間」

「你似乎唔單止吼住我肉體，似係想我成個人都俾晒你咁喎」

「俾晒我唔好咩？唔係個個都有咁既機會」她伸手摟住我的脖子，眼神亦變得溫柔。

「雖然我係唔想再努力，但係有啲事係勉強唔黎」

「咁我就等下，睇下會唔會有唔勉強既一日啦...」說罷，便轉身離開。