《那一晚，我係舞廳見返初戀姐姐》: （7）

那是我大學剛畢業進公司工作後沒多久的一天。

Tiffany突然打電話來說她今晚會煮飯，讓我早點回家吃。雖然覺得有點奇怪，但我還是早點下班，在途經的花店買了一束花。

在家的門口已經聞到飯菜的香氣，我亦曾幻想過每天晚上能夠吃到她所煮的飯菜，是多麼幸福的一件事。多虧兩老在往郵輪旅行之前，給了她後備鎖匙，說是怕他們去兩三個月旅行，我會照顧不了自己。這天就好像是一個丈夫在外工作之後，妻子在家準備晚飯，準備度過一個溫馨的晚上。

一打開門，就看到Tiffany穿著圍裙在把飯菜端出來。她一看到我，便笑著說：「時間啱啱好，快啲去洗手，換衫出黎就食得。嘩，有花既，送俾我架？」

「係呀，送俾你架，多謝你煮飯俾我食呀嘛，不過唔知你鍾唔鍾意啫」





她接過我手上的花，便喜孜孜的道：「鍾意呀，我唔係個個送既花都收架，見你咁難得先買一次花，我就收左佢啦」看著她把玩著花束的笑容，就知道這次買花的決定是正確的。

洗手換好衣服後，Tiffany 已經坐在飯桌前等著我，我坐好後，她便說：「雖然未必煮得好似伯母咁好食，但你都要同我食晒佢架」

「媽咪話你有晒佢真傳架喎，三餸一湯我都同你食晒佢」

「咁就好，我地食飯啦」 「好，姐姐食飯」

席間，我倆談天說地，說回很多兒時往事，飯菜很快就被我們吃光，當然她的手藝的確值得一讚。我把桌面收拾乾淨，並把碗碟餐具等洗好後，Tiffany卻說了一句：「你一陣出黎既時候，係雪櫃拎埋枝香檳出黎呀」





「香檳？酒？」我遲疑了一會，續道：「你不嬲都唔飲酒架，你每次見到我飲酒都會叫我唔好飲唔係會變做你爹地咁，點解今日你會...」

「你唔好問咁多先啦，拎出來再講」她催促著我道。

究竟平日滴酒不沾的Tiffany 有甚麼打算 ？