《那一晚，我係舞廳見返初戀姐姐》: （5）

突然感覺到肩膀有人拍了數下，Tiffany亦掙扎離開我的懷抱，看到Shirley站在旁邊冷眼看着我倆，說道：「唔好意思喎，阻住你地倆個添，但我有啲事要借走Tiffany，等陣先還返俾你」

「咁我先去休息室抖一下再返黎」便對著她倆欠身一笑離開了。

在休息室的十五分鐘，我亦稍稍整理一下自己，梳理一下心情，能夠再次遇到Tiffany固然是幸運，但亦要小心地隱瞞Shirley，免生枝節。待我回到舞池的時候，卻只看到Shirley一人，心中不禁有點納悶，似乎被她察覺到。

「Tiffany啱啱接到個電話就走左，不過佢話多謝你，今晚佢玩得好開心。佢平日成個冰山美人咁，你究竟落左啲咩藥溶左佢呀？」

「哦... 邊到有咩藥呀？又係你叫我冧掂佢既，咁樣既結果唔係幾好咩？」





「好係好，睇你個樣有啲失落，你唔會係沈左船吓嘩？你唔好唔記得我呢個舊相好重係到喎」

「咩沈船呀？你講咩呀？唔係喎，咩舊相好呀，你既舊相好應該唔係我喎，咁Ivan呢？我只係代佢黎左一排炸喎」

「你呀，不解風情... 下次Tiffany可能都會黎，咁你重會唔會黎呀？」

「宜家我無工開，唔黎呢到就無飯食，點會唔黎呀」

「我就睇死你係想再見到Tiffany啫」





「你唔係呷醋呀嘛？」

「你會唔會睇得自己太過高呀？雖然你副body係幾正既」話還未說完，她的雙手便又再在我身上游走，更繞到背後把我抱著。

「我同Tiffany邊個好攬啲呀？我身材都唔差㗎喎」

「你身材好好添，在場有邊個好似你咁正先」同時在她腰間跟臀部撫摸着。

「咁係咪我好攬啲呀？」





「男人講既野呃人㗎喎，你重想聽？」

「開心既就聽囉」

「咁樣知道係咪好攬啲未呀」同時放在她臀上的手開始搓揉起來，Shirley亦把頭枕在我的肩上享受着。

沒多久，Shirley問道：「你今晚會唔會跟我走呀？」

「你知道唔會㗎」

「就係睇下你會唔會改變主意嘛... 唔通你無咩問題想問我咩？例如點解要冧掂Tiffany呢...」

今晚發生的事情確實有太多疑問，Tiffany 的出現，Shirley交帶的任務，她倆的關係，剛剛的密談，以及那通讓Tiffany離開的電話等，但為了避免顯露得與Tiffany有太多的連繫，還是答道：「有時有啲野知道得太多唔係咁好，幫你做野做到就得啦」