一個A0毒L和O4女神的故事: 第四十七章 我知佢仲有好多好好嘅選擇

第四十七章 我知佢仲有好多好好嘅選擇

兩個大男人，在舊式屋邨的暗角位置，為爭女而大打出手。當然，「辣火頭」是諾少，阿康是被打的一個。

最終，阿康在諾少言語上侮辱Athena的情況之下，使出終極一踢，成功踢中諾少的右臉頰，諾少當場倒地。

諾少倒地後，完全沒有反應。阿康不敢走近，怕他會再次偷襲。

阿康：「喂！」





阿康呼叫諾少，但諾少沒有反應。

阿康：「喂！喂！」

阿康怕會攪出人命，但又怕諾少會偷襲，不知如何是好。

正當阿康想報警之際，諾少突然哈哈大笑。

阿康：「喂，你無嘢吖嘛？」





諾少：「屌，估唔到你出腳咁準！我個頭好撚暈，冇力再同你打喇！」

諾少自行用手支撐，再靠牆慢慢起身，雙手掩著右邊臉頰，再動一動下顎位置，檢查傷勢。

諾少：「我諾少最講信用，我話過你贏咗，我就唔會再搵Athena。」

阿康沒有回應。他從來都沒有接受過諾少開出的條件，可是，如果諾少真的因為這樣而不再煩著Athena，這也倒是一件好事。

阿康：「你……我使唔使call白車？」





諾少：「我司機喺附近，我叫佢過嚟就得。你走啦！」

這樣一場鬧劇，就這樣結束。

**********

雖然阿康打贏了諾少，但他一直都處於捱打狀態，全身都瘀瘀黑黑，咀角也有瘀痕。不過之前也提及過，阿康從小開始已被人打慣，這些傷他根本不當一回事。

翌日上班，肥媽和Rachel很快便察覺阿康嘴角有瘀傷，紛紛質問他是否被打。阿康解釋他被喝醉了的兄弟不小心打傷，二人也半信半疑，但阿康又不肯多講，二人見傷勢又不算嚴重，也沒有再追問下去。

由於阿康生怕諾少食言，所以他決定連續數天，放工後偷偷前往Athena的公司樓下，看看諾少有否再次出現。

頭兩晚，阿康不見諾少的蹤影，而Athena也在Chloe的陪伴下，順利離開公司。

直至第三晚，阿康也不見諾少出現在視線範圍之內。正當阿康慶幸諾少真的沒有食言之際，他看見Athena離開公司，而陪伴他的，是一位他從沒見過、頗為英俊的男生。





阿康一直偷望著二人。他們有講有笑，態度親暱，不似是普通朋友，應該是其中一個追求她的男生。

阿康眼見二人非常合襯，不論是打扮還是外型，都是郎才女貌的一對。阿康的自卑心又再作崇。

忽然間，阿康的心很痛。眼見自己心愛的人跟另一位男生態度親密，自己卻為了她傷痕纍纍，默默為她付出，但對方又不知道。阿康更加不知道，自己為何要偷偷前來暗中保護她，覺得根本就是多此一舉。

**********

阿康到王婆婆家中作客，幫助她做家務。阿康心情不好，跟王婆婆都是一句起兩句止。

王婆婆行動漸見靈活，但仍未回復昔日狀態。一不小心，差點碰跌花瓶，幸好阿康及時發覺，接住了花瓶，但不幸碰到前兩日被諾少打傷的位置，發出了痛楚的聲音。

王婆婆：「咩事呀？」





阿康：「冇事，可能接住個花樽嗰陣撞到啲肌肉。」

王婆婆：「對唔住呀，都係婆婆論盡！你坐低，等婆婆睇下你有冇撞親。」

王婆婆捉著阿康的手，不小心按著其中一個受傷的位置，阿康再次閃避。

終於，阿康被王婆婆發現全身都是傷痕，阿康也和盤托出事情的因由。

王婆婆：「竟然有啲咁野蠻嘅人！你周身都係傷，不如同你去睇醫生啦！」

阿康：「唔使啦，都係啲瘀痕嚟，冇損傷。我自細都俾人打慣，冇事！」

王婆婆：「點知道有冇內傷㗎！檢查下好啲喎！」

阿康：「唉，冇嘢㗎，我好肯定啲關節冇嘢，唔使喇，你放心啦！」





王婆婆：「咁你嗰位心上人知唔知你俾人打？」

阿康：「唔知呀！」

王婆婆：「你做乜唔話俾佢聽？」

阿康：「都唔關佢事，佢又唔知嗰個粗人真係嚟搵我打交，做乜要話俾佢知？」

王婆婆：「件事都係因佢而起，佢都有責任要知。更何況，佢知道咗你係為咗佢而受傷，可能佢對你嘅印象分會再加分呢！」

阿康：「哈哈，呢個年代冇英雄救美㗎喇！我唔知我因為佢而俾人打，喺佢心目中會唔會加分，同埋我唔想俾呢件事影響到佢嘅決定。更何況，講唔講都唔重要，我知佢仲有好多好好嘅選擇……不如做返朋友算，趁依家仲未去到一發不可收拾嘅地步！」

王婆婆：「唉，我唔識點同你講，我哋嗰個年代冇你哋咁複雜！嚟啦，我幫你捽吓跌打酒先啦！」





從小到大，阿康都是一個被動的人。猶其在這三年間，他經歷了「太主動就會失敗」的階段，令他覺得，做人根本不需爭取，只需做好本份就是。

猶其對待Athena的時候，因二人之前的不快經歷，令阿康做每一件跟Athena有關的事，都會三思而後行，以免觸及當年的界線。很多時候，「表白」是終結友誼的導火線，他實在太珍惜與Athena之間的友誼，以致他未能豁然面對。

為了鞏固自己的想法，之後的兩晚，他仍獨自走到Athena的公司樓下，再次偷偷觀察著Athena，那個男生依然陪伴左右。雖然二人沒拖手，但從身體語言和表情來看，二人的關係已去到曖昧和戀人之間的地步。

阿康覺得，自己在Athena的心目中，應佔了一個重要的位置，但這並不是戀人的位置。他再糾纏下去，只會增加Athena的煩惱。

他決定放棄繼續追求Athena。

**********

另一個晚上，阿康如常地在公司加班，跟同樣在內地廠房加班的工人，跟進成品質素的事宜。當時Johnson和肥媽已離開公司，只有阿康和Rachel在公司。

其實Rachel已一早完成今天的工作，不過她一直拿著手機，跟某人利用WhatsApp互傳信息，還一邊打字，一邊笑容滿面。

阿康看見Rachel春風滿面的樣子，也估到Rachel可能已開始跟某人拍拖，心裡很替Rachel高興。

阿康一直視Rachel為自己的妹妹。他知道Rachel曾喜歡過自己，而且更向自己勇敢表白過，初時他也以為，他跟Rachel會做不回朋友，或者維持不到兄妹的關係。事實上，阿康曾擔心過，Rachel不想自己擔心，所以在自己面前故作釋懷，其實可能一直在自己面前演戲。

直至今晚，阿康看見Rachel展露笑容，跟疑似新歡甜蜜WhatsApp，他終於相信，Rachel沒有放不下他。

阿康：「陰陰咀笑，係咪同男仔傾緊偈呀？」

Rachel︰「冇陰陰咀笑呀！」

阿康：「仲扮嘢！老實話俾我知，你係咪拍緊拖喇？」

Rachel︰「唔話俾你聽，你自己都唔坦白。」

Rachel所提及的，是阿康不敢承認自己喜歡Athena一事。

Rachel︰「扮嘢嗰個應該係你，鍾意Athena又唔認！」

阿康：「無端端又講我？」

Rachel︰「係呀，唔得咩！我唔會好似你咁唔坦白囉！最近有個男仔好啱傾，佢又對我好好，相處得好舒服。」

阿康：「我聽到你講呢句，我就放心喇！」

Rachel︰「放心啲咩？」

阿康：「我一直都好想你得到幸福。你係一個性格好好嘅女仔，係值得俾一個好嘅男仔去痛錫，而唔係俾啲渣男去糟塌你。當我聽到你話有男仔對你好好，你又對佢有feel，我就當堂放心晒！有冇相可以睇吓㗎！」

Rachel展示手機裡的相片，給阿康看看那個男生的樣貌。

阿康：「都幾好樣吖，斯斯文文，一定好過你嗰個渣男前度。」

Rachel︰「係呀，佢性格好似你，係我近期最鍾意嗰type。不過，佢始終都唔夠你好。」