《我強姦咗個女同學》: 《我強姦咗個女同學》（十八.九）

《我強姦咗個女同學》（十八.九）


入到房，宛兒打開門口隔離個衣櫃度門。
「搵咩？」

其實我都唔知佢想做咩，古古怪怪咁。
宛兒坐咗入衣櫃裡面。

「阿峰，呢度夠我同你坐埋一齊。」



「啊。」

佢拖住我隻手：「坐喺度食吖。」

「吓？坐喺度？」

宛兒好好奇咁問：「一場嚟到，坐下，我未試過。」

「咁坐嗰邊唔係好啲咩？」



宛兒裝個頭出去，望咗眼：「嗯......我話嚟食嘢咋喎，唔......」佢係咁擰頭：「無其他嘢㗎。」

「係咩？」我行過窗口嗰邊，喺呢度可以望到晒成個車站，包括間百貨公司。

「過唔過嚟？」宛兒催我。

「你等我洗乾淨個匙羹先啦。」

我攞咗隻擺喺電視隔離俾人沖茶嘅匙羹走入廁所洗。



洗緊嗰陣，我問宛兒：「裡面坐得辛唔辛苦？使唔使攞啲嘢俾你挨住？」

宛兒無答呢樣嘢，佢反而問：「洗咁耐嘅？」

我返出去，坐埋入衣櫃裡面。

入到去又無想象中咁逼，由於日頭，個櫃又係白色，所以都唔會好暗。

「好耐咩？洗得就要仔細啲洗，聽講啲人會將啲嘢用到好污糟。」我幫佢打開個布甸：「嗱，試下好唔好味。」

宛兒摸住我大髀：「你會諗上一手啲人點用啲嘢㗎？」

「唔係啊，啲人講係咁講，咁一定有人用過㗎啦，邊諗得咁多。」



「你會唔會諗我同其他人啲嘢㗎？」

「講咩？食嘢啦，又話想食嘅。」我遞埋去佢個嘴度。

宛兒唔肯食：「你唔答我。」

「咁你想我問咩？」我放低啲嘢。

「唔講喇。」

宛兒攞返起，食咗啖，咬住個匙羹。

「喂！」我叫佢：「你想講咩你講喇。」

宛兒攞返個匙羹出嚟，篤落個布甸度：「我剩係同你一個試過今朝咁㗎咋。」



聽完之後，一時間俾唔到咩反應：「哦！」

宛兒篤下篤下個布甸，搞到碎晒。

「咁你而家係咪叫做同我表白？」

宛兒停手：「係話俾你知。」

「你係點都唔會影響我對你係點㗎喎。」

話無影響肯定假嘅，聽到佢咁講梗係勁開心。

「係咩？原來係咁㗎？」



宛兒有少少失望咁，繼續食。

「咁樣會唔會難食？食唔落就唔好食啦。」

宛兒擰頭：「唔會啊，你揀嘅好好食。」

「你都係我揀㗎。」

宛兒咬住個匙羹：「氹人嘅。」

「咁你開唔開心？」

宛兒點頭：「嗯。」

……………….