《我強姦咗個女同學》: 《我強姦咗個女同學》（十六.四)

《我強姦咗個女同學》（十六.四)






幫嘉欣買完嘢再返去酒店嘅時候，宛兒已經返咗去。






「你咁快返嚟嘅？」

佢跪咗喺廁所門口執嘢。

「無咩好做又食完嘢咪返囉，咁你又咁快返？」

「嗯。」



佢無直接答到我問題，咁到底去咗邊？做過咩呢？

「唉！」

宛兒好似我平時成日「唉......」咁唉咗聲。

佢攞起件衫，企起身：「沖涼先。」

我睇睇錶，七點幾：「咁早？仲打算陣間同你出去食宵夜。」



「我都唔想食嘢。」

「又係你話要一日食足五餐嘅。」

「不過你可以照食嘅，我睇你食都得。」




宛兒去沖涼嘅時候，我擺低幫人買嘅嘢就落返街，去咗附近一間便利店度睇有咩食買。

買下薯片、朱古力、蛋糕、汽水、果汁......好似開生日會咁。






再返上房時，宛兒已經沖完涼，短頭髮嘅佢，頭髮都差不多吹乾晒。

佢對住塊鏡一路梳頭一路同我講：「係喇，你返嚟一陣又突然出去。」

「想去買少少嘢之嘛。」

「又唔講低你瞓邊張床。」

「我都無所謂，你揀。」

「咁我瞓呢度？」

宛兒指係靠入面嗰張床。



「你鍾意呢度啊？但我瞓開隔離有窗嘅喎。」

我走埋去，拉開窗簾望向外面。

樓下係馬路，對面係啲商舖，隔住玻璃已經隔晒音，好靜，但外面其實係個熱鬧嘅城市。

「咁嘅你？又叫我揀完又同我爭，細路仔。」宛兒吹好頭，擰返過嚟同我講。

「買咩啊？食得㗎？」佢望一望我袋嘢。

「係啊，零食囉，咩都買啲，仲有杯麵，食唔食？」

宛兒擰頭：「唔想食，想食其他嘢。」

「唔係要食熱嘢㗎咩？」



我拆開個杯麵，然後走去煲水。




整緊嗰陣，宛兒攞咗本舊舊地嘅書仔出嚟。

「你嗰邊個櫃度搵到本書。」

「咩嚟㗎？恐怖嘢嚟㗎？」

「呢度啲嘢嚟㗎？」

我見本書仔類似細路睇嘅圖書咁，兩隻手掌再大小小，十幾頁嘅厚度，米白色封面。



「咩嚟㗎？」

宛兒收本書仔喺手度遮住。

「唔話你知住，陣間我講故仔俾你聽吖。」





……………..