《我強姦咗個女同學》: 《我強姦咗個女同學》（十六.一）

原本嘉欣安排我地行程最後一日係自由活動順便幫佢買嘢，但宛兒一到埗就話不如調轉。

「點調轉法？」我唔明。
「咁簡單都唔明？」宛兒攞住嘉欣寫嗰張行程表：「安排最後嘅嘢變第一日咁調轉玩囉。」
「嗯......原本佢安排得咪幾好。」我有啲唔同意，唔知頭唔知路點樣第一日就自由活動。
「唔會太難嘅，其實本身都無安排到行程嘅。」
「如果無人編排嘅話就自然我會做㗎啦。」
「咁你結果都無編排到吖。」
佢好似講得好有道理咁，但又唔啱數喎。
我正想講嘅時候，宛兒就話。


「講得啱呢，一於咁話啦。」宛兒攞住張行程表睇：「咁樣，好啦，最多就你喇，你要去幫嘉欣去呢度買嘢，我陪你去呢度行，跟住自由活動，我都想去幫細佬睇背囊，嘻！我係咪對你好好呢。」
我係咁點頭：「係，你對我最好。」


一路搭車出市區嘅時候，我問宛兒關於佢細佬啲嘢，印象中以前讀書時佢有提過，亦記得佢地係似樣嘅，但具體上關於佢地之間嘅嘢其實知得唔多。

「你細佬叫咩名？」
「穎兒。」
「吓？」
「係啊，似女仔名㗎。」宛兒喺我手背上面用手指寫咗個字，感覺上幾多筆劃，估到個大概係邊個字咁啦 。


「點解嘅？有咩意思？睇相佬改嘅？」
「唔知呢？又唔係我個名，嗰期興啩。」
宛兒講到好唔在乎咁，但之前言談間又好似好似幾錫個細佬，又話去幫人睇背囊先，都唔知係點。
「你細佬除咗話叫你睇袋仲有要做啲咩？」
「無啊，我自己話去嘅。」
「係啊？咁你地感情都唔錯吖。」
我望住對面位嘅路人，大部份人都合埋眼休息緊。
突然我覺得宛兒掂到我大髀。
望一望，見到佢搣落我條褲度。
「細個我會咁搣細佬，算唔算打交呢？」宛兒好若無其事咁望住佢搣緊我條褲隻手指，其實佢完全無搣到落我到，一啲痛嘅感覺都無。


「女仔係咁打交㗎？我會一拳打落去。」
「細佬話會痛。」宛兒放開手：「有少少想瞓㖭。」
「咁你瞓陣啦，到我叫醒你。」
宛兒笑咗下：「咁你乖乖地數住幾個站到喇，唔係我打死你。」


……………...《我強姦咗個女同學》（十六）
 
直到出發當日我先再見到宛兒。
佢都係戴住上次見嗰陣戴嗰頂帽，但著返平時會著嘅連身裙。
 
我㩒一㩒佢個頭：「你好驚俾人認到咩，無人會影你相喎。」
「係咩？」宛兒向上望一望。
「識你嘅都會認得係你。」
「我都無話驚俾人認到，戴頂帽啫。」


「呢隻帽都遮唔到太陽嘅，又熱又焗，責到啲頭髮扁晒。」
「邊有你講得咁差。」
「重點係，唔襯你。」
「吓......咁你上次唔講。」宛兒拉低頂帽邊遮住對耳。
我笑佢：「無人同你講過咩？」
宛兒擰頭。
「咁你......係喇，你男朋友知道你同其他男仔單獨去旅行有咩諗法。」
「啊？散咗啦，無人同你講過咩？」
我覺得有啲突然：「無喎。」
「唔緊要啦，都唔重要喇。」
「你做咩又飛人？」
宛兒剩係望一望我，無答到。
我代佢答：「都係嘅，都唔重要囉。」
 
………………