《我強姦咗個女同學》: 《我強姦咗個女同學》（十二.三)

 
《我強姦咗個女同學》（十二.三)
 
所以我死死地氣行返轉頭。
 
「趙宛兒！」
行到返上去個公園仔，離遠見到宛兒坐咗係韆鞦度自己搖下搖下。
佢俾我嚇咗嚇。
「嚇死人喇！」宛兒停低。
「仲未嚟咩？」


「咩？」
「唔係話有人追你咩？打俾人叫人即刻過嚟。」
「傻㗎咩？打俾人。」
我行埋去問：「玩够未？」
宛兒擰頭：「未。」
我扯下佢衫袖：「行啦，我眼瞓喇。」
「咁你咪返去先囉。」
突然覺得以前一齊住嗰陣真係好好，由得佢自己喺宿舍附近玩都唔使擔心啲咩，又唔會怕夜返要送佢返去，反正佢間房就喺我隔離，可以隨時去搵佢。
「夜媽媽留低你一個喺度咩？」
「嗯......」宛兒：「玩多兩秒。」


「一、二，够鐘喇！」
我扯佢起身。
宛兒一路行一路話：「你都唔錫我嘅，成日蝦人。」
我無理佢，「好心你咪再咁啦」。
其實係咪應該問清楚佢，係因為對我無嘢所以覺得仲可以咁樣講笑，定係仲有嘢先咁樣試探我。
 
「你個咩咩咩朋友啊，點做嘢架？」
「你講咩？」
「下次我唔返轉頭搵你㗎喇，得自己一個要打俾人陪你返去。」
「點解喎，我都唔係嗰種麻煩嘅人。」


「如果覺得陪下你叫麻煩，呢個人扣十分啦。」
宛兒笑咗下：「嘻嘻，扣分？」
「够一百四十分嘅先好俾人追，百五分先可以拍拖。」
「哦......滿分係幾多？」
「無限㗎，越高分當然越好！」
「嗯。」宛兒點下頭：「咁你呢？你覺得自己係幾分？」
我望一望佢。
「點自己評自己，幾分係你俾㗎嘛。」
「哦，係咩？」
 
……………….