《我強姦咗個女同學》: 《我強姦咗個女同學》（九.一）

 
《我強姦咗個女同學》（九.一）



去到約定地點，宛兒已經企喺度等。
佢無好似一般人咁等人嘅時候玩電話解悶，而係就咁企喺度，發住呆咁等。
 
「到咗好耐？」
宛兒搖下頭：「唔係啊。」


「肚唔肚餓？使唔使食嘢先？」
「嗯......去睇咗嘢先啦。」
宛兒講完就行咗入商場裡面。
 
佢自己顧自己咁慢慢咁向住商場裡面嗰間有埋廚藝用品賣嘅超市行，分唔清係因為攰定有心事而個樣望落有啲呆。
「咁嘅樣，有心事？」我追上去。
「唔係啊，諗緊陣間食咩啩。」
「午餐食咗咩？」我望一望佢攞住用嚟裝飯盒個布袋，已經洗到有啲甩色同磨到起毛頭，不過佢話用得就繼續用，好唔好睇都無所謂。
「普通飯餸之嘛。」
「幫你攞吖。」我揸住布袋個手挽。


宛兒搶返：「唔制，係我㗎。」
我捲埋件外套塞俾佢：「咁你幫我攞埋呢個喇。」
宛兒接住我件衫，抱公仔咁攬住：「無味嘅。」
「你想有咩味？」
「唔會有女仔啲味、頭髮都無條、又無唇膏印，咁渣㗎你，無借過俾人著咩？」
「黐線。」
「唔係喎，我攬住咪有我啲味囉，如果你下次借俾女仔著俾人聞到會點解釋。」
「邊有人會好似你咁多幻想，去睇下買咩好過啦。」
 
我帶頭行咗去廚具用品部，嗰度範圍都算大，講得出無論係熱門定冷門嘅用具都有，當然都包括擺咗唔同類型食譜，中西式、熱食冷盤、主菜甜品......基本上都各有幾款選擇。


 
「今日忙唔忙？」我企喺個貨架前。
「一般般。」宛兒走過嚟，掂一掂個架上面啲嘢，但只係無意義咁掂一下，對嗰樣嘢唔係有興趣。
「原本仲以為你今日唔會出到嚟。」
「哈！係咩？」宛兒攞起其中一本食譜，睇唔清係邊類型：「無咩做咪準時走囉，慢慢我發覺做人唔使為任何嘢而賣命。」
我攞起佢攞住嗰本嘢，另外再攞多本。
「就呢個啦。」
「唔揀下先？」
「你攰嘅話早啲走。」
「我無啊。」
「喺度買啲嘢返去食吖，你一定話好嘅。」
如果係雨靈，佢一定話好，因為唔使煮又唔使洗。
宛兒亦都會話好，因為佢咩都無所謂。
「去你度？」
「唔係去邊？」


不過我無諗到佢今次會有啲抗拒。
其實佢成日上我屋企。
宛兒突如其來嘅抗拒係屬於好事定壞事？
一個人，拒絕踏入另一個人嘅私人生活裡面，係因為唔想俾機會自己走咗入去之後出唔返嚟。
 
我皺一皺眉，望咗眼超市天花板上面啲好似無咩實際照明作用嘅射燈。
 
無聊！
 
…………………...