《我強姦咗個女同學》: 《我強姦咗個女同學》（五）

《我強姦咗個女同學》（五）
 
如是者，日子照常咁渡過。
嗰日出去買完嘢，宛兒同嘉欣好似都係剩係喺廚房執返整齊啲食物，排返日期。晚餐都係佢地一齊煮，印象中係炒意粉。嘉欣話係跟食譜整，但我覺得只係隨便睇下然後都係跟返自己方法咁做。
因為通常都係自己煮嘢食，日日都係食來食去嗰幾樣會悶，所以廚房擺水煲嗰度有本食譜，方便大家無想法時可以參考又或者隨便打開一頁跟住做。本食譜已經唔記得邊個買，呢啲咁貼心嘅舉動，要估都會估係宛兒做，不過印象中又好似唔係。
係其他人？
嘉欣？正豪？彦文？
 
有時望住宛兒同正豪企喺度睇本食譜研究煮咩好，睇住呢兩個人好専心咁望住同一本嘢，成個世界就好似隔咗層保護罩咁包住佢地，我會覺得，其實拍拖嘅應該係佢地，兩個都斯斯文文，各方面睇落都好襯。
正豪睇落係會好錫女朋友嗰種人，完全唔覺得會有脾氣，甚至令人感覺係個好有心思又細心嘅男仔。


有呢種人做男朋友一定好幸福。
宛兒呢啲咁，鬧唔會駁嘴，打更加唔識還手嘅女仔，係應該配呢類型男仔，人生先會幸福，咁先係正常安排。
睇落，應該，無錯係。
 
「林紹峰！」
宛兒原本就係同正豪又喺度睇緊本睇到爛嘅食譜。
見我經過，就叫住我。
「行過咋，唔阻你地。」
宛兒放低本嘢：「聽日放假。」
「我知啊。」


「你係咪有嘢未做。」
「無啊。」其實我有咩做，日日都好得閒。
「嗯......」宛兒點下頭：「咁你即係已經唔記得喇。」
 
記得啲咩？
我望一望宛兒用指甲刮緊嘅食譜左上角。
「咁無嘢喇！」
刮咗幾下，宛兒塞返對手落套睡衣衫袋。
「我返房做功課喇。」
 


正豪應該睇得出宛兒係有啲嘢嘅，但只係睇到有啲嘢而肯定係唔知內情。
「我同你一齊吖。」
 
我同你一齊。
記得喇。
宛兒叫我追佢。
 
………………..