《我強姦咗個女同學》: 《我強姦咗個女同學》(四.三)

《我強姦咗個女同學》(四.三)
 
結果嗰日我地食完早餐之後坐咗喺餐廳好耐，期間宛兒同我講咗啲自己嘢。
例如佢有個細四年嘅細佬。
俾相我睇時，第一個感覺係好彩我識嘅係宛兒先，如果唔係會覺得宛兒好似男人。
而其實分開睇又唔覺似，要拼埋一齊睇就會覺得好似樣。
但似還似，望落宛兒係個順眼嘅人，如果要求唔高，甚至可以稱為一個靚女。
 
坐下坐下，我地最後都無去睇戲。
好似日常生活咁去咗行超市睇下有咩買，添返啲日用品。


 
宛兒一路推住架購物車一路講，話覺得行超市開心過行街睇衫睇無聊嘢，認為咁樣好生活化，唔係單純一種吃喝玩樂嘅活動。睇到咩，基本上都買得起之餘亦機乎每一樣都可以用得到，成個場好似為自己而設咁。
 
「都會有嘢係你唔會成日買成日用㗎，電器嗰啲，有啲用一世㖭啦。」
「我講其他日用品嗰部份，」宛兒推住車仔周圍望咗圈：「就算嗰啲都好吖，勉强都會買得起，即使唔係成日換新嘅但屋企都會有，耶......講你都唔明嘅。」
 
其實我明。
係咪女仔都會渴望同享受呢種平平淡淡嘅生活呢？
可能係。
 


……………………….