去到最後，先發現我哋之間只係一場連環不幸事件。: 第二章

因為三個人對大家嘅傾慕，自然好希望同自己有興趣嘅對象有多啲相處時間，就係咁佢哋三個經常走埋一齊。

「浠凝你就好啦，長期一拖二，幾時分個嚟啊？」f1仔最鐘意傳緋聞，個個都以為子𤋮同均洋都鐘意浠凝，就連浠凝自己俾人講下講下都咁覺得。

其實唔係浠凝諗多咗，子𤋮同均洋都對佢好好，每日朝早兩個男仔都會去買早餐俾佢食，午餐又會一齊食，放學又會一齊温書，每次有啲咩分組功課佢哋都唔洗浠凝做，浠凝以為自己身邊嘅兩個男仔都鐘意自己先至會咁做，但完全唔係。

子𤋮之所以會咁樣做係因為想同均洋有更多獨處嘅時間，佢怕均洋會發現自己鐘意佢，所以借照顧同陪浠凝過橋賣甩浠凝。另一方面子𤋮都發現均洋唔鐘意男仔，鐘意嘅仲要係身邊嘅浠凝，子𤋮只好埋藏自己嘅心意，幫均洋追浠凝。

大概每一個愛住一個唔愛自己嘅人，寧願委屈自己，都渴望愛嘅人可以幸福，你又係咪呢？