原來真係有樣野叫「戲假情真」。: 八
「喂，你起咗身未呀？」
「 ... 嗯 ... 」
「姐係未起身啦，都估到你架啦。」
「 呃 ... 依家起。」
「得啦，唔洗急。我咁啱都有啲嘢做，晏晝先拍啦。」
「好。」
我極速地把線掛掉，繼續蒙頭大睡。
或許是昨晚跟Angela無無聊聊的聊得太晚，我壓根聽不到鬧鐘的聲音。
「I just want a chance to know you to know the woman deep inside ... 」
但想不到睡多不夠兩個小時，電話又再響起，這次是阿然。
「有咩幫到你 ... 」
「冇呀，我啱啱落堂，同我食飯呀。」
「是但啦，我依家喺屋企出嚟啦。」
「哇，咁我咪有排等。」
「咁你係咪唔食呀？」
接過阿然的電話後我終於完全清醒過來，在電話左按右按不自覺地還是按進了和Angela的對話框，看著昨晚自己最後的回覆，或許她未睡醒吧。
「點呀，有得同Angela對戲，爽啦Alex哥。」
「爽你條命咩。」
嗯 ... 確實不能用爽來形容，但的還蠻享受的。
「咩唔爽姐，Angela喎！」
「其實係得你覺得佢好正之嘛。」
在我的系內真的不乏美人，要樣子的有樣子、要白嫩皮膚的有皮膚、要有身材的有身材，要三者皆備的都有。Angela跟她們比其實就會被比下去，但Angela就是有她的特別。
「一陣係咪又要拍，依家搵我sip時間呀？」
「喂，然哥。好似係你打嚟嘈醒我叫我陪你食lunch架啵。」
「不過我都真係要拍嘢。」
「我又嚟睇！」
「唔洗諗啦你，今日得我一個咋，冇嘢好睇。」
「咁我返hall瞓覺算。」
「都估到你唔會睇我架啦。」
「有咩好睇姐男人老狗。」
「呀，係呀 ... 」
「嗯？」
「算啦，都係無嘢啦。遲吓話你知。」
「咁我去拍嘢先啦。」
我當然能猜得到阿然不會來看我的獨腳戲，皆因主角Angela都不在。Angela不在，其實也會令我拍攝的動力減低，不過我也不是那些不負責任的人。
「辛苦你啦，dayoff又要特登返嚟拍嘢。」
「辛苦哂你啦仔，請你飲嘢呀一陣。」
「客咩氣呀。」
老實說，有時候在大學與別人交談時真的客套得讓我感到不自在。
「咁今日就主要補返啲散shot，應該好快搞掂嘅姐。」
Jimmy第一次來我們的拍攝小組，他這句說話令我感覺到有點 ...
「哈哈，咁就真係要睇Alex表現啦，佢哋尋日耐到 ... 」
對，就是令我感到有點懢尬。皆因拍攝經驗淺，對白記不熟、又經常偷望了鏡頭、又沒有表情的變化，更加會無緣無故亂笑耽誤時間。
「咁依家你就扮吓上堂瞓覺先啦。」
我依照著兩位導演的指示去做，有托著頭打瞌睡的、扒在枱上呼呼大睡的，還有挨著椅背合起眼扮聽書的睡姿，穿著中學校服做這些事，就著演著從前的自己，那種上學閉目養神等著放學到球場大展身手的從前。
「Good take. 」
「唔係呀，幾好呀。Koey你唔好老屈我個仔成日要NG喎。」
「咁尋日你唔喺度得我一個咪拍得慢囉。」
其實昨天補close up的時候真的很多「蝦碌」的事發生，在對戲的時候我總會擺出一些奇怪的臉弄得Angela忍不住笑了出來，然後就是不斷的NG。
然後她就會襯Koey set機的時候恨恨地怒視我一眼，然後指著她左手的手錶。到我認認真真跟她對戲的時候，她又會自己唸錯對白，然後自己對自己說下個shot一定要 1 take過，想起她那表情也覺得好笑。
「你以前上堂真係咁樣瞓覺架？」
「有咩咁出奇姐。」
「咁可能你真係演緊自己，哈哈。」
或者我真的是在演自己所以才能如此的自然，不像之前那天不停地NG。又或者，是因為沒有Angela在我的對面，才令我可以演得自然一些，沒有那麼生硬、緊張。
「依家再拍你打籃球嘅shot啦。」
「好。」
「射球入嘅嚟。」
「好。」
「上球籃嚟睇吓。」
「係。」
「拍吓波，插吓花，我影吓啲close up。」
「無問題。」
作為一個典型的男生，當然會打籃球。雖然在告別中學之後我已經放下了籃球，移情別戀到足球一年多，但作為中學校隊的我更加能夠在這幾個散shot中發揮得淋漓盡致。要射波，有射波。要剷籃，有剷籃。要插花，有插花。要入樽，還是差一點點。
「哇，搞掂啦。快得出奇呀今日。」
「睇嚟你係運動健將嚟喎。」
「唔係啦，平時有打吓波姐。」
「洗乜講，佢係我個仔實勁架。」
「唔好係度忍屎忍屁啦Jimmy，幫我收埋支腳架啦。」
所以，這天的拍攝真的非常順利。
「好啦，咁麻煩哂你啦今日。」
「咁我走先啦。」
「等埋我啦，我哋順路架嘛。」
「好。」
也就因為拍攝，終於有人會順路陪我一起回家，令回家的路途上多了個伴，少了點悶。
「你覺得我哋係咪拍得好慢呀。」
「都唔算嘅 ... 慢有慢好嘛。」
我漫不經心的回答Koey。
「你就梗係想拍得慢啲啦！」
她露出了一個奸笑的表情，跟whatspp中那隻emoji有九成相似。
「咩呀 ... 」
「唔好扮嘢啦，可以對Angela耐啲喎，比著我都想嘅。」
「吓，但我想對住你多啲喎Koey姐。」
「收皮啦你。」
有些事情就不要拆穿。
在拍攝的短短兩、三天，我開始改變了我初頭的想法。當時收到Jimmy的message時，知道是做演員，恨不得快點把整件事完結，重投自由自在，無腳的鳥兒的生活。
現在，卻想多拍幾天。