《家姐著左我條變身底褲》: 《家姐著左我條變身底褲》（一）

《家姐著左我條變身底褲》（一）
 
首先，梗係鬧鐘響先醒啦。
朝早五點半，一如既往放枕頭隔離部電話「嗞嗞嗞」咁響，其實唔係嗞嗞嗞，係首有人唱嘅歌，不過我攝下攝下攝咗落枕頭底所以得返震嘅聲。
「妖，天未光又要起身返學。」
其實天已經光咗，只係我間房未光。
老母淘呢塊大陸窗簾又真係幾正，完全遮光，密封到打飛機對面樓實睇唔到。
 
「起身等我著返條變身底褲先。」
我好順手咁被竇裡面摸下呢度又搵下嗰度。


屌，唔見條底褲嘅，明明尋晚都係好似平時咁除低求其放返張床度，張床有幾大？間房有幾大？唔L見咗啊。
 
我抱住疑惑嘅心二話不說走去家姐房。
「喂！見唔見我條底褲？」
我追債咁敲家姐房門。
 
其實條友無鎖門嘅，大家一家人。
我敲幾下就自己打開門。
 
一開門，就見到家姐棟起隻左脚踩住床邊，手執我條底褲，穿到上絕對領域個位。


 
「吓？咩事啊？」
家姐一路問，對手一路拉。
終於條底褲已經掩沒於嗰條黑色百褶短裙仔裡面。
 
「無喇無喇！」我哭出眼淚。
「咩事啊？」家姐著完底褲chok一chok條裙個腰位：「肥咗定條裙窄左？」
「你著咗我條底褲啊！」
「有咩問題？」
「唉......」


 
呢條，唔係一般底褲，係「變 身 底 褲」。
 
家姐好慷慨咁，拉開衣櫃最低嗰格，抽咗面頭其中一條底褲遞俾我。
「攞去著喇！」
 
望住呢條雖然係深色睇唔出有無污迹，但睇落都似係新嘅低褲，我呆咗。
「你叫我點著啊？」
「咩啊？睇落我地身型咪又差唔多，你著到嘅。」
家姐對眼，一路都好有禮貌咁維持個視線喺我塊面，但相信都無可避免睇到剛剛起身低褲都無著全裸咁出現喺房門口嘅我。
 
「我想要返我嗰條。」
「黐線！我著緊唔通要我除俾你著，咪玩啦！著第條。」
「其他點同呢？無得變身我點返學？」
 


家姐「叮」一聲咁醒起。
「係喔，爭啲唔記得你出去個身份係男仔㖭，唔好意思。」
「所以快啲俾返條底褲我啦。」
「唔制！」
「屌！」
「咪講咁多粗口啦，其實做女仔好多著數架，擇日不如撞日，就今日試下啦，最多我借套校服俾你著喇。」
 
…………………..