因為妳，我學識左愛（籃球 少甜）: 1 開學

CH1


‘叮叮叮...叮叮叮...’ 鬧鐘響左。
‘衰仔，起身未啊，開學第一日返學，埋撚遲到啊！’呢個係我老母，平時都係佢叫我起身返學。
‘喔。’
我起身，望住個鐘。
我屌！！！依家已經0745啦。
唯有快啲去刷牙洗面。







每個故事都有一位主角，我就是主角，在人生嘅道路上，自己就係世界嘅主角。我叫李浩雲。返學嘅意義就係等放學，上堂唔係瞓覺，就係食lunch，放學去籃球場打波。所以，我是一個廢人，讀書成績差到呢，全班唔係尾二，就係尾三。學渣我唔怕認，所以運動係我嘅強項。我係籃球隊隊員，亦都差加出面嘅球隊，因為籃球可以陪我多渡過每個低谷，有咩唔開心就打波。話就話運動好叻，但係諗起依家今年已經中六，唉dse，damn shit.


今日第一日開學，本來諗住早啲瞓，但係尋晚失眠。唉，屌，開學第一日，希望靜間趕得切啦。我住觀塘區，睇過Facebook嘅朋友都知㗎啦，觀塘喔，要卑人屌老母㗎啦，我間學校亦都係觀塘。我同學校嘅距離，唔遠唔近，行路半個鐘。但時間剩低10分鐘，我唯有瘋狂跑翻學校，好彩去學校嘅路係落斜路，對於我有1米85嘅身高，擁有長腿嘅我，自然有加成啦。


儘管有加成，但係我都遲左30秒。學校最煩嘅，唔止係老師，仲有一班prefect，成日捉9住我啲校服儀容。頭髮長，唔得，冇帶tie，唔得。屌，咩都捉。不過遲到就要留堂35分鐘。唉，第一日返學就遲到。






’同學，今日遲到喔，有冇嘢要講啊？’
呢位係訓輔組主任兼籃球隊教練，叫陳sir。佢同其他老師唔一樣，呢個係我尊敬嘅老師，一入到中學，佢就叫我入籃球隊，因為佢，我先開始左籃球嘅生活，令我嘅生活冇咁頹廢。同埋佢都係我嘅數學老師，所以佢教書，我一定會聽，雖然成績都係一般，哈。sorry sir.

‘遲左起身啊’

‘同你講左幾多次啊，早小小起身啊嘛。嗱，今日第一日，入去啦，差我一個人情。

‘goodbye and thank you sir！’





就係咁，成功入左學校



翻到課室，我都係坐翻埋在我啲兄弟度，一個係由小學升到中學嘅老死，佢叫啊鵬，堂堂一個學霸，加埋有一個好似彭于晏嘅外表，咁樣嘅人，自然成為萬千少女嘅男神啦，成日幫啲少女處理功課上嘅問題啦，中英數通，樣樣都得。而我同佢frd到嘅原因，就係佢住在我屋企隔離，小學到依家，都成日一齊放學，除非果日我留堂啦。
睇過那些年嘅你，都知道，每個故事都有一個肥仔，冇錯，在我嘅故事都有，佢叫肥強，當然都可以叫佢做死肥強啦，雖然佢係嘅死肥仔，但係佢打波都幾靈活，姐係靈活嘅死肥仔。佢成日都話自己係球場上嘅kobe。係，成日在度fadeaway，但係唔入果啲咯。不過正正有佢地兩個，我嘅中學生涯先冇咁悶。而大家咁frd，係因為我地都有一個籃球魂在度。我地都係籃球隊。

想當年，我地友小學雞升到中學嘅時候，我地都卑陳sir叫入籃球隊，入到去，我地三個都係新手，唔似其他人有個底在度，所以我地就經常性地在場邊做基本嘅訓練，慢慢地，大家frd左。


‘喂，雲哥，今日咁早啊？’肥強問我 「返學第一日就遲到，你都巴閉啦」
「遲左起身啊嘛，仆街你個啊鵬，經過我屋企門口唔叫我嘅」我望住啊鵬講
「呢啲都唔重要啊」啊鵬細細聲講「今日有條新女喔，聽聞係第二區轉入來」
「超，女咋嘛，你地前世未見過咩，咁大反應。」我行到佢地後面果兩張吉嘅檯，坐落去。
「唔係咯，今次呢個女仔，好似係女神級，死啦，好期待啊！！！」肥強好淫咁講。




「......」佢地仲在度討論緊個女仔。

我決定瞓覺算，女呢㗎嘢，同我無緣。因為我信無論我點努力，都係冇機會溝到女，由細到大，我都好冇自信心，成日都認為，啲好嘅嘢同我係冇關係。無論在邊度都好，我都好似loser，
成日輸。
鬥波，輸。
考試，輸。
甚至表白，都係卑人當係兵。

哈，所以我個心態對拍拖好佛系，甚至都係有啲抗拒，因為好驚自作多情，咁不如遠離異性。但係寫得呢個故，就緊係有啲開心嘢，先至po㗎啦，唔通做兵先po咩。所以唔想閃親，或者覺得受到傷害，係可以唔使睇㗎啦。