多謝OPEN DAY，令我鍾意咗妳: 第四章
正月初九，我又去雲雲屋企。
「喂～我到咗你屋企樓下啦～」我打畀雲雲。
「哦咁我落嚟啦。」咦，點解佢咁悶悶不樂嘅？
唔～咁我一陣就冧到佢開心啦，佢可能温書温到炆妏地姐。
咦！？佢落嚟啦喎，佢真係好似喊完嚟咁喎。
佢跟住就拖住我行咗出海旁，但係我哋全程都冇出聲，而且我都唔敢出聲，又有種不祥嘅預計感。
「毛仁希呀…」
吓！？佢唔係嗌我希希架咩？做咩無啦啦嗌我全名呀？
「我哋…我哋…」
佢做咩講嘢咁吞吞吐吐呀？
「我哋都係…」
佢有咩苦衷呀？
「唔好…」
咩事呀！？
「再一齊啦。」
點解呀？琴日明明都好好架！
「吓？」
雖然我已經知道咗事實，但係我唔想接受！
我唔要接受呀！
「點解呀雲雲？」我對眼已經對唔到焦，好攰呀成個人。
「嗚嗚～你聽我講啦，但係當故事聽就好啦…」
我想喊，但係又喊唔出。
「聽完之後，就唔好再嚟揾我啦。」
當我都未反應得切嘅時候，佢已經開始講緊…
-----------------------------------------------------
［雲晞晴視覺］
大家好，我係雲晞晴，即係希希嗌嘅雲雲。
細個嘅時候，同你哋一樣，我爸爸媽媽都好錫我，重來都好遷就我，幾耐乎我想要咩，嗰樣嘢就會出現喺我眼前。
我亦都有個「青梅竹馬」，佢叫阿賢。人哋眼中係青梅竹馬，因為老實講其實我哋都幾襯，但係我哋兩個實際嘅關係根本形同路人，互不理睬。
你問我點解？可能係因為我啊媽成日都喺我面前係咁讚佢，讚佢之餘仲要攞我嚟比較，順便踩埋我一腳，所以比著係你你都憎佢啦，係咪？
而且，當我第1日見佢嘅時候已經有種預感係唔會同佢做到朋友。人哋朋友係一齊行街踩單車，我哋係一齊打交嗌哂交。
好，講返我爸爸媽媽先…
就如你頭先所睇到，我細個嘅時候佢哋好錫我，我同佢哋嘅關係都好好。不過到我越嚟越大，反叛期又到，同佢哋嗌交嘅次數慢慢同阿賢嗌交嘅次數追平。
導火線喺小五嘅時候出現：因為我呈分試考得好好，我話想要部無人機，佢哋跟住就買咗比我，之不過，我玩咗一次都唔夠就已經比我掟爛咗，幾千蚊亦隨之唔見哂。
我唔開心之餘，阿爸阿媽都好失望，同好嬲，係咁鬧我，雖然我大部份時間都冇出聲，但最後終於忍無可忍，駁返佢轉頭。
經過呢次之後，我哋嘅根本就係水火不容。郁一郁就嗌哂大交。
我就喺度諗：究竟我係咪真係同人相處有問題呢？點解身邊嘅所有人同咁唔鐘意我嘅？我嗰時仲差啲有抑鬱症。
到到小六嘅時候，比我識倒個對我好好嘅男朋友，佢叫阿俊。如果唔係佢成日陪我傾偈成日陪我玩，我就真係會有抑鬱症。
佢仲同我講咗句刻骨銘心嘅嘢：「唔開心嘅時候咪諗下我囉，諗下我你就會開心啲架啦～」
之後嘅一兩個月，當我同阿爸阿媽嘅關係平常翻啲之際，我就同佢哋講咗阿俊嘅事。
之但係…
「唔得，唔可以！你點可以自己喺學校識男朋友架？你而家小六架咋！如果佢對你做咗啲咩咁點呀？我又未見過佢，點知佢係咪好人呀…」
黐線，阿俊如果係壞人嘅點會成日同我傾偈對我咁好呀？
「唔知，總之你要同佢分手。仲有，唔可以同第二啲人拍拖，就算要拍嘅都係同阿賢，佢係真係一個好男仔，而且會對你好好。」
唉～要我同阿賢一齊嘅話不而去死算。
我將呢件事同咗阿俊講，雖然佢真係好失落，不過佢依然笑住咁同我講…
「唔緊要啦～咪做返朋友囉，我條件又冇你咁好，你第時都要揾過另外一個架啦。」
雖然呢句嘢你哋聽落好似係一句安慰嘅說話，但係我聽落就係一把劍，一把無形嘅劍，直插喺我個心到。
而且，我同佢跟本唔可以繼續做朋友，或者咁講，我根本就已經唔可以再同佢做朋友，因為我已經冇面見佢。見到佢嘅時候，我都會擰歪面唔敢望佢。所以，我哋就由本身情侶搖身一變陌生人。
可能你會話：點解你唔瞞住你阿爸阿媽繼續同阿俊拍拖呢？
但係你諗下，我嗰時得小六，又邊夠膽吖？而且，我都唔想又同阿爸阿媽啲關係咁差，所以就做咗呢個決定。
上到中二，又比我我識到一個令我又心心眼又心動嘅男仔，佢就係毛仁希。
佢比我嘅感覺同阿俊好唔同，但係又有幾分相似。
如果話阿俊係個大哥哥咁照顧我，希希就係細佬咁成逗我開心。
要我2揀1嘅話，我都會揀細佬。
佢個人一企起度，就已經魅力四射，乜都唔做我就已經可以將煩惱痛苦拋諸腦後。
所以，我真係好鐘意佢，愛佢愛到不能自拔。
佢帶我去南生圍，又帶我去海洋公園。同佢一齊，係我最開心嘅時候。
仲記得喺南生圍嘅時候，我不自覺咁講咗句嘢…
「有時候有啲嘢，完美就會變得唔完美；唔完美反而會更完美。」
我都唔知我點解會講咗句咁嘅嘢，因為我不嬲都係諗嗰句講嗰句。
好，到最後講返我點解冇啦啦會同希希分手。
唉～
前日，即係正月初九，希希去咗我屋企同我温書。不過，原來阿媽冇去到親戚屋企拜年，結果就比佢知道我比咗佢上嚟！
所以等希希走咗之後，阿媽就走出嚟好嬲咁同我講…
「你點解會帶咗個男仔上嚟架！？你有冇問過我呀！？男朋友！？我有話比你同佢拍拖咩！？」
「即刻分手！」
What！？
「吓？唔好啦阿媽～」我喊住咁同阿媽講。
係，今次我就真係瞞住咗阿媽同希希拍拖。唉～雖然我都知遲早會比佢發現，所以我就想可以做嘅嘢都快啲做，啲咩上佢屋企呀，一齊瞓覺沖涼呀，都快啲試，因為我知道呢一日好快就會到。
不過，原來要講分手係咁難。佢同我講完之後，我就將自己反鎖喺房到，係咁喊係咁喊，原全冇心情温書，希希教我嗰啲嘢已經跟住啲眼淚係咁流哂出嚟唔見哂。
正月初九，即係今日，我終於有勇氣講倒出嚟。不過，我對眼已經泛起淚光。
-----------------------------------------------------
今日天氣好好，個天好藍，再加小小好白嘅雲。望過維港對面嘅將軍澳都勁清楚。只係，啲風吹埋嚟好凍，吹到我越喊越勁。
「我哋做翻朋友啦好冇？等你阿媽比你拍拖嘅，先再喺翻埋一齊啦。」真悲慘，明明係我講分手，但係就要佢嚟安慰翻我轉頭。
而我？我就淨係識得攬住佢喺度喊。
返到屋企之後，我又想喊，喊我無能為力，喊我已經無勇氣再同佢做朋友，以後同佢只會再變陌生人。之但係，我已經喊到眼淚到乾哂，再喊唔出。
到而家我先知，原來想喊但係喊唔出，先係最可憐架。
三月九號，我終於考完試，不過今次一定唔會考得好，就算真係返到學校考試嘅時候，都依然無心情，成個人失魂落魄。雖然啲friend都係咁問我咩事，但係我都係隨便應佢哋幾句，我實在唔想再比人知我因為阿媽而要同希希分手。
考完試返到屋企之後，阿媽無啦啦捉住咗我同我講咗啲嘢，不過我都係無心情聽，因為不外乎都係要哦下次再努力啲嗰啲架啦。不過…
…
「吓？真係架？咁我而家行架啦～」我好興奮咁問阿媽。
「係呀，快啲啦～」
雖然心中仲有好多疑問，梗係覺得怪怪哋咁，不過唔緊要啦，有得見希希最緊要！
講完之後，我即刻求其擸咗件衫換，然後用最快速度去希希屋企。
-----------------------------------------------------
［毛仁希視角］
正月初九…
「我哋做翻朋友啦好冇？等你阿媽比你拍拖嘅，先再喺翻埋一齊啦。」喺我講完呢句之後，佢就自己一個返返屋企。望住佢個背影，我諗今次真係玩完啦我哋。
我唔係唔想喊，而係我唔想再喺佢面前喊。佢喊埋我嗰份就得啦。
等佢個影都唔見埋之後，我就自己喺度吹下風，聽下歌。無聊嘅時候就行下，攰嘅時候就坐下。
「像熟悉的音樂 我假裝無所謂 細想在耳邊 無法入睡 但故事的情節 無預警的翻頁 幸福的畫面 逃得好遠
作者到底他是誰 我為何要妥協 任你在我人生撒野 下筆如此的果決 就散落記憶成了碎片
我也想忘了我是誰 重新再來一回 哪有那種什麼絕對
但就是不忍心你為某人好累
這一秒 喧鬧裡 我摸著你的臉 一起尋找你想尋找的那種堅決 下一秒 我淚決 潰堤在那間書店 太多自以為我以為是 錯覺
最多恨的詩篇 蔓延我的整頁 帶著詼諧 自我消遣
回憶是一個盜賊 偷走我的一切 寂寞倒是流了一些 哪管我手無寸鐵 就判了死刑成了殘念
我也想忘了我是誰 重新再來一回 哪有那種什麼絕對但就是不忍心你為某人好累
這一秒 喧鬧裡 我摸著你的臉 一起尋找你想尋找的那種堅決 下一秒 我淚決 潰堤在那間書店 太多自以為我以為是 錯覺
決心愛得更純粹 越是深夜越想起我們曾經相戀 揮霍青春的瘋癲 回不去的可愛笑顏 就在此刻終於成了紀念 世界崩塌崩潰止不住心碎
這一秒 喧鬧裡 我摸著你的臉 一起尋找你想尋找的那種堅決 下一秒 我淚決 潰堤在那間書店 太多自以為我以為是 錯覺
這一秒 喧鬧裡 你摸著他的臉 再多不捨得不可得也只能道別 下一秒 我淚決 揮別在那間書店 那些自以為我以為是 成全～」
咦！？點解首歌好似喺度講緊我咁嘅！？
「曖昧讓人受盡委屈 找不到相愛的證據 何時該前進 何時該放棄 連擁抱都沒有勇氣
只能陪你到這裡 畢竟有些事不可以 超過了友情 還不到愛情 遠方就要下雨的風景
到底該不該哭泣 想太多是我還是你 我很不服氣 也開始懷疑 眼前的人是不是同一個真實的你
曖昧讓人受盡委屈 找不到相愛的證據 何時該前進 何時該放棄 連擁抱都沒有勇氣
曖昧讓人變得貪心 直到等待失去意義 無奈我和你 寫不出結局 放遺憾的美麗 停在這裡
曖昧讓人受盡委屈 找不到相愛的證據 何時該前進 何時該放棄 連擁抱都沒有勇氣
曖昧讓人變得貪心 直到等待失去意義 無奈我和你 寫不出結局 放遺憾的美麗 停在這裡～」
「嗚嗚～」我都係忍唔住喊出嚟。
「和朋友一如往常 唱唱k歌 下一攤宵夜火鍋吃吃喝喝 那狂歡一成不變一樣快快樂樂 一樣失真的夜晚和清晨 那生活勉強還能自得其樂 而關上燈獨自一人
嘴角笑著眼眶為何溼了
我怎麼哭了 當我偶然想起了 想起有你的時刻 哼起你最愛的歌 點了你愛的菜色 為什麼哭呢 明明撫平了傷痕 好好過我的人生 絕不是因為你那無心一句最近如何
那孤單其實沒有想像殘忍 找個人逛街玩樂都是選擇
但睡前那句晚安我該對誰說呢 一想到這心就不堪負荷
那生活勉強還能自得其樂 而關上燈獨自一人 誰會在乎我的喜怒哀樂
我怎麼哭了 當我偶然想起了 想起有你的時刻 一起看過的景色 還沒實現的旅程 為什麼哭呢 明明撫平了傷痕 好好過我的人生 絕不是又想起了 我們曾相許的永恆
我不再哭了 當我漸漸習慣了 習慣偽裝著快樂 習慣再愛一個人 就算不那麼狂熱 你愛著誰呢 要比我們更深刻 完成我們未完成 為你的幸福犧牲 也算愛的一種美德
我衷心祝福你的 可是我卻怎麼哭了～」
算啦，唔聽啦，連啲歌都喺度串我！
雲雲呀，我真係好鐘意你呀，你係我嘅初戀，不過我哋就只係維持得半年幾。
點解要咁對我呀，嗚嗚～
農曆新年假之後，仍然係繼續zoom，不過我都係成日諗住雲雲，佢喺我個腦海入面根本揮之不去！
我亦都有同細細粒講我同雲雲嘅事，佢仲約埋我出嚟傾下添。
不過依我對佢嘅認識，佢約得我出嚟唔會只係為咗呢樣嘢，一定會有佢嘅嘢都想同我講。
我哋求其搵咗笪地方坐低之後，我就開始講我同雲雲嘅事…
「就係咁啦，不過我睇我應該會同阿俊情況一樣，都唔會一齊翻架啦～」我垂頭喪氣，冇心情咁講。
唔係我唔想喺返一齊，而係我覺得機會率好低。
「期望越大，失望越大。」與其仲喺度每日期望復合，不餘一早打定輸數。
「我又唔覺得喎，其實阿Cloud都大個啦，呢啲嘢阿媽可能會比翻佢自己決定架啵～」細細粒唔同意我嘅意見。
不過佢都有佢嘅道理嘅～換轉係我嘅話都會咁講。
「唔～點都好啦，你今日叫我出嚟都係因為有嘢想同我分享下架啦係咪？」我已經唔想再喺雲雲呢個話題到繼續討論落去。
「Of course～哈～真知我心～」細細粒笑咗笑之後繼續講「我鐘意咗Ava。」
「吓！？」
「唔使吓啦，我好清楚我自己係真係鐘意咗佢。」
「咁…咁你鐘意咪鐘意囉，關我咩事呀？」
「你同佢同班呀嘛，咪幫下我囉～」
「好～你介唔介意比Coco知？Coco同Ava都幾熟架。」
「哦，你咪叫佢又幫下手囉～我唔介意。Thanks BRO～」
「不過話時話嗱，點解你會無啦啦鐘意佢嘅？」
「你知我係搭118返學放學架嘛，跟住原來Ava佢都搬咗去長沙灣。所以我哋就成日搭巴士嘅時候撞倒，跟住傾下傾下嘅時候又發覺其實我哋都幾夾架啵…」
「咁你話你哋夾係只係你係咁認為吖，定係你都覺得佢都對你有啲好感呀？」
「Um…即係起碼佢唔會抗拒我囉～會肯同我傾偈囉～」
「哦好啦，咁我就幫下你同叫埋Coco幫手啦～」
「多謝多謝～」佢最後雙手合十多謝我，而後就走咗lu～
然之後我就即刻Signal Coco話比佢知。然之後佢就話約咗我哋4個（細細粒、Coco、Ava、我）3月9號出去下街培養下感情咁喎～
不過問心嗰句我就真係唔想牽涉其中，啱啱先同雲雲搞成咁，如果佢哋最後真係一拍即合嘅話我咪慘做電燈膽！？
咦！？3月9號喎，唔知雲雲點呢？話哂佢都考完試啦～唉～我都無權干涉～
三月九號…
唉～不過而家已經冇得同雲雲出去玩啦，淨係可以zoom完之後同嗰4條友出去。
「叮噹叮噹～」咦，點個撳門鐘呀？
我喺度門隻眼度望出去，嘩～
我真係嚇到呆咗！
「咩事呀你？呆到邊咗碌木咁嘅！？」呆咗唔知幾耐之後，我細佬終於嗌翻醒我。
打開咗度門之後，我緊係即係問佢做咩…
之但係我都未開倒口，我就已經比佢個口冚住咗。而且我仲比佢攬住埋！
好尷尬呀呵！？不過最尷尬嘅都係我阿媽同細佬喺到望住我哋。
「做…做咩事呀你？」鬆開手之後，我即刻搭住佢個膊頭問佢。
「哦…其實係咁嘅…」
-----------------------------------------------------
［雲晞晴視角］
嗰日我同希希分咗手之後，我就返咗屋企係咁喊係咁喊，但係阿媽都無理到我。
到今日，即係考完試啦，我都知自己一定會考得好差，因為冇咗你之後，我根本完全冇心情温書。
阿媽從來都係一個觀察力好好嘅人，我冇心機温書佢亦都一清二楚。
跟住今日一考完試，我就攤起張床度無動力去郁，書又唔使温啦，但係就冇咗希希同我出街。
之但係，我入咗房之後阿媽就即刻走埋嚟同我講…
「你係咪好鐘意毛仁希？」
「係。」
「咁你同翻佢喺埋一齊啦。」
嘩～我真係傯咗眼，反應唔切
阿媽繼續講…
「其實呢，我嬲係嬲你唔同我講你要拍拖，仲帶埋佢上嚟屋企。你六年級嗰時我話唔比你拍拖，係因為我真係覺得你太細個，而且我都會等你一到中學，就放手比你決定。
如果唔係考試，我就會一早就比你哋喺埋一齊架啦，係因為我唔想佢阻住你温書姐。
見佢咁有心機同你呢個人温書，我都知佢係真係會對你好。
所以，快啲揾返佢同佢喺翻埋一齊啦～」阿媽最後笑住咁拍一拍我。
「唔～」雖然仲有好多嘢唔明，不過算啦。
「吓？真係架？咁我而家行架啦～」我好興奮咁問阿媽。
「係呀，快啲啦～」
講完之後，我即刻求其擸咗件衫換，然後用最快速度衝去希希屋企。
「銀河上 邊跌宕邊看緊對方 跨宇宙又橫越洪荒 不怕在盡頭無岸 遠近我都護航 還能互安慰 不必天氣多清朗 狂雨暴雪一起對抗 任歲月再壞 不致心慌～」
-----------------------------------------------------
［毛仁希視角］
「哦～」我好難以置信，咁似啲電視劇劇情嘅？
「咁但係呢…」我將我要同嗰4條友出去嘅事話比佢知。
「哦～咁咪我哋一齊去囉～咁仲好添～」佢甜甜一笑，然後翹住我隻手同我阿媽講「咁我哋出去啦～」
Um…佢真係唔驚我阿媽架喎！
「好呀，拜拜！」阿媽對於我要出街完全無意見。
「咁我哋而家去邊呀？」搭緊𨋢嘅時候，雲雲問我。
「哦，我哋而家去咗中環食飯先，一陣就去赤柱囉～」話咁快，我哋已經行出咗棟大廈。
一路行過去中環嘅時候，我哋就一路聽住歌，一路拖住手咁傾住偈咁行。
「牽著我 一起走吧 不管了 風有多大 想去哪 現在出發 等什麼呢 有火光 一起去闖 不害怕 別人去講
就這樣 人間蒸發…」
行到Donki前面，就見到佢哋3個。佢哋都呆咗咁望住我哋兩個。
簡單咁講翻我哋嘅事之後，M記食。
「好呀！食姜B餐！」兩個女仔不約而同大叫。
「国安大法巨無霸，一国兩際夾青瓜。愛国治港加bacon，中国香港笑哈哈。」我哋三個男仔又不約而同一齊背。
「国安大法巨無霸～」
「一国兩際夾青瓜～」
「愛囯治港加bacon～」
「中国香港笑哈哈～」
我哋喺條街一路行去ifc，一路學姜濤跳。
雖然話就話學姜B跳，但係其實我哋只係喺度亂咁un下un下，亂咁揮下手，郁下手。完全同跳舞扯唔上關係。
雖然沿途受盡路人奇怪嘅目光，但係都無阻我哋繼續得意忘形咁跳落去。除咗一件事…
「警察呀喂！」Coco機靈咁大嗌。
「Oops～」我同雲雲即刻彈開，保持1.5米安全社交距離。
行到去M記之後，有個充滿「霸氣」嘅阿姐走出嚟充滿「氣勢」咁問我哋。
「請問你哋有冇download『傷心出行』呀？」阿姐問我哋。
「冇。」
「冇。」
「No.」
「冇。」
「梗係冇。」
「哦，冇唔緊要，填返紙吖咁唔該。」職員即係遞咗張form同筆比我哋。
填完之後，我同雲雲一枱，Ava、細細粒同Coco一枱，就開始嗌嘢食。
「姜B餐。」結果我哋嗌咗5個姜B餐。
等攞嘢食嘅無聊之際，我哋不約而同望去門口。
呢個時候，有幾位OL入嚟食。阿姐循例問佢有冇download「傷心出行」，佢哋話有，跟住佢哋就攞喺部電話對住個「傷心出行」嘅QR code。Scan完行緊入餐廳嘅時候，佢哋就即刻用最快速度撳咗下手機嘅中下位置，然後再喺手機嘅大概中間位置撳多咗下…
「哈哈！政府疫情兩大發明。」雲雲無啦啦嗡咗句咁嘅嘢出嚟。
「邊兩大呀？」我不解。
「一，低功耗Wi-Fi定位電子手環；二，『傷心出行』流動應用程式。」佢講。
…
「哦。」
呢個時候，嘢食有得攞lu，我哋就開始狼吞虎嚥。
食完之後，我哋行返出交易廣場搭260去赤柱。
「嘩，好靚呀～」雲雲塊臉貼到塊玻璃實一實。
我哋過完香港仔隧道，又過埋海洋公園之後，就入到深水灣。
「嘩～真係好靚～」雖然我成日都嚟，但係我都真係幾覺得好靚。特別係雲雲！
不過老實講，今日天氣咁好，又有陽光，咁樣曬落啲海水到又真係幾靚。
啲水就好似變咗塊鏡咁，不停反射閃閃生輝嘅太陽光，再加埋隔離啲綠油油嘅山，同啲好似玩具咁嘅船，真係靚到無得頂。
轉咗唔知幾多個彎上咗唔知幾多落咗唔知幾多斜之後，終於嚟到赤柱。
落咗車之後，再穿埋過個商場之後，就落到條海濱長廊，即係H&M出面。
嗱，嚟到啲咁嘅地方，就梗係要…
影相架啦，係咪？
不過原來唔係，係要入H&M睇下衫。
睇到我哋呢3個男入都睇到炆炆地嘅時候，我哋就出咗去出面玩無人機。
「喂，不如圍住棟美利樓影吖～」
「飛出海影翻返嚟啦～」
「我哋一路沿住海旁行然叫佢（無人機）跟住我哋嚟飛吖～」
玩玩下嘅時候，嗰3個女人就神出鬼沒咁無啦啦出現喺我哋後面，搞到我哋心都離一離，就連個無人機都感受到佢哋嘅氣場然後無啦啦飛遠走咗。
「嘩嘩嘩～」我即刻控制返架無人機（當然唔係聲控啦），架無人機幾千蚊架！
玩完笑完之後，我哋就跟住一齊入市集行下。
「嘩～好得意呀呢個！」
「嘩～假貨嚟嘅～」
「我靚唔靚呀？」
講下講下，我哋已經成功由市集頭掃到落市集尾。我哋幾個男人就梗係冇買嘢啦，係佢哋兩個女仔係咁試衫係咁問我哋件衫襯唔襯佢。
快樂嘅時光總係過得特別快——太陽伯伯又準備收工返屋企啦。
「嘩～好靚呀呢度睇日落，不如睇埋先走啦～」我提議。
「好～」佢哋連聲叫好。
橙黃色殘眼，又耀眼嘅陽光映照喺我哋每個人身上。風，又跟住陽光一齊吹埋嚟。
我忍唔住攬住雲雲，之但係，我都未轉倒身對住佢，佢就已經搶先一步伸對手嚟我之條腰到緊扣住我。
「我真係好鐘意你，原諒我啦好冇？」佢用佢最誠懇嘅眼神望住我。
佢郁下郁下嘅櫻脣，飄逸嘅烏黑秀髮，碌下碌下嘅眼珠，雙瞳翦水透水似的。根本國色天香，冇得頂！
但係我又冇得錫佢，起碼有6隻眼望實我哋兩個。
「冇，冇得原諒，因為我根本冇嬲過你。」我都用炯炯有神嘅眼神望住佢。
我一講完，佢就哄咗塊臉埋嚟，臉貼臉。
吖唔係，我哋塊臉中間仲有口罩架！哈哈～
雖然隔住口罩，但係我都感受倒佢個嘴唇嘅温度。都唔知話係個口罩差定係只係我嘅錯覺。
當我哋分翻開嘅時候，太陽已經返咗屋企，淨低嘅只係金黃色嘅雲霞。
「嘩～你哋真係當我哋係電燈膽！」
「你哋有冇考慮過我哋架！？」
「好sweet呀！」
佢哋3個都喺度串我哋，不過唔緊要啦，起碼佢哋都話有禮物比倒我哋。
「影得靚唔靚呀呢幅相？」Ava將佢部電話個mon向住我。
嘩，佢都真係幾識影相，影得唔只靚，仲好有意境。
「靚呀，好靚，send比我吖你，唔該。」我答Ava。
將相係喺我哋頭先臉貼臉嘅時候影嘅，咁相裏面嘅我哋當然係相擁住攬埋咗一嚿。但係因為我哋後面係個好落日熔金嘅太陽，所以我哋就背咗光，淨係忍若見到我哋嘅輪廓，不過都好明顯係喺度「錫緊」 。
唔知大家想唔想像倒呢？不過想唔想像倒都好，總之知道將相係好靚就得架啦，哈哈～
都係唔知有幾靚呀？咁我可以話你比你知，如果第時真係同雲雲結婚，我都一定要攞返呢張相出嚟，就係咁靚，完。
睇完之後，我哋就搭返260出去中環，然後自返歸。
就係咁，我同雲雲又變翻好似之前感咁親密。或者雲雲真係講得啱，有時候有啲嘢，完美就會變得唔完美；唔完美反而會更完美。
我哋之前好完美咁拍拖，所以就有咗啲唔完美嘅事出現，例如有啲拗撬（雖然好快就解決咗）；但係我哋經歷完呢次唔完美嘅事件，就令到我哋嘅感情更完美。
我哋5個嘅感情（對雲雲係愛情，對Coco、細細粒、Ava係友情）都因為呢次「赤柱之旅」而變好，得閒就會約出嚟玩。
而我都發現，細細粒同Ava都friend咗好多，可能已經準備好一齊。
某一日，我哋又約咗出嚟去細細粒屋企玩。
玩咩？就係…
打麻雀。
可能你會問：「5個人點打麻雀呀！？」
但係原來嗰日Coco唔得閒，所以就得返我哋四個。
上到細細粒屋企之後，一張電動麻雀枱就現身喺我眼前。
嘩，真係有錢！
坐好之後，佢哋2個女仔就開始七嘴八舌咁問…
「我唔識打喎？」
「係咪話同魔力橋玩法一樣架？」
「複唔複雜架？」
「點All In架？」
「哂冷？」
「係咪一賠十六呀？」
唉～我真係反哂白眼。不過之後我終於聽到啲正常返啲嘅嘢…
「咩係二五雞呀？」
「清一色即係點呀？」
「打廣東牌呀？」
「點解十三么就十三番嘅？」
「大四喜難唔難架？」
…
原來佢哋只係攞咗張說明書出囉睇，所以問嘅問題比較貼近麻雀呢玩意。
「好好好～我教你哋啦。」我喝停佢哋，廢時佢哋問到夜晚。
（識打麻雀嘅朋友可以skip咗下面。）
「首先呢，麻雀一共有136隻牌（唔計花）。筒子、索子、萬子都有一至九。即係有一至九筒，一至九索，一至九萬。除咗筒子、索子、萬子，仲有『字』：｛東｝、｛南｝、｛西｝、｛北｝、｛紅中｝、｛發財｝、｛白板｝。而每一隻都有4個copy，所以夾埋就有136隻牌。
然之後，打麻雀一開始就會每個人都有13隻麻雀牌。然後每輪都你嘅時候都要摸一隻返嚟，然後打返隻出去。當人哋打隻牌出去嘅時候，就可以嗌：『上』（只可以係『上家』（坐自己左邊嘅玩家）打嘅牌先可以嗌）、『碰』、『槓』或者『食』。」
「『上』：3隻牌連著。自己摸到有2隻連著嘅牌，然後有人打一隻可以同你嗰2隻牌又連著，就可以嗌：『上！』。例如：首先自己摸到｛七萬｝、｛八萬｝，然後有人打｛九萬｝，咁就可以嗌：『上』。『上』完之後要將嗰3隻牌打開放喺麻雀枱到。
『碰』：3隻牌一樣。自己摸到2隻一樣嘅牌，然後再有人打同你手上嗰3隻一樣嘅牌。例如：自己摸到｛發財｝、｛發財｝，然後再有人打｛發財｝，咁你就可以嗌：『碰！』。『碰』完之後要將嗰3隻牌打開放喺麻雀枱到。
『槓』：4隻牌一樣（分明槓同暗槓）。
『明槓』：自己摸到3隻一樣嘅牌，然後再有人打同你手上嗰3隻一樣嘅牌。例如：手上有｛五筒｝、｛五筒｝、｛五筒｝，然後再有人再｛五筒｝，咁就可以嗌：『明槓！』。『明槓』完之後要將嗰4隻牌打開放喺麻雀枱到。
『暗槓』：自己摸到4隻一樣嘅牌。例如：自己摸到｛白板｝、｛白板｝、｛白板｝、｛白板｝，咁你就可以嗌：『暗槓！』。『暗槓』完之後要將嗰4隻牌冚埋放喺麻雀枱到，可以額外加1番。
『食』（『食糊』）：砌到兩隻一樣嘅牌，即係眼，再加4個3隻牌（碰）或者4隻牌（槓）為一個嘅組合，例如：
｛紅中｝、｛紅中｝ ［眼］
｛二筒｝、｛二筒｝、｛二筒｝ ［碰］
｛五萬｝、｛五萬｝、｛五萬｝、｛五萬｝ ［槓，明槓或暗槓］
｛二索｝、｛三索｝、｛四索｝ ［上］
｛西｝、｛西｝、｛西｝ ［碰］
咁就可以嗌：『食！』。」
「仲有，如果你係自己已經摸到3隻連著或者一樣、4隻一樣嘅牌，就唔需要擺出嚟比人睇。」
「如果係『自摸』（自己摸到牌返嚟『食糊』），就係令外嗰3個人一齊輸分比『食糊』嗰個人；『出衝』（有人打隻牌出嚟然後用嗰隻牌嚟『食糊』），就係淨係嗰個人輸分比『食糊』嗰個人，其餘兩個人就唔受影響。」
「咁食糊嘅方法呢，有『雞糊』（『是但食』）（0番）：除咗『眼』之外，可以『碰』、『上』、『槓』都得；『平糊』（1番）：除咗『眼』之外，全部都係『上』；『對對糊』（3番）：除咗『眼』之外，全部都係『碰』或者『槓』…」
再講完「混一色」、「小三元」、「大三元」、「清一色」、「小四喜」、「大四喜」、「十八羅漢」、「九子連環」同「十三么」之後，我哋就終於於開始打牌。
「除咗呢啲糊法有番數之外呢，仲有啲嘢可以加番。例如：『自摸』，就可以看到加1番；『紅中』、『發財』、『白板』（即係『碰』到｛紅中｝、｛發財｝、｛白板｝一個加1番……」
講完之後，我哋就開始抽位坐。
「好，你哋打開隻牌睇下自己係咩位啦～」我洗魂哂枱上面嘅｛東｝、｛南｝、｛西｝、｛北｝，然後將啲牌放喺佢哋面前。
「吓，抽嚟做咩架？」雲雲問我。
唔靜止雲雲，我忍若見到佢個個個頭上面都有個好大嘅問號。
睇嚟我又要解釋一輪啦…
「打麻雀要打十六圈，第一那局係『東風東局』，第二局就係『東風南局』，跟住再打多兩局就到『東風北局』，再去就係『南風東局』，如此類推打到『北風北局』，就打完計數。」
我打開手上嘅牌，我抽到｛東｝。
佢哋都打開佢哋嘅牌，雲雲係｛南｝；細細粒係｛西｝；Ava係｛北｝。
「即係呢，我係坐東位，雲雲你坐我右邊南位；細細粒你坐我對面西位；Ava你坐我左手邊北位。我打出嚟嘅牌，你哋個個都可以『碰』、『槓』同『食』，但係只係得雲雲可以用我打出嚟嘅牌嚟『上』。同樣地，雲雲打出嚟嘅牌大家一樣可以『碰』、『槓』同『食』，但係就只係得細細粒可以用雲雲打出嚟嘅牌嚟『上』。」
「第二樣嘢，呢鋪係『東風東局』換言之跟住就係『東風南局』，但係唔一定係下鋪，因為如果係『東局』，而坐『東位』（我）又食糊，就會繼續係東局。又例如：而家係『西局』，但係坐『西位』嘅朋友又食咗糊，就繼續維持係『西局』。」
「明白冇？」
「哦～咁不如我同你打鋪先吖～睇下係咪真係咁玩？」細細粒同我講。
「哦，好呀。」我答佢。
好奇怪咩？係，我都覺得，因為呢個環節都係跟住我哋嘅劇本嚟做，我哋係一早夾好架。
點解要咁？因為我要比佢食糊，然後Ava就會讚佢好犀利呀，等佢哋嘅感情再進一步。
仲有，其實我一早已經教識咗細細粒打麻雀，然後就叫佢盡量食啲高番數啲嘅同要做「混一色」或者「清一色」，因為咁樣我先容易知道佢要啲咩牌，然後「助攻」。
好無聊咩？但係呢個係真係我哋嘅計劃嚟架喎！
「好，咁我就係東位你係西位啦，我先架啦。」我講完之後，就撳麻雀枱嗰個高科技嘅制。然後，4棟牌就出現咗喺我哋面前。
嘩～好犀利呀！
跟住我就擲骰，然後就根返粒骰嚟攞牌。
「點解要擲骰嘅？同點解係你擲嘅？」Ava問。
「因為你要根據返你擲嘅骰嚟決定喺邊度攞牌。例如：我擲到8，我就要從上家的前面嗰棟牌開始跳過8棟牌，然後由第9棟嘅第9張牌開始攞起。」
「跟住，邊個擲骰就睇嗰鋪係咩局。例如：今鋪係東局，所以咪東位（我）擲囉。」
講完之後，我就攞咗14隻牌（庄攞13＋1隻牌，因為我打先），細細粒就攞咗13隻牌。
（識打麻雀嘅朋友skip到呢到好啦。）
嘩，好唔靚呀啲牌：3隻筒，4隻萬，3隻索，4隻字。
不過唔緊要啦，還掂我都係要比佢食糊架啦～
｛東｝我打。
｛三索｝細細粒打。
｛九索｝我打。
｛五索｝細細粒打。
｛紅中｝我打。
｛五筒｝細細粒打。
「碰！」我嗌。
｛七萬｝我打。
…
咦！？佢停低諗喎！
｛三筒｝細細粒打。
｛八筒｝我打。
｛九索｝細細粒打。
唔知大家有冇發現，細細粒從來冇打過萬子，而且我一打萬子佢就即刻停低諗，所以佢係做緊萬子。
咁我就打哂啲萬子出去益下佢啦～
｛八萬｝我打。
「碰！」細細粒嗌。
…
｛三萬｝我打。
「碰！」細細粒嗌。
…
｛一萬｝我打。
「食！」細細粒笑住咁嗌。
「嘩～11番呀！」我驚訝咁望住佢。
雖然我一開始就知道會係佢食糊，但係我都估唔到佢會食倒11番咁多！
佢啲牌係：
｛三萬｝、｛三萬｝、｛三萬｝ ［碰］
｛五萬｝、｛五萬｝、｛五萬｝、｛五萬｝ ［暗槓］
｛八萬｝、｛八萬｝、｛八萬｝ ［碰］
｛二萬｝、｛二萬｝、｛二萬｝ ［碰］
｛一萬｝、｛一萬｝ ［眼］
「點解11番呀！？」雲雲不解咁問。
「因為佢食到『清一色』＋『對對糊』＋『暗槓』。『清一色』：7番；『對對糊』：3番；『暗槓』：1番。所以7＋3＋1＝11番。」我解釋。
「嘩～好犀利呀你！」Ava搭住細細粒個膊頭讚佢。
好嘢！計劃成功啦！我見到細細粒都比咗個多謝嘅眼神我。哈～我真係勁！
「好啦，咁我哋開始打啦～」雲雲講。
哼～我跟住就唔會讓你架啦細細粒！
「好呀～」我講。
今局係「東風東局」，所以係我做庄。
嘩～今次手氣好咗好多，抽到6隻筒子，咁一於做筒子啦。
｛三萬｝我打。
｛三萬｝雲雲打。
｛紅中｝細細粒打。
｛四筒｝Ava打。
「上！」我嗌。
｛七索｝我打。
｛二筒｝雲雲打。
「碰！」我嗌。
｛南｝我打。
「碰！」細細粒嗌。
｛北｝細細粒打。
｛九筒｝Ava打。
「上！」我嗌。
｛北｝我打。
「碰！」雲雲嗌。
｛一筒｝雲雲打。
「槓！」我嗌。
心水清嘅朋友應該會知，我已經得返一隻牌，叫緊糊，叫…
叫…唔話比你知。
｛發財｝我打。
「碰！」Ava嗌。
｛九筒｝Ava打
「自摸｛五筒｝！」我嗌。
係，我叫｛五筒｝。
「咁係咪8番呀？」雲雲望住我啲牌問。
嗱，你哋幫我計下啦…
｛四筒｝、｛五筒｝、｛六筒｝ ［上］
｛二筒｝、｛二筒｝、｛二筒｝ ［碰］
｛七筒｝、｛八筒｝、｛九筒｝ ［上］
｛一筒｝、｛一筒｝、｛一筒｝、｛一筒｝ ［明槓］
｛五筒｝、｛五筒｝ ［眼，自摸］
所以就係「清一色」＋「自摸」＝7＋1＝8番。
「係，8番，啱。所以跟住都係『東風東局』。」我答雲雲。
哈，電動麻雀枱真係好，唔使我哋自己洗牌同疊牌！
攞完14隻牌之後，打開嚟睇…
唔～都ok嘅～
4隻筒，2隻索，3隻萬，4隻字。
咁～唉，一於都係做筒啦。
｛8索｝我打。
｛5筒｝雲雲打。
呀！！！我要「上」呀！
不過雲雲唔係我上家，我冇得上，嗚嗚～
我只可以眼白白咁睇住隻｛五筒｝被遺棄。
｛五筒｝細細粒打。
求下你啦，Ava，學佢哋打｛五筒｝啦！
五筒！五筒！五筒！
｛五萬｝Ava打。
What！？
中「五」但唔中「筒」！？
我遺憾咁抽牌然後打…
｛一索｝我打。
「上！」雲雲嗌。
｛南｝雲雲打。
｛八筒｝細細粒打。
「碰！」我嗌。
好嘢，破冰啦！
｛四萬｝我打。
｛六萬｝雲雲打。
「上！」細細粒嗌。
｛九筒｝細細粒打。
「上！」Ava嗌。
｛南｝Ava打。
｛北｝我打。
「碰！」細細粒嗌。
｛二筒｝細細粒打。
「唔…」Ava諗。
｛九萬｝Ava打。
Oh！死啦今鋪！
Ava同我都做筒子，但係佢係我上家，佢可以「上」細細粒打嘅筒子，但係我就冇得「上」，因為Ava根本就唔會打筒子。
｛五索｝我打。
「上！」雲雲嗌。
唉，即係我又唔可以打咁多索子，唔係嘅話我就會比雲雲攞哂啲牌。
｛一索｝細細粒打。
喂你仲打索子！？
｛二索｝Ava打。
嘩你哋個個真係唔知個「驚」字點寫架喎！仲打索子！
咦！？但係雲雲完全無動靜喎！
咁我又打先。
｛二索｝我打。
「上！」雲雲嗌。
唉！我真係蠢！
同埋雲雲已經就嚟搞掂啦，手上得返4隻牌。
｛九筒｝雲雲打。
「槓！」我嗌。
｛紅中｝我打。
「食！」雲雲嗌。
唔係嘛，我竟然輸咗比佢！？
「咁係咪『混一色』呀？」雲雲攤開牌問。
｛一索｝、｛二索｝、｛三索｝ ［上］
｛五索｝、｛六索｝、｛七索｝ ［上］
｛二索｝、｛三索｝、｛四索｝ ［上］
｛八索｝、｛八索｝、｛八索｝ ［碰］
｛紅中｝、｛紅中｝ ［眼］
「3番，『混一色』。唉呀你差啲就可以看到5番架啦。如果你唔『碰』｛八索｝，而係變埋『眼』跟住｛紅中｝唔係『眼』係『碰』咁嘅話就可以看到變『混一色平糊』再加『紅中』咁就加2番。」我講。
「即係點呀？」
「即係如果你咁食：
｛一索｝、｛二索｝、｛三索｝ ［上］
｛五索｝、｛六索｝、｛七索｝ ［上］
｛二索｝、｛三索｝、｛四索｝ ［上］
｛八索｝、｛八索｝ ［眼］
｛紅中｝、｛紅中｝、｛紅中｝ ［碰］
咁你就可以食到5番。」
「所以跟住係『東風南局』，雲雲做庄係咪？」Ava問。
「Yes～」我答緊嘅時候，雲雲已經撳咗個制。
「雲雲你攞14隻喎。」我提雲雲。
咦！？今次啲牌都唔差喎！有6隻字，4隻萬，1隻索，2隻筒。
｛東｝雲雲打。
「碰！」我嗌。
｛九索｝我打。
｛三萬｝雲雲打。
「碰！」我嗌。
「喂！夾埋嘅你兩個！」細細粒指住我哋鬧。
「證據呢？我哋冇夾通。」我心平氣和咁答佢。
「哼～」Ava望住我。
｛二筒｝我打。
「碰！」細細粒嗌。
｛七萬｝細細粒打。
「上！」Ava嗌。
｛八筒｝Ava打。
「碰！」細細粒嗌。
哈，佢哋就真係夾埋！
「希希～」雲雲拍咗拍我，然後細細聲咁同我講。「我要索子呀！」
咦！？咁啱啦，我做萬，佢做索，就可以互補不足。
細細粒見我同雲雲喺度竊竊私語，佢哋又學我哋喺度通水。
所以好完美咁，而家已經變成2打2。
｛二萬｝細細粒打。
「碰！」我嗌。
「上！」Ava嗌。
OH！我同佢同時嗌。
咁就梗係…
梗係我要啦隻｛二萬｝。
（如果同一時間有人叫「碰！」同「上！」，就會係「碰」優先攞牌。）
｛五索｝我打。
「碰！」雲雲嗌。
｛紅中｝雲雲打。
「槓！」我嗌。
冇錯，我又得返1隻牌啦。
｛三筒｝我打。
｛白板｝雲雲打。
｛發財｝細細粒打。
「食！」我攤開牌。
｛東｝、｛東｝、｛東｝ ［碰，門風、圈風，加2番］
｛三萬｝、｛三萬｝、｛三萬｝ ［碰］
｛二萬｝、｛二萬｝、｛二萬｝ ［碰］
｛紅中｝、｛紅中｝、｛紅中｝、｛紅中｝ ［明槓］
｛發財｝、｛發財｝ ［眼］
「哈，你自己都係攞咗｛發財｝去做『眼』，又係冇咗碰嗰1番。」雲雲嘲笑我。「有口話人冇口話自己。」
「咁但係我嗰時得返｛發財｝1隻咋嘛，冇得『碰』啦嘛，一定要用嚟做『眼』架嘛。」我解釋。
「即係跟住係『東風東局』，細細粒做庄係咪呀？」Ava問我。
「係呀！咁聰明嘅你！？」我串佢。
…
唉～今次啲牌就真係要爛都黐線。與其喺度慢慢砌「雞糊」，不如「棄糊」諗下自己點樣唔輸算。
總括而言，我咁鋪嘅策略就係輸少當贏…
咦唔係喎！我即刻䁽下雲雲啲牌…
Wow！我諗我啲手氣真係過雲雲度，佢做「大四喜」、「小四喜」簡直一流！
｛東｝細細粒打。
「碰！」雲雲嗌。
｛五筒｝雲雲打。
｛一萬｝細細粒打。
｛九萬｝Ava打。
｛北｝我打。
「碰！」雲雲嗌。
｛五索｝雲雲打。
「上！」細細粒嗌。
｛六筒｝細細粒打。
「上！」Ava嗌。
…
就係咁，我哋由「東風西局」打到「北風南局」…
「好攰呀～玩其他嘢啦～」雲雲打咗個喊露。
「係囉～你哋都贏硬架啦～」細細粒望住我同雲雲講。
係，我哋都真係穩操勝券，因為我同雲雲個分數係正數，細細粒同Ava個分數都係負數。
所以話我同雲雲係壓倒性勝利！
Congratulations！
幾個星期後，就已經到暑假。
換句話，即係今學年完美完結。
細細粒、Ava、我升上中四；雲雲升上中三。
我哋中學有樣好得意嘅規則：中一至中三同中四至中六嘅校服係唔同。
所以，無論如何我哋中三嘅校服（除非留級）都要報銷。
跟據傳統，我哋會互相做一個「動作」，就係寫衫。
趁一切 都正好 撮合無盡 的偶然來盡興——有位勁鐘意容祖兒嘅男同學寫喺我件衫度。
與她牽手皆老——有位個頭亂到成個鳥巢咁嘅女同學寫喺我件衫度。
與她白頭到老——有位比一個花名叫「桔」嘅女仔飛嘅男同學寫喺我件衫度。
珍惜眼前的她——細細粒寫喺我件衫度。
永遠在你身邊——雲雲寫喺我件衫度。
永世的好朋友——Ava寫喺我件衫度。
寫完之後，中三真正咁又喺口罩之下完結。
暑假完返嚟，如無意外已經係高中嘅中四啦。