毒撚大挑戰之女神要離開了！？: 拾-擦鞋仔の柒事

聖誕假之後就係考試。

話說我哋兩個考試之間中間會有一個鐘Brake 下，我嗰班有個擦鞋仔去咗買魚強食。

「同學，唔可以喺籃球場食嘢㗎喎。」我對住嗰條友講。

阿賈同阿城附和我:係囉。

5分鐘後





「嗚嗚嗚...嗚嗚嗚...嗚嗚嗚...」個擦鞋仔突然哭撚咗。我都跟住哭撚咗，不過我係笑到哭撚咗。

「喂！有嘢睇呀！」我「吹雞」叫人出去。

校工:食返佢！

擦鞋仔:唔制呀... 呀...

成堆人:哈哈哈哈哈。





阿兒:哈...哈...

我:哈哈... Hehehehe...

擦鞋仔:我唔食呀！我唔食呀！

跟住有個訓導行過去安慰佢，我哋成班友即刻入返操場。

阿賈笑住咁講:喂，有冇睇到佢喊呀？





我:梗係有。笑撚到我。仲要揼啲魚蛋落地下，仲要食返佢。

我笑撚到標眼水。考試第一日個擦鞋仔就柒撚咗。除咗恭喜我都唔知講乜好。

經過兩個禮拜，終於要接受死刑。

西史堂

58分... 都算係咁。

Miss Cheung:Ivan。(條擦鞋仔嘅英文名)

2分鐘後

「嗚嗚嗚...嗚嗚嗚...嗚... 」哈，抵撚死，鬼叫佢成日擦鞋。





後來先知原來佢嗰次考試得5字頭。

小息

成班友聚哂係班房出面，阿兒都喺其中。

我問佢:咩料呀？

阿兒:多得你嗰班啲人囉。

「多得你嗰班啲人囉。」係最後一次聽到佢把聲...

我哋小息都喺出面睇個擦鞋仔喊。佢越喊，我哋越開心，越想笑。





之後我哋笑足成個下晝，返到屋企仲笑緊。