毒撚大挑戰之女神要離開了！？: 伍-還有機會見面嗎(下)

7月16號

今日考Pre-S1，一去到間中學，竟然見到...

阿兒:咁啱呀。

咁咪即係之後嗰六年都可以同班？正。

我:係囉，又會咁啱嘅。





過多15分鐘，考試開始。

個監考阿sir好撚肥，目測大約成3個我(嗰陣我都係好撚橫，大肚腩)。

啲題目好撚簡單，半個鐘已經做曬。

阿兒:咁難嘅。

我:其實唔難。





阿兒:屌。

使乜理難唔難啫， 同阿兒同一班就得啦。

接落嚟嗰兩場考試都係好簡單，冇乜題目唔識做。

我:死硬喇，今次仲唔係最差嗰班。

作為一個平常嘅學生講呢句都係正常，因為啲人一定都係咁講，當係畀一個假希望人哋。





考完試之後過多2個禮拜去咗日本旅行，第二晚同阿兒吹水吹通宵，第三日行行下大阪城嗰陣有人WhatsApp，我即刻拎起部手機嚟睇，原來係分班list。

好可惜，天公不造美，我同阿兒唔同班，亦都同大部分小學同學唔同班。先F1就要摺埋得自己一個，唉。仲要冇得見女神，係成年都冇得見女神，你叫個毒撚情何以堪。