我2: 第一話

9月5號係大學嘅開學日，亦都係我隔咗8年再一次可以感受到香港嘅教育氣氛，作為一個非本地生(其實我係香港人!)有個外籍老師畀人要求要好好照顧住我令到我可以盡快融入到香港嘅學習氣氛，個老師大致上同我講咗唔同嘅building會有咩堂上就叫我快啲準備好就要去上堂。
1點鐘係我第一堂嘅lecture但係同個老師傾完計嘅時候已經就嚟1點半，見到遲咗半個鐘既我梗係急急腳咁衝去課室，一入到去先知道原來lecture會係一個好似禮堂既地方有百幾至到幾百個學生一齊上堂，作為一個乖學生嘅我梗係想坐喺最前排認真聽書drop note啦，但係因為遲到令到我唔夠膽行樓梯落去驚畀professor話，所以我只好喺最後排見到一個空位就行咗過去，我一行到過去見到個女仔隔離有個空位就問佢個位有冇人坐佢答左我冇我就坐底左。由於大家都係新生好多既網上教材都唔係好識用，但點知個女仔連點樣開份文件都唔識，作為一個精通基本電腦操作的我當然知道呢個係一個好好嘅機會係佢面前表現下同博佢好感啦，就係咁我教識咗佢點樣開啲notes出嚟同點樣搵到本ebook，過咗冇幾耐個Professor同我哋講依一科會有個group assignment最好盡快搵到組員開始做呢一份assignment，嗰一刻嘅我唔知邊度嚟嘅勇氣膽粗粗咁問佢不如我哋一組，點知佢答我ok喎，就咁樣我識左大學生涯第一個嘅朋友阿C仲抄左佢牌(電話Number）。