【120k最後釋出】科學禁書目錄——索引上的女孩們（完）: For紙言的序加後記

你問我個序做乜喺底？喺底好正常啫，序係永遠寫喺成書之後㗎嘛，邊有人未寫正文就先寫序㗎，傻的嗎？呢個世界有樣嘢叫代序，就係寫完篇文畀個高人睇完再幫你寫序，唔通你文都未寫就叫人幫你寫序？怪哉。
至於楔子，更加係大部份人濫用，開故第一章就入正題，呢個唔係叫楔子，不如叫自我介紹重好；楔子通常係寫啲不著邊際嘅嘢，導致一個故事發生，嗰啲早上食早餐再返學嘅楔子，睇怕你每日都要幫自己寫一篇楔子先識得返學。
而放喺書尾嘅序，老實講應該叫跋，不過睇怕就無人明；序跋分前後，前可以啟發讀者思考，簡介作品內容，順便做promotion；而跋就多數係帶出反思，總結故事，提出未解疑問等；當然作者寫自己幾辛苦嘔咗幾多字再感謝大家都無不妥嘅，反正對本書嚟講，作者係大晒，加頁密碼落去都是吹不脹的，尤其是歷代文字獄時期。

所以我到後序都重喺度講緊廢話。如果你未睇篇文嚟到呢度就覺得我煩，勸你回頭是岸，因為內文更多麻煩嘢，就算入面有幾精彩，唔啱你就係唔啱你，請不要勉強自己，送個MIT Phy PhD學位你讀都係嘥緊全世界資源。而如果你睇完先發覺篇文原來有序，捱完四十五萬字嘅你都唔會介意我再多廢話啦，應該五千字都頂得順嘅，嘻！
呢篇故老實講我係抄人哋，甜故又好，AV又好，最多見嘅其中一種劇情就係時停同隱身，AV限制太多純為過癮呢樣嘢我明，但坊間寫呢啲嘅甜故可以話全部都係垃圾，唔係話啲甜寫得唔好，而係從文學角度嚟講係垃圾，無乜一篇可以稱之為故事；先不論真實度同合理性，其實寫下寫下已經同呢兩樣超能力無乜關係，隱身就同攞住枝槍周街強姦差唔多，而時停就係作者不停喺自己幻想入面姦屍；都算，無前無後嘅，姦完就release唔再出場，老實講同皇帝出巡不停強搶民女無分別。至於控制能量同物質，純粹係方便我自己寫故而加落去，反正少見大家會覺得有新意，呢幾樣嘢喺物理學上都有互通嘅地方。

坦白講，呢篇文第一章我係desale嘅，有咁煩寫咁煩，有咁複雜寫咁複雜，等你哋咁鍾意睇甜故吖嗱…本身係寫畀熟客睇，睇開我字嘅應該都知我大概玩法，唔會俾我第一章嚇走，而會走嘅咪走囉，市面咁多自走炮，我都唔想佢哋嚟加鹽加醋玷污我嘅作品，又叫我加甜，又話我寫得太多無謂嘢。一樣米養百樣人，有人鍾意整容姣雞大波妹，有人鍾意天然清爽平胸文藝少女，無問題㗎喎，況且我兩樣嘢都識寫，只不過我係有偏好同先後次序啫。我呢個爛作者就係咁矛盾，又想多點擊數，又想趕走啲唔三唔四嘅人，係咁㗎啦，因為我希望文學界同甜故界嘅知音都可以發現到呢篇文，我唔敢話一啲鍾意我篇文嘅人如果因為發現唔到而無睇過係咪好可惜，但如果曾經留過喺度，覺得幾好睇，就算無睇完，應該都有啲心領神會嘅，網絡上相知相交，你開心我咪開心。

近四十六萬字嘅文章，本來得廿五萬架咋，就係因為有人真心支持我先繼續寫正故，如果唔係我留喺心入面算啦，寫廿萬字出嚟你估好過癮，我又唔係嗰啲自我幻想象牙塔嘅科幻故偽文青。呢篇文大致分三part啦，頭十五萬係坊間自走炮嘅大upgrade，跟住十萬遊記純粹寫肉蒲團式嘅淫慾之旅唔好嘥咗啲人設嚟個大雜燴，最後廿萬就係我自己真真正正嘅愛情甜小說，本來係真係reserve畀自己唔諗住寫嘅，因為覺得鋪出嚟會有啲煩同埋識欣賞嘅人唔太多，但結果就…多謝某一堆人啦；我諗會有啲人好奇我點樣可以喺無度故嘅前提下硬啪咗廿萬字真小說出嚟，其實係我寫緊溫泉時覺得悶悶地就諗下啲角色以後點算好，諗咗兩晚就完故了，就係咁簡單。如果睇開我啲字嘅應該知道我唔係文學人，我寫故唔係用文學角度嚟鋪排，亦唔會有所謂靈感問題，只有想寫同唔想寫；理科，邏輯，哲學，社會人文，語言學先係我寫作嘅構成元素，個framework喺度我套啲funtion落去就可以嘔晒啲字出嚟…當然，我都希望大家用文學角度睇我啲字嘅。



最後有一樣嘢我想講嘅就係，我係好希望有多啲女讀者睇我篇文嘅，我相信呢篇作品男同女睇出嚟係會有好大分別，唔同年紀亦都係；對男嘅嚟講，主力應該係甜故，多線愛情，再加科幻想像；而對女嚟講，妳哋嘅感覺應該細膩好多；呢篇雖然係第一身男主描寫，但其實男主只係一個讀書叻鍾意玩嘢淫得嚟又帶點人性嘅花心男，而阿威亦都只係我夾硬塞落嚟過下場等個故無咁單一嘅工具人；相反女仔嗰邊，Stella，Cindy，YYM，Erica，琋玟，Icarius，Zoe，Ella，甚至Amy，都係我嘔心瀝血塑造出嚟，係㗎喇，我一向重女輕男，分分鐘寫女角第一身純愛故我會更加舒服…學QQ話齋，男仔就係鹹濕同埋頭腦簡單。

嚟到呢度，喺呢個故上面都要同大家講再見（當然其他篇章繼續來回地獄又折反人間）；如果未睇嘅，就快啲去睇下啱唔啱你睇；如果睇完，希望我入面啲message你get到啲啦，我唔強求，唔會要求大家做課後練習，亦唔會幫篇文出精讀，底線係你覺得好睇就得。歡迎任何留言，支持批評發問一律OK，如果有人幫我搵到錯別字更不勝感激，小弟唔會有時間翻睇校對…
秘密一：2046真係話咁快就到，完故！
秘密二：Cindy如無意外日後有出場機會。