【120k最後釋出】科學禁書目錄——索引上的女孩們（完）: 人生若只如初見

100k釋出。

我：「Stella，點解妳會識咁多呢啲歌嘅…我以前都完全唔知，妳好似無乜聽歌㗎？」
S：「因為…一個人喺美國好悶，所以就多咗聽歌囉，本身我只係成日聽最愛同埋雨中的戀人們，但我次次聽完YouTube就會推送啲相關嘅歌畀我，咁我覺得啱聽就加落個list入面，久而久之咪搞成咁囉。」
我：「喺美國開唔開心呀？」
S：「喺度讀書其實好開心，但就只限讀書囉…咦，係喇，你係嚟…旅遊嘅？」
我：「我係嚟搵妳…」
S：「唔係呀，我指你張Visa。」
我：「我其實…都係嚟讀書…」
S：「你為咗嚟搵我所以讀書？咁你喺邊度讀？」


我：「新罕布什爾大學。」
S：「喺邊㗎？」
我：「咪喺新罕布什爾洲囉。」
S：「喺邊度嚟㗎？」
我：「咪麻省上面囉，妳無周圍行下咩？」
S：「無呀…我覺得去到邊都係咁，我基本上無離開過波士頓咁滯。」
我：「咁以後我哋…一齊讀書…係喇，妳有咗…會唔會影響學業？」
S：「咪放產假囉，重細咩，PhD無人理你㗎，你有辦法嘅鍾意喺屋企research都重得。」
我：「咁之後點？」
S：「之後就…到時先算啦。」


我：「嗯。」的確，我都唔知可以點，請工人？
S：「係喇，Cindy佢點…」
我：「Cindy佢…都係咁囉…」
S：「我係問你走咗咁佢點呀！佢知唔知道你過咗嚟搵我㗎？」呢兩個女人乜關係…重緊張過我。
我：「當然知啦…係佢叫我過嚟搵妳，重陪咗我半段路程…」
S：「咁你有無搵佢？佢知道你搵到我未？」
我：「未呀…呢幾日我好忙，唔記得咗搵佢。」
S：「作死你呀！你係咪想擔心死佢呀？喂，快啲話畀我聽佢電話幾多號啦…」
Stella佢換咗電話同美國號碼，所以一直都聯絡唔到佢，佢又無入我哋contact，而佢竟然連Cindy個手提號碼都唔記得…入完之後佢竟然即刻video call Cindy，呢一刻，我好似有啲尷尬，唉。
C：「嗯？係咪Issac？哇！Stella！係妳！」


S：「Cindy！我好掛住妳呀！妳過得點呀！」
既然咁friend，點解要消失年幾，我真係諗唔明…我望住Cindy坐喺我屋企張電競椅上面，個姿勢應該係半攤半坐，兩隻腳放咗上keyboard tray度，呢種感覺真係熟悉得嚟又好陌生。
C：「我當然好…喂！Issac條PK仔呢？」
我：「我喺度…做乜呀？」我郁咗個頭埋去鏡頭。
C：「我作死你呀！Stella隻眼做乜紅晒㗎？你對佢做咗啲乜嚟呀？使唔使我飛過嚟處理你呀！」
我：「我…我…」
咁長篇…又唔知Stella佢點諗…點解釋喎…
S：「唔關佢事，係我自己事…呀，妳而家喺Issac屋企？」都好明顯呀，唔好扮唔認得啦。
C：「乜嘢佢屋企呀，而家係我屋企，條友仔阻鬼住晒，我趕佢過嚟美國我就可以霸晒呢度！」
都係嘅，畫面上嘅佢著住件闊賴賴嘅Tee，突住兩粒點，大半對波走咗出嚟，睇怕下面分分鐘得條底褲甚至係無著，不過嗰度本身都係佢半個屋企嚟㗎啦，而佢咁嘅打扮我同Stella都一早習慣。
S：「但係佢過咗嚟…咁妳…」
C：「Stella，我應承妳睇住佢，已經捱咗年幾喇，唔想再對住呢條友仔，而家無穿無爛將佢交返畀妳，以後就辛苦晒妳…」
S：「咁妳咪得返一個人喺香港…」
C：「乜嘢一個人，呢啲麻煩友對多陣都盞自己激氣，我就受唔嚟，Stella妳好脾氣啲係妳先頂到，我容乜易就搵到件好過佢㗎喎。」
S：「Cindy妳咁益我…對我真係好。」


C：「梗係啦，我咁愛妳，惜返啖先！」
S：「嗯，啜啜啜…」
雖然…我都知佢哋之前親蜜到乜嘢咁，攬住一齊瞓重互相指插，唔知嘅真係會以為佢哋係les嘅…雖然應該唔係；但女人真係好犀利，明明無聯絡年幾，兩分鐘唔使就可以back to the future。
C：「Stella，我想同妳謦欬，唔想條友仔偷聽。」
Stella佢望一望我，咁我就當然點頭。
S：「咁我入房同妳慢慢謦。」
總算又過咗一段歷史，每當度過一段時間，未來就會寫入歷史，命運同歷史，根本就係同一樣嘢；行到嚟而家，都係咁啫，好少事，無問題。
我當然完全相信Cindy，甚至於Stella，因為Stella會諗埋一邊又唔知做出啲乜…所以俾Cindy同佢單獨溝通下我係絕對放心；反正每當呢兩個女人一黐埋，我就好似攝唔到入去咁。
我：『Icarius？』
I：『嗯？』
我：『歷史已經發生咗，Stella有咗BB…但唔係我嘅。』老實講我唔係太想討論呢樣嘢。
I：『明白，其實你唔使同我講都得，我已經睇通咗，你顧掂你嗰邊就得，雖然我唔識得Stella同Cindy，但喺你口中都知道佢哋係好女仔，你唔使理我㗎喇，好好睇住你身邊嘅人。』
我：『妳開始咗行動？』
I：『我追蹤緊啲同頻電波，睇下搵唔搵到邊個方位有控制裝置嘅跡象。』
我：『Icarius，妳危唔危險，我都會擔心妳。』


I：『危險都無辦法，我生於呢個年代，遇到咗呢啲事，我都要去處理，我過一排可能要搬去第二個地方…放心啦，我都會同你講嘅，但…如果有一日我突然音訊全無，你唔使傷心或者難過，因為每個人都會有咁嘅一日…』
我：『話雖如此…』
I：『正如你都已經香咗啦！死人頭老而不！哈哈哈！』唔好再惡攪我得唔得，妳遺傳邊個㗎…
我：『總之妳小心啦，妳講過妳嗰邊科技有咁多虐待人嘅方法，死唔係最難受，我唔想妳受苦。』
I：『我放咗隻山埃牙喺口㗎喇，必要時應該無乜痛苦…』
我：『希望妳搵到解決問題嘅方法啦。』
I：『你顧掂你自己先啦，識埋咁多女人，遲啲又要湊小朋友，睇怕你好快就會唔記得我啦。』
我：『點會呢…呢所有嘢都係妳帶挈。』
I：『哈，惡啦，識得怪返我，好囉，係我錯，自以為改變到歷史，最多到時教返你湊仔喇。』
我：『咁…都好嘅。』
I：『希望我到時重記得你啦，如果出到去，我應該要搵個男人同我做下愛先，哈！』
我：『都…正常嘅。』
I：『咁係吖嘛！你都食咁多女，我成世人淨係畀你個…吖…唔係，係Stella個孫屌過，好唔公平囉，如果真係要死，死之前點都要試下啲刺激啲先…』
我：『唔好玩出禍就得…』
I：『多得你啲死人小說囉！一開始係止癮，點知越睇越中毒…』


S：「Issac，你同邊個chat緊？」
死火，顧住諗Icarius呢個不知所謂嘅女人，專心到Stella行咗出嚟露台搵我都唔發覺。
我：「我…我…實在唔識解釋…」
S：「唔係啲普通嘢嚟？」
我：「一啲都唔普通…」
S：「係關於你隻App嘅？」
冰雪聰明嘅佢好似一眼就望穿咗咁。
我：「係…無錯。」
佢個樣好似呆咗咁，但我知佢喺度諗緊嘢。
S：「呢樣嘢…關唔關我事㗎？」
我：「咁就…都係關嘅…」雖然已成定局。
S：「我如果知道咗會唔會搵嚟煩？」
我：「嗯…都可能會。」
S：「Cindy知道呢件事嘅？」
我：「嗯，佢係知道嘅。」


S：「咁，我唔理你喇，我睇多陣書就瞓。」
我：「欸…Stella…咁，我今晚…」
S：「你今晚做乜呀？」
我：「咁我留喺度㗎喇…」
S：「你重有地方可以去到咩？」
我：「放心，無，我會一直留喺度。」我攬住咗佢。
S：「喂！咪住！你聽日使唔使返學㗎？」
我：「吓…應該無堂…都無乜所謂啦…」
S：「點得！咁辛苦過到嚟點可以走堂？」
我：「畀錢買個MSc啫…我又唔係妳…」
S：「唔準咁呀，畀錢嘅就更加唔可以嘥，後日要返學喇掛？」
我：「要呀，不過唔知啲交通就唔就到時間。」
S：「得，一個州咋，我車你去返學啦。」
我：「過百公里㗎喎…」
S：「咁咪好，可以陪你耐啲。」
Stella…希望今次我哋兩個傻瓜可以相安無事喺度一齊生活啦，不過無論點都好，就算妳嬲，妳趕我走，話要同我分手，我都會厚住面皮咁留喺度㗎喇，我唔會再做歷史上嘅罪人。
Stella走咗去睇書，嗯…真係唔明點解可以咁勤力，雖然一直都係咁…而我就走去洗衫，因為我係無衫換，洗走Stella啲淚水我都有啲唔係好捨得，但我唔可以再俾佢喊，同埋我順便要沖涼；呀，同埋重要…
我：『Cindy…Stella係咪同妳講咗乜情況喇？』
我知Stella唔介意，但我想有個私人嘅思考空間。
C：『嗯，大概啦，應承我，要好好照顧Stella知唔知，唔好令我失望，如果你夠膽一個人返香港我保証你無屋企返。』
真係好糾結，呢一刻嘅心情我重複雜過喺成田機場同佢分別…不過我知道我再講啲乜都係多餘。
我：『放心，我知道點做。妳呢幾日過得點呀？』
C：『好地地，咪搵緊工咁囉…不過，無乜動力，又有大屋住，有電腦玩，哈哈哈，好頹呀！』
我：『Cindy，我電腦枱最底格櫃桶放咗好多game盒，最底嗰層啲盒唔係放game，係現金嚟，如果妳有需要嘅話…』
我都知好無謂，但我只係做到呢少少嘢。
C：『低B仔，我一早就知啦…』
我：『咁…就實在太好。』
C：『我連你部腦邊個folder放AV都知呀，使唔使send返過去畀你呀？不過都係唔得，Stella見到可能會忍唔住斬死你，我唔想你死住，哈哈。』
我：『咁清楚呢啲嘢嚟做乜…』
C：『點知你有無收埋其他女人？到時出事又搞著我，唔想幫你manage呢啲嘢。』
我：『放心，唔會再發生…呀，重有另一樣嘢，妳…無同佢講琋玟嘅事㗎可？』
C：『傻嘅咩？呢啲有機會激到Stella流產嘅嘢我絕對唔會做囉，就算想殺咗你都有其他方法；喂，我要忙喇，唔得閒理你住，記住鏟message呀。』
沖完涼，我其實無衫換，條褲出咗街成日都無可能著住嚟瞓，話雖以前經常同佢赤裸朝夕相對，但好歹都過咗年幾，點都有啲唔慣；我打開咗條門罅望下Stella喺出面做緊乜，點知佢已經喺門口一絲不掛咁望住我。
S：「Issac，抱抱。」
呢個女人唔讀書嗰陣，有時傻下傻下真係好可愛，於是我就打開道門出去抱住佢，比起之前佢好似多肉咗，同埋唔再村姑成熟靚女咗，我摙落佢個pat pat度，好軟好滑好舒服嘅觸感；唔知點解唔使五秒鐘我下面就硬咗起身頂住咗佢個肚。
我：「幾多個月呀而家？」我摸住佢個肚講。
S：「四個幾喇…」
四個幾…即係四月受孕…下年大概一月…
S：「Issac…你真係唔介意？」
我：「唔緊要，只要妳重係妳就可以…至少…個BB唔係金髮碧眼，咁佢都唔會有認知障礙。」
S：「其實…BB個爸爸唔係衰人嚟。」
我：「我…都無怪佢…係擔心妳俾人傷害啫。」
S：「我哋入房再講吖。」佢拖咗我入房。
我：「但係得一個枕頭…」
S：「做乜呀？同我share一個枕頭好難為你咩？」
我：「咁又唔係…」
S：「聽日自己去買啦，我都唔想你啲二氧化碳焗親我個B。」
之後佢就同我講返呢年幾大概發生咗乜嘢事，簡單嚟講就係佢嚟咗之後雖然讀得好開心，但一個人始終都係寂寞，而且每一日都好掛住我，佢好想努力忘記我，於是差唔多每日由朝到晚都喺U度做research，久而久之佢搞到個人抑鬱咁滯，雖然佢好硬淨學術上嘅嘢無乜太大影響，但係佢個樣始終都係呃唔到人，重令到一個同佢一齊做嘢嘅台灣仔師兄擔心佢…其實真係無乜嘢，初頭佢哋都係一齊去食下飯行下街周圍玩下，但熟絡咗之後就開始親蜜咗啲，不過都只限精神層面上，兩個人會flirt下，謦下密欬淫嘢，最多都係抱下；當然嗰位師兄一直都無講自己status係點，反正一個人在外地有少少呢啲需要大家都明，唔使下下講晒出嚟咁鶻突，只要唔好玩爛條底線就得。
直到嗰位師兄PhD畢業要同佢道別，Stella一時忍唔住就抱實咗人哋重捉埋人哋返屋企，平時又完全無諗過要做嗰啲嘢所以當下乜安全措施都無…
都唔使我講啦，PhD係好鍾意放鍚紙兜入微波爐叮，而家大家都信啦，係咪？
我：「一次就中咗奬？」
S：「係…」
有啲想問佢做乜唔食事後丸，不過而家問嚟都實在無意思，而且除咗讀書之外佢做嘢都唔多合邏輯嘅…但係我又再一次懷疑自己係咪不育，成四年時間我梗係有試過危險期中出佢啦，本身諗住出事咪成世對住佢，但就係一直都無事；我諗…琋玟佢唔會用啲咁嘅嘢嚟呃我掛？如果唔係Icarius喺度，我可能真係會認為琋玟用啲咁嘅玩笑嚟惡攪我；定係…我粒睪丸喺上年先發育完成開始用得，以前嘅其實係空包彈嚟…
S：「放心啦…佢都唔開心咗好耐…有好好反省，我已經同佢講清楚唔會要個BB，從此喺佢生命入面消失。」
我：「妳呃佢…諗住自己承受晒？」
S：「我無呃㗎…當時真係諗住…但去到醫院申請嗰時填填下表突然唔捨得，所以咪…」
我：「妳唔怕影響生活同將來咩？」
S：「咁我計過自己其實有能力照顧到佢，而且，第時有個BB陪我咁我都無咁悶吖嘛。」
嗯，Stella嘅邏輯的確唔係個個明到。
我：「但妳始終都有一日會畢業…會返香港…」
S：「咁人哋諗住你已經有Cindy吖嘛。」
我：「…」到底呢兩個女人係咪想將我當人球踢。
S：「嗱，你而家後悔都重嚟得切㗎，唔好話我迫你食死貓。」
我：「嚟唔切喇，我已經應承咗Cindy，我唔想俾佢分屍。」
S：「個衰妹…」
我：「呀，想問下，係咪仔嚟㗎？」
S：「係呀…你點解知嘅？」
我：「我…就係知道咗，我諗…佢第時一定好叻。」
S：「無所謂啦，太叻都未必好。」
如果我無記錯，Icarius講過呢個仔會成為跨國科技巨企嘅高層，希望佢唔會好似Steve Job咁短命啦，不過應該唔會，佢六十歳重要有第二春…
我：「咁我好似都幾著數，無端端有個雙重PhD基因嘅小朋友，睇嚟唔使我點費心…」
S：「咁…到時出世紙我落…你名㗎喇…」
我：「唔落我名重可以落邊個名？」
S：「…，老公…」
呢兩隻字聽Cindy講過好多次，Stella嘅話真係好似第一次，咁既然我都應承咗…
我：「Stella，我哋係咪要結婚？」
S：「唔急吖，呢度啲人都唔興結婚嘅，我信你唔會走咗去，嘻嘻…但，我都唔知點同父母講好。」
我：「妳幾時要再返香港？」
S：「我上年暑假同今年新年都返過，佢哋好似唔係太想我浪費機票錢，我諗…生埋先再返啦。」
我：「妳返香港都唔搵下我…」
S：「咁人哋諗住…唔講喇。」
如果佢搵我，可能就唔會發生琋玟嘅事。
S：「喂…想唔想？」
我：「想唔想乜？」
S：「老公…要我講到咁明？」
我：「妳…得唔得㗎…會唔會危險…」
S：「我讀邊科吖，你質疑我？我都唔會咁惡攪自己呀下？」
我：「我點知喎…BioMedic讀呢啲㗎咩？」
S：「咁常識都知呀！」講起常識就真係…
我：「鹹濕妹！」
S：「係呀！係鹹濕呀，今次我咪衰鹹濕囉…」
衰鹹濕…我何嘗唔係吖…不過可能…我呢世都唔會有勇氣講佢知我發生嘅事；妳與我如此相似。
我：「妳都唔係好鹹濕啫…」
S：「我同Cindy邊個鹹濕啲？」
我：「做乜無端端提佢喎…」
S：「咁而家人哋唔撈咯，咪唯有我抵諗啲接手囉。」
我：「關乜事喎…」
S：「如果你第時重有機會，都可以同佢偷食下嘅，不過呢…Cindy就一定會報串畀我聽㗎喇！」
Stella…Cindy…
S：「喂！幾多日無射精呀？」
我：「六日？七日？我都唔記得…」
S：「諗住儲滿佢先嚟一次過畀晒我？」
我：「無呀…又jet lag…環境又唔同咗…啱啱幾日好多嘢搞，所以咪咁囉…」
S：「梗係Cindy縱到你飛機都唔再識打。」
我：「妳當我哋係乜喎…」
S：「放心，我唔會輸比佢嘅，嘻嘻…做乜咁望住我呀？屌唔落大肚婆呀？」
我：「唔係呀…粒lin lin好得意。」
S：「有乜得意喎…你啲愛好真係古怪。」
Stella佢坐咗喺我大髀上面，但就無身貼身，大咗肚嘅佢對波當然就跟住一齊大，F？G？唔知呀…但因為咁就有少少墮，同埋兩粒lin都大size咗，又深色咗啲，本身mocha色嘅佢開始變做chocolate，可能有啲人未必鍾意，但我就feel到一種好溫暖嘅感覺，好有母愛。