【120k最後釋出】科學禁書目錄——索引上的女孩們（完）: 最後的蜜月之旅

日子一天一天過去，我同Cindy兩個人都心知肚明所剩無幾。
我：「Cindy，我張Visa批咗喇。」
C：「恭喜你喎。」
明明係代表咗我要離開佢，但係佢嘅心情好平靜，面上帶住舒坦嘅笑容望住我，雙眼清澈明亮到好似貝加爾湖咁，呢個面容如同佢當年由透明變返實色一樣，只不過佢當時唔知道係我惡攪佢…
以女仔嚟講Cindy嘅表情算係好多姿多彩，一時hea到死屍咁攤喺梳化，一時鬼馬到口沒遮攔嚟惡攪我同我身邊嘅女人，一時對住男人大送秋波，一時喺床上…但，我最鍾意都係佢而家呢個樣，唔知…我重可以望多佢幾耐。
我：「Cindy…雖然我要走，但有樣嘢想麻煩妳。」
C：「點呀，你又想學埋Stella啲衰嘢呀？」
我：「唔係呀，不過到我走咗，屋企人又好少返嚟，間屋會封塵，又驚俾人爆格，妳知啦我床下底咁嘅樣…俾人偷都事少，揚咗出去分分鐘驚動國際調查，如果你唔介意嘅話可唔可以幫我繼續喺度打理間屋。」
咁樣講純粹係好聽啲，因為我知道Cindy同佢屋企人關係麻麻唔想日對夜對，畢咗業又無hall住屈蛇都唔使諗，雖然我無乜嘢畀到佢，但如果呢度可以令佢溫暖返少少嘅話…最怕佢覺得自己一個人喺度會孤單，話雖以佢性格再搵第二個男人屋企住都好易…
C：「我都想繼續喺度住…但總會有一日你老竇老母返嚟㗎，咁咪又要執餐死左匿右匿…」


我：「咁啦，我同老竇講話我要去讀書無謂丟空間屋，所以租畀舊同學，咁當然，啲租我會幫妳搞掂㗎喇，妳唔使擔心。」
C：「你放心啦，我會好好幫你睇住呢度嘅，假如有一日你同Stella返嚟，我會保持呢度一模一樣樣交返畀你哋。」
我：「Cindy…」
C：「做乜咁望住我啫，大家都識咗咁多年…我無嘢喎，你記住呀！如果要返嚟就同Stella一齊返，如果唔係我唔俾你入嚟要你瞓街㗎！」
咁好嘅女朋友可以去邊搵？我好肯定Stella做唔到好似佢咁好，而家唯一可以做嘅就係攬到佢實一實，盡可能係呢段最後嘅時間…
C：「係呢，咁你會幾時飛過去？」
我：「我未定呀，其實有Visa就隨時飛得㗎喇，啲錢我又滙咗過去，其實乜都唔帶都可以，只不過而家暑假，唔知Stella會唔會返學，會唔會去咗第二度旅行，所以…我諗都係開學前先去啦。」
早啲去又未必搵到佢，當然要陪咗身邊呢個眼前人先。
C：「但係，我唔想送你機喎。」
我：「係咁呀…」


係嘅，咁樣送機都唔知幾時再見，而且我哋又…所以當時Stella走都唔俾我去送佢機。
C：「但係，去美國唔一定要直飛嘅。」
我：「Cindy妳嘅意思係？」
C：「你就嚟開學開到懵咗頂喇，你唔記得我啱啱畢業咩？」
我：「咁我哋去返一次正正經經嘅Grad trip咯！係屬於我哋兩個人嘅旅行。」
C：「你上年畢咗業㗎喇，無資格去Grad trip，同埋由我哋開始第一日你就唔係正正經經啦！」
我：「咁即係點？」
C：「我哋去渡蜜月吖！」
Cindy嘅idea永遠都係咁新奇，我同佢由一開始嘅患難情人，變成SP，變成瞞來瞞去嘅地下情，變成空檔PTGF，變成老夫老妻，先到女朋友，最後竟然係渡蜜月…真係所有可能嘅組合都試過晒。
我：「好呀！咁我哋去次最開心嘅honeymoon，Cindy妳想去邊呀？」


C：「香港同美國嘅中間喺邊呀？」
我：「日本？」
C：「其實歐洲都喺中間嘅，不過我想去日本多啲。」
我：「咁我而家買機票啦！就去足一個月，好唔好呀？學校係咪無嘢搞㗎喇？」
C：「有乜嘢搞都唔會比得上蜜月緊要啦！」
就係咁，我嗰晚就買咗張七月中到八月中嘅東京來回機票畀Cindy，而我就係單程機票，至於張美國機票就去到日本先再算。
咁呢個旅程呢，九洲就無份喇，因為有太多特別記憶喺嗰度；而又由於我哋基本上無預算限制，所以係去得好free；多口講句，唔好諗住我有隻App就使到好似富二代咁，我平時啲收入係夠cover晒所有生活費，旅行都係應使得使，Cindy都一直有兼職補習無變成敗家公主病。
第一站去咗北海道富良野睇薰衣草花田，然後玩返落嚟，札幌…函館…青森…仙台食牛舌…新潟嘅白飯…鎌倉游水…箱根溫泉…富士山…名古屋鰻魚飯…三重嘅伊勢龍蝦松阪牛志摩公園…奈良嘅傻kai kai鹿…京都文化遺產…唔好以為一個月好長，咁樣玩法真係咋一聲話咁快就完，眨眼間就要由大阪搭新幹線返東京；當然整個旅程係好開心，開心到非筆墨所能形容，所以就慳返啲字數好過。
一對快將分手嘅蜜月情侶最後一擊喺秋葉原夾公仔，影貼紙相；明明五年幾之間我哋影過嘅相都係寥寥可數，但呢晚我哋就喺度瘋狂咁入銀，喺快門前面不停攬攬惜惜，好似點都唔夠喉咁；之後我哋就求祈搵啲街機對打，就好似…返返去佢變成透明嗰陣，佢好驚又乜都做唔到邊度都去唔到，唯一嘅娛樂就係等我放學買飯返嚟畀佢然之後著住件飛釘PE衫同我一齊打機；我好想知如果我無隻App死命追佢嘅結果會係點，有無一個平行世界嘅我可以答我，係咪會好快分手？
C：「哈哈，今次同你嚟度蜜月擦新咗我一個紀錄。」打完機我哋去便利店買宵夜食。
我：「係乜嘢紀錄呀？」
C：「就係識咗你之後第一次成個月無食過芝麻八爪魚…諗極都唔明咁好嘅嘢日本做乜唔引入。」
我：「但我哋中間都有時幾個月無見，係咪個個男人都會買畀妳食㗎？」
C：「梗係唔係啦！我唔搵你偷食，都可以偷食八爪魚㗎嘛，咁你又有無同第二條女食呀？」
我：「咁又真係無喎…點解妳咁鍾意食嘅？」


C：「其實我唔係由細就鍾意㗎。」
我：「咁幾時開始鍾意食？」
C：「咪就係嗰時睇住Stella喺度食，覺得同佢爭食加埋搵你笨好好玩…點知原來背後有咁多嘢…」
我：「Cindy妳係咪語帶雙關…」
C：「可能我以後都要戒食呢樣嘢。」
我真係唔識點回應佢，其實我又何嘗唔係好唔捨得妳；但，如果我唔做呢件事，我驚我會後悔一世，就算我唔知結果係點我都要試咗先，因為呢個世界實在對我太好，啲歷史都唔跟正常邏輯行嘅，試問比我揀多次，我點敢唔將Cindy變透明。
返到酒店食完嘢，呢晚係我哋最後一晚留喺東京，即係話…
C：「係咪…最後一次喇？」
我：「命運嘅嘢，無人會知。」
雖然呢一個月我哋都唔係日日做愛，但因為佢食咗藥嘅關係，每一次都可以好放心射晒入去，呢種感覺真係好舒服，好溫暖。
呢種熟悉嘅體感，溫軟濕嫩，細緻嘅密合度，可能以後都唔會再有，我合上眼精，回憶起以前一幕又一幕，由我開佢locker嗦佢PE褲…驚佢自殺而喺個廳喊咗出嚟…佢同Stella一齊入嚟溫泉房…惡攪到琋玟同我打茄輪，我哋關係一早就唔係普通情侶可以比較；做愛其實每一次都大同小異，只不過有時係家常便飯，有時就會氣氛濃厚，但性生活以外嘅情感早就喺生活上嘅各種點滴刻骨銘心。
我：「Cindy，我愛妳，永遠愛妳！」
C：「嗯嗯…咁就好…嗯。」
性慾已經一早唔重要，我只係想再一次用身體去感受眼前呢位女性。
C：「同你講吖…直到而家…呀呀呀…你…重係…嗯啊…唯一一個中出過我…嘅男人…吖吖吖！」


Cindy第一次同我表達心跡時就講過呢件事，而上咗大學之後佢都話同親男朋友做愛都會戴套，重開玩笑話如果大咗肚就唔理三七廿一搵我埋單，表面睇落佢同男人關係可以好混亂，但呢啲細節位佢竟然做得比Stella更極端，我都唔識形容，而家喺佢口講出嚟，更加要珍惜呢一刻。
C：「不過可能…聽日之後就唔再係…」
我每一下都全出全入，務求對佢陰道做成最大嘅磨擦，同平時唔同，因為思緒百感交集所以無咁易射精，而乜嘢體位玩法嗰啲已經唔再重要，因為佢身心已經完全攤開喺你面前，你係無辦法令一張鋪平咗嘅白紙再增加表面積；Cindy佢將大髀擘到大一大鉗住我，但又可以保持性器官抽插嘅距離，我哋四隻手二十指緊緊扣住，任由我身體嘅重量壓喺佢身上，兩張嘴盡最後嘅努力喺對方嘅口腔入面尋找最後一絲溫柔，下半身以最高同步率共嗚震動…
幾優美嘅樂章都有完結嘅一剎，就用呢一束精液成為我哋嘅休止符吧。
C：「嗯嗯嗯嗯嗯…嗯啊啊嗯。」
比起平時嘅高潮尖叫，呢一刻嘅佢似係用心感受我嘅體液入侵自己嘅身體多啲，Cindy呢一刻真係好靚，唔係因為天生麗質識打扮嘅港女，而係佢全心投入去成為我嘅女人。
C：「邊有人一路射精一路喊㗎…」
我：「因為開心吖嘛。」
如果無Cindy，就唔會有而家嘅我，可能同Stella嘅關係都會一早終結。
C：「哎，我同你講呀，你要好似愛我咁去愛Stella㗎！」
我：「做乜突然…」
C：「如果你對佢唔好，傷害佢，我會飛過嚟美國手刃你㗎。」
我：「你知我係點㗎…」
C：「你試下再出軌吖！試下再搵新女人吖！Stella唔係好似我咁忍得㗎，到時佢保你我都會處理你。」
我：「我唔會再俾呢件事發生，由而家開始我要控制返自己嘅歷史。」


C：「可以同你相愛，係我呢一生最幸福嘅事。」
我由得條嘢繼續插喺佢入面，攬住佢反轉將佢抱去上面，等佢好似貓仔咁瞓喺我身上，直到唔知幾時瞓著咗。
第二日Cindy係搭晏機走，而我就搭夜機，中午喺秋葉原食埋飯就去成田機場，今次真係名乎其實嘅佢唔送我機而係我送佢機，而且可以入埋禁區送到去登機橋，你話幾高難度吖…
我：「Cindy妳會唔會有遺憾？」
C：「喺人生入面，尤其係戀愛，你永遠唔知自己嘅opportunity cost有幾高，就算呢一刻你攬住好多嘢喺手，都未必計得出佢哋嘅NPV。」
Cindy日日喺我屋企溫書，我當然明佢講緊乜，正如我都唔知今次去美國會發生乜事，只不過既然自己決定咗，就要尊重，即謂之自尊，至於實際會點？Who knows？認為自己唔會後悔就夠。
C：「對於我嚟講，可以自由自在，同你由頭到尾都開開心心，已經好足夠，至少唔使同你鬧架嗌分手。」
我：「妳真係好睇得開…」
C：「因為我唔係沙丘之女囉。」
我：「又喺呢本嘢，我睇咗十頁都重係講緊啲沙係點樣流嚟流去我就頂唔順，都未知個女係點…」
C：「沙呢，有形有實，但你控制唔到，無論你點潷佢都會以佢固定形態出現喺你眼前，就好似我哋嘅歷史，感情一樣。」
我：「嗯嗯。」我後悔點解唔睇埋佢。
C：「Icarius佢被迫做沙丘之女，搞到你好似變咗隻蟲仔咁堆沙…」
我：「嗯嗯。」我懷疑緊佢係讀哲學定商科。
C：「Stella佢就係天生嘅沙丘之女，命運已經決定咗佢呢一生要同沙搏鬥…」


我：「咁係一件好事定壞事？」
C：「你咁認真做乜？我鳩吹㗎咋喎…」
我：「係咩…咁妳呢方面真係高手吖嘛…」
C：「不過呢，命中注定沙丘之女一定係最好嘅女人。」
我：「但妳唔係沙丘之女…」
C：「乜你覺得我好好咩？」
我：「以前唔覺㗎，但一直以嚟妳都對我咁好。」
C：「放心，我對自己都好好。」
Cindy喺佢電話度播咗一首歌，係我年半前聽過嘅『最佳位置』，喺我心中呢首歌嘅出處係《自修室…蘭桂坊》，不過而家我只覺得Shirley係一個死港女，而JoJo就係一個扮晒嘢享受愛情毒藥嘅肥妹，所謂嘅女神，算吧啦！
不過，可能佢哋曾經都唔係咁嘅…
C：「或者…我已經揀咗最好嘅一條歷史，最好嘅一個位置畀自己。」
就係咁，我哋兩個坐喺登機橋隔籬loop住首歌，佢挨住我膊頭，直到啲乘客一個一個咁上橋，剩返我同佢無得再唔起身。
我同Cindy深情咁擁抱，再嚟個日式濕吻。
空姐：「咳，唔好意思兩位，雖然你哋真係好恩愛，但請問小姐妳上唔上機呢？」
廉航有樣好，啲空姐港女味濃郁到呢…無論你身處地球嘅任何一個角落，只要你見到佢哋就乜嘢粟米肉粒飯，豆腐火腩飯，雲吞麪都不值一提，簡直係香港嘅可移動物質文化遺產。
C：「乜嘢恩愛呀？我同佢分手喇！」
Cindy一路講一路攤開本passport喺佢前面，個空姐O咗嘴唔識反應，好似連本證都唔識車咁。
空姐：「咁…可惜呀…」
C：「雖然係咁，妳唔好打佢主意呀下！」
空姐：「小姐妳唔好講笑啦，我要同妳一齊上機起飛㗎…」佢竟然認真答佢…
C：「佢衰人嚟㗎！最叻中出即飛，妳係咪想試下飛吖？我畀佢contact妳…」
睇住佢一路上橋一路亂噏廿四都唔知好嬲定好笑，不過Cindy妳可以放心，我一定唔會再犯呢啲錯誤。
睇住架A320斷橋，轉三次彎去到好遠嘅角落，喺跑道前停一停，再加速慢慢離開地面，直至沒入雲層，送機嘅最高境界。
無論身處何地，我係香港人，我愛死港女，我愛妳，Cindy。
Cindy四點機，而我係十點幾機，好搞笑，即係佢飛到返香港我先起飛…我要喺禁區做乜好？
去lounge？行dutyfree？食嘢？
結果我攤喺原位發咗四粒幾鐘白日夢。
C：『喂，我落咗機喇，低B仔。』
我：『嗯，咁就好，我重有粒幾鐘起飛。』
C：『食咗嘢未呀你，我都肚餓喇。』
我：『未呀…』
C：『你唔係失戀傷心到絕食呀？XD』
我：『唔係，唔記得啫，咁妳呢？』
C：『好攰呀，我要返『我』屋企先，返到去煮麪囉。：P』
我：『嗯，我求祈去食個拉麪，妳上車就抖下啦。』佢如無意外都係搭返嗰架機場巴士，我開咗個巴士App real time mon住佢去到邊，數碼年代，呢個世界就係這麼遠那麼近。
我：「喂，Cindy？」
C：「做乜呀？」
我：「驚妳瞓過龍唔記得落車咋。」
C：「你當我細路女呀…」
我：「咁我等起飛得閒得滯吖嘛。」
C：「低B仔。」
我：「呀，臨走前雪櫃可能清得唔夠乾淨，妳睇睇有乜變咗就好揼喇。」
C：「使你講咩！我自己驚過你啦。」
我：「呀，妳要落車喇！」
C：「你個死變態唔好咁樣跟蹤我得唔得？」
我：「其實我可以遙距將妳變透明添㗎，屋企同周圍成日去嘅地方我都mark好晒坐標。」
C：「無聊，低B仔，行緊返去喇，無嘢講我收線，無咁多隻手。」
我：「應該有人送貨喺門口，妳幫我睇睇吖…呀！我要上機喇，bye！」
C：「喂！…」
終於，我都踏上前往美國的夜機。
C：『屌你！都唔係friend嚟嘅！話明要戒毒，你買乜鬼芝麻八爪魚呀？』
我無覆到佢，轉做飛行模式，呢個世界已經行得太快，太多嘢方便到嚇死人，最緊要間拉麪鋪重肯做埋我張單…

邁向四十萬字，重有幾多人睇緊？