【120k最後釋出】科學禁書目錄——索引上的女孩們（完）: Stella的自爆

呢間嘢除咗平重有乜好呢？就係有單人房，單人房真係得一間房仔加一張地鋪瞓覺，就連廁所電視機都係無嘅，平時通常會free畀啲日歸旅客擺嘢換衫坐低抖下，價格重實惠過市區，但我加咗兩食之後就變咗九百幾蚊…其實我都唔明，我自己一個偷偷住大套房都得，但同佢哋一齊之後就即刻窮撚上身，不過無所謂啦，我對呢啲都無乜太大要求，佢哋玩得開心安心就得。
入房前經理用啲三不像日英華語同我哋介紹下，邊度係餐廳，幾點開飯，邊度係浴場，同埋就係要去draw浴衣。
Y：「竟然重有顏色揀！」粉紅…粉藍…粉綠…
我：「男仔無，得深藍，我唔使煩。」
C：「我哋係咪要同一隻顏色？」
S：「但未必有隻色我哋都鍾意喎，好歹要影相。」
C：「如果唔同色一齊影相係咪會好怪？」
Y：「但全部一隻色係咪好悶？不如好似戰隊咁跟返性格揀顏色。」
C：「但戰隊女仔全部粉紅㗎喎。」
嗯，望住佢哋，我開始明白唔同人去旅行有完全唔同嘅意義係真嘅。


E：「你幫我睇住佢哋，我去浸溫泉抖下先。」
我：「如果妳暈嘅話唔好浸咁耐，小心反效果。」
E：「得喇，我有分數。」
佢哋入到房，成班好開心，好歹都係第一次住日式傳統旅館，入面有一大塊原木做茶几，上面有茶具，出面有個露台加兩張木凳，連叮噹嗰塊入牆櫃紙門都玩一餐。
到最後經理帶我去單人房，咁大反差就連佢都有啲唔好意思嘅笑容，可能覺得我哋咁樣好怪掛，畢竟佢哋啲房其實加錢就可以住多個人，但又其實開間單人房同加床位一樣價…
佢哋入到房就係咁互相打卡，其實咁就最好，我幾驚佢哋一嚟到就即刻要搵地方玩。
Y：「你做乜一啲都唔興奮嘅？」
我：「呢啲嘢我做準備功夫嗰陣已經乜都睇過晒，所以…我都係繼續睇下附近有乜地方去。」
S：「喂，你喺度阻住晒我哋點換浴衣影？」
我：「咁快換？妳唔出去喇？等夜晚無嘢好做先慢慢影都得啦。」


Y：「不如我哋都去快浸個溫泉先？嘻嘻，Stella，我又要揸妳大波波！」
S：「妳兩個變態…妳睇下Miss佢都怕咗妳哋所以自己一個竄咗入去先。」
C：「呢度重有個人㗎，不過佢好似已經化咗…」
Y：「好啦，咁我哋而家去啦，順便非禮下Miss，留低佢喺度幻想下女浴場嘅美景啦。」
美景？係嘅，我差啲唔記得我其實可以用時停入去慢慢睇佢哋浸，不過佢哋有邊忽肉未俾我睇過？要睇不如睇其他人好過，但望落呢度都唔多後生女，好多都係歐巴桑。如果用透明睇會點呢？嗯，入面周地水又咁多煙，隨時俾人發現，真係刺激到隨時有生命危險。但又，真係有一日要面對面睇住佢哋裸體嘅話，感覺應該會喺地獄多啲…如果Stella同Cindy呢個組合有無可能呢？Stella只要我開口佢應該點都會配合，但問題係點同Cindy講…呢啲嘢點諗都係惡夢嚟。
趁佢哋行開咗我都係去做下『正經嘢』先，難得呢度都重有facilities去等我服侍下佢哋。
佢哋快浸完之後時間四點到，難得嚟到雲仙天草国家公園，得一日時間梗係玩得就玩啦，酒店外除咗有自然美景之外，重有一間地理遊客館，一間玻璃工藝館，一間懷舊玩具屋，行多一次幾個地獄之後就去地獄茶座坐下。
我：「妳哋真係要喺度食溫泉蛋？今晚同聽朝早餐都有㗎喎，任食添。」
C：「點同呢，呢度睇住佢哋吊啲蛋落去浸。」
Y：「呢度重有好多貓貓陪我哋玩。」


四個女仔烏低身同啲貓貓玩，我嘅重點當然唔係啲貓啦，明明成日都有得睇，但咁樣一班人可以䚎下佢哋心口唔知點解我又覺得好過癮，好似做緊壞事咁。當然，我最大嘅作用都係仍然幫佢哋打卡。
返到酒店之後去咗大露台hea陣，望住個山中湖睇日落，然之後就返房換浴衣準備食晚飯。
我：『Stella，我想約妳今晚十一點鐘。』
S：『約我？淨係我？』
我：『嗯，得唔得呀？』
S：『我實OK㗎，但問題係Cindy喺度喎。』
我：『呢層我諗過，大約到十一點鐘我WhatsApp call炸妳，妳扮喺阿偉打嚟，然之後要出去酒店露台同佢鬧架，咁就可以行開。』
S：『都…無話唔得嘅，但我同得你哋嚟，其實真係無乜要求，你可以唔使冒險同我一齊，你有心機不如擺落佢兩個度啦，我知你處境。』
我：『其實我預咗佢哋㗎喇…』
S：『…』
我：『唔好唔開心啦…』
S：『無唔開心，你小心出事我救你唔到。』
我：『嗯，到妳消失得咁上下我會搵Cindy，等佢唔記得妳存在嘅時候返返房就得。』
S：『你諗得真係周到。』
我：『希望啦。』


到咗食飯時間，我哋一行人嚟到宴會廳，呢度啲setting真係好傳統，係無腳椅席地而坐咁，長方型枱每邊有三個位，佢哋就好自然咁跟返分房咁坐，但問題係…我…應該坐邊一邊好？
S：「你做乜企咗喺度呀？」
我：「無…呀…」
C：「你諗緊坐邊邊好啲？」
S：「睇你想坐靚女隔籬食定望住靚女食。」
我：「邊係呢…兩邊都係靚女…我諗緊坐邊邊唔會畀人偷嘢食。」
C：「哦，原來係咁，唔使諗，等我安排啦。」
Cindy向側邊褪開咗一個位，留咗中間個位出嚟而且叫我坐落去。
我：「吓，點解係咁樣？」
C：「你坐中間先容易畀人偷嘢食，而且你要幫我食魚。」
我：「吓？妳唔食魚，咁妳食鰻魚飯咁開心？」
C：「我係唔食燒鯖魚，白魚刺身呢啲。」
Y：「呀，我唔食醃菜。」
E：「咁你幫我食白飯啦。」
S：「如果有牛肉你畀我就得。」


其實，點解妳哋要咁對我？
不過坐喺呢度其實都算係一種享受，左邊係粉藍浴衣大波Stella，右邊係粉紅浴衣港女Cindy，左對面係粉綠浴衣脫線YYM，右對面係粉藍浴衣墮落先生Erica…浴衣下面唔知係啲乜呢？不過睇到佢哋領入面都係肉嚟，斷估佢哋唔會喺浴衣入面著衫咁大煞風景。
日本呢啲傳統宴會廳，按道理係預你正坐的，不過今時今日就算日本人都無幾多可以跪足成餐飯，除咗少數被特訓嘅女人之外…我隔籬兩個當然坐到成坺嘢咁，浴衣個尾越褪越高連個膝頭都露埋出嚟，頂住我大髀；郁得多就連件衫都鬆埋，領口條罅越嚟越闊，開始睇到個北半球，尤其係Stella本身都撐起咗件衫。
食物本身係將價就貨嘅，但人哋做樣都會做到足，湯，前菜，蒸蛋，壽司，燒魚，天婦羅，牛肉鍋，蕎麥麵，杏仁布甸…可以話係釣勝於魚，睇重好過食。
C：「喂，條魚係你㗎。」
我：「唔好咁啦。」
C：「快啲擘大口！」
我：「吓？咁玩法！」
唔知搞乜鬼Cindy佢奇奇怪怪咁帶住詭異嘅笑容，夾住塊魚喂落我個口度。
C：「你敢唔食！」
Y：「嘩，有人喂你真係開心。」
E：「我乜都睇唔到。」
食…我食…但妳哋搞乜鬼，而Stella就乜表情都無。
Y：「可能Cindy悶得滯要搵個男人消遣下，你就犧牲一下獻身啦。」
S：「咁唔該你獻身前影分身多一半出嚟先，我都想有人俾我糟騭下。」


Y：「妳哋兩個爭仔玩呀？」
C：「都好，玩到佢以後見到女人都驚。」
我…係咪做錯咗啲乜？佢兩個真係古靈精怪，最後重瓜分食埋我個杏仁豆腐。
食完飯各自返房好安靜，WhatsApp完全無人搵我，都唔知係好事定壞事，其實係咪Stella同Cindy兩個喺度鬥嘴耍脾氣？我知佢兩個本身就係完全唔同嘅女仔，一齊坐只係先生嘅安排，喺自修室熟咗都係完全因為我…但佢兩個明明呢半年都相處得好好，而且Stella又知道我同佢啲嘢，照道理唔會特別搞啲麻煩嘢出嚟。
到咗十點九，我都係要開始做我嘅正經嘢。
我：『Stella，我喺貸切溫泉一號室入面等妳，過五分鐘我就WhatsApp call妳。』
雖然呢度係經濟型旅館，不過都重有呢樣嘢提供，喺大浴場隔籬set咗兩間房喺度，一間係檜木桶，一間係滑石，畀人預約租用方便一家人浸，雖然算唔上啲乜豪華嘢，但有總好過無，尤其係對我嚟講；可能因為安全關係，道趟門係無得鎖嘅，只可以反轉出面「使用中」個牌；但，喺日本我相信絕對唔會有人無端端打開道門，所以就算我同Stella喺度做愛都應該安全，睇佢想唔想啦。
我WhatsApp call咗佢三次，響兩下就cut咗線，希望佢OK可以順利脫出啦。
點知到咗十點零五分都重未見人，唔通…Cindy留佢喺度counsel佢唔俾佢搵阿偉鬧架？不過，我都控制唔到，如果過一陣都唔見人我可以改為約Cindy過嚟，本身下一個time slot都係留咗畀佢。
「咔嚓。」
我：「嗯，Stella…吓！Cin…！點…」
呢一切都係由食飯前睇完日落開始發生。
我_________是_________分_________隔_________線
C：「Stella，張介紹單張話呢度原來有貸切溫泉，不如我哋兩個去浸咯。」
我：「咪又係溫泉，有乜特別喎…呢啲唔係專畀啲情侶喺入面做壞事嘅咩…」


我心諗妳咪自己偷偷哋約Issac去囉，點解係問我，唔通係為咗方便啲非禮我？
C：「個木桶好靚喎，而且平時都無機會影相，妳可以幫我影返幾張溫泉相第時用嚟溝仔。」
唔通…你兩個已經偷偷哋扑到厭咗？
我：「但係預約呢啲好麻煩喎。」
C：「呀，妳陪我一齊去reception度問吖。」
我：「點解…要我去喎…」
C：「妳英文好啲吖嘛。」
我：「人哋都唔係講英文嘅…」
去到前台，我哋show咗匙卡同張單張畀個姐姐睇，佢check咗一陣之後就一臉茫然咁，攞咗個預約表出嚟畀我哋睇，就算唔明佢講乜都知有阻滯。
C：「佢講乜呀？」
S：「應該係話一間房只可以約一個時段，而我哋已經用咗。」
C：「吓！有乜可能？」
S：「咁妳睇下有無囉。」
C：「咦！真係有喎！我哋房號係今晚十一點，妳睇下，下一格已經填埋YYM間房號…」
S：「即係…已經無晒quota。」
C：「係邊個約咗？」
S：「唔係我。」
C：「Miss？」
S：「佢就算約應該都唔會用埋我哋間房…」
C：「咁兇手即係？」
S：「的確啲酒店訂單喺晒佢度。」
C：「點解佢要咁做？」
S：「點知佢，可能太鍾意浸溫泉掛。」
C：「無理由，我唔信，一定有古怪！佢會唔會約咗女一齊浸？」
S：「妳望住我做乜？呢度得四個女人啫，點睇佢都唔會喺呢度溝到女呀…其實係咪妳同佢有路，佢預約嚟同妳一齊呀…」
C：「無囉…我同佢無嘢㗎，就算我哋係有少少路，我都未至於會同佢兩個一齊浸溫泉啦。」
唉，妳真係唔解釋好過解釋，少少路係咪即係要安全期先可以中出咁解？
C：「嘻嘻，你好嘢呀，十一點，我睇你搞邊科，今次重唔俾我捉到你。」
我心諗，佢應該跟住都係約妳或者YYM嘅啫，妳而家講到咁興奮，到時妳點消失喎…迫我扮瞓著嘅啫。
我：「就算…佢約咗YYM…都無乜嘢啫，不如唔好理佢啦。」
C：「就算無乜嘢，都得過知字，之後嚇下佢哋都好。」
妳係咪真係無嘢㗎…我真係有啲擔心，到時如果睇住佢兩個一齊入去都唔知點算好。
C：「一陣食飽飯我哋就去實地考察，睇下邊個位可以監視到佢嘅一舉一動。」
點知呢個時候個天才就嚟WhatsApp我…
我…唔理喇…唔通而家叫你快啲改約Cindy咩；無嘢搵嘢嚟搞，唔識點救你呀。
食飯嗰陣Cindy已經好似準備審犯咁，Issac當然唔知道眼前有乜事發生…
飯後Cindy捉咗我去溫泉嗰層，喺走廊度搵咗個轉角位可以睇到貸切溫泉個門口，佢好似真係女特務上身咁興奮，我都唔知點制止佢好。
十一點未夠Cindy就捉埋我去做偵察任務，重睇住上一個time slot位客人離開一號房。
過咗幾分鐘我哋就見到Issac自己一個人入左去。
我：「都成十分鐘，可能佢真係想自己一個浸呢，不如我哋返去。」
C：「唔信，有乜可能自己一條友浸兩粒鐘，打J都打到腎虧啦。」
其實我一早就預計咗頭一個鐘係我，尾一個鐘係Cindy或者YYM；我估多數係Cindy，因為如果我去咗鬧架Cindy一個就會悶，佢就可以順理成章再約Cindy，然後我自己返房。
我：「就算有人搵佢都係YYM啫，唔通Miss咩，佢哋鍾意玩地下情咪由得佢囉。」
C：「所以我哋咪要喺度等囉。」
我：「等到幾時？」
C：「起碼一個鐘啦。」
Cindy妳都同N個男人玩過啦，乜呢個傻仔真係值得妳企喺度為佢嘥時間咩？
我：「其實妳咁上心做乜，妳真係同佢有嘢？」
C：「無…咁朋友，關心下啫。」
我：「咁不如我哋直接入去問佢咯？」
C：「吓？妳講真㗎？」
我：「都無乜特別啫，唔通妳驚？」
C：「咁樣好似唔係幾好意思喎。」
我：「佢入嚟睇我哋浸就話啫，調返轉佢都無我哋符啦。」老江湖扮矜持，真係服咗佢。
C：「咁…咁而家…我哋開門入去？」
我：「嗯。」
「咔嚓。」
I：「Stella…吓！Cin…！點…」
我：「你攞起部電話做乜呀？唔係諗住報警呀？」
放棄啦，你都係時停666年離開塵世算啦。
我_________是_________分_________隔_________線
我：「妳…妳哋？」
C：「快啲講，你喺度搞乜鬼。」
我：「邊…邊有…搞乜鬼…妳哋搞乜鬼…」
點知呢個時候Stella佢鬆開咗浴衣條腰帶，成套浴衣即刻跌咗落地，再伸手勾開埋自己個Bra…我同Cindy兩個都完全呆咗…呢個時候佢就除埋自己條底褲。
S：「望住我做乜，妳又唔係未睇過。」