穿上快餐店制服會招置不幸

某夜凌晨---

一名女生下班經過一條夜闌人靜的小巷...

「唔~天空不似...唔唔唔,唔好」

女生慢慢失去知覺...

女生到朝早才醒來,發現自己的粉藍色內褲竟然被替換成傳統阿婆內褲...下陰還陰陰作痛





她含淚之下到差館報警...

「差人,我比人...我比人...」

「你唔好喊,慢慢講清楚」

「我...我...」

女生吞吞吐吐之間,將整件事哭訴出來





「咁你見唔見到佢個樣呀?」

「見唔到...佢撲埋黎掩住我塊面,見佢唔到...」

女生落過口供之後便到醫院驗傷,證實有被人侵犯過

原來,這宗已經是近期第十宗強姦案...總區重案組決定將這十單case劃一調查

總區重案組---





「錢sir,最新一宗case既受害人係佢...李加瑩」

「好明顯,呢一連串強姦案係由同一個犯做...呢個犯目無法紀,我一定要拉左佢!」

錢頌康,是今次故事的主角,今年27歲,總區重案組高級督察,有車有樓乃一名成功人士

20歲做pc仔時,已經幫手破了幾單大案,幾年間連升幾位,升至現時這個位置

但對著這單案,佢可以說是一籌莫展...

「點解會咁,呢單案點會咁難查...」

每一日的調查,每一日的一無所獲,痛苦的頌康已經無話可說...

查了超過一個月,佢每日只能有一刻的慰藉...那就是和他的女友曉翠共進晚飯...





但是今日...

「阿康,點樣?仲係諗唔到?唔可以比個衰人消遙法外架」

「我食飯一向唔想講工事,阿翠你知架」

「sorry」

這頓飯,頌康吃得很不高興,他送了曉翠回去之後...便回家睡覺

而這晚,佢又發著同一個夢...這個夢,佢已經發了二十幾年

~~~





「唔好捉我呀,我唔敢再偷夾棉花糖啦」

「好夾唔夾,專夾我呢間鋪啲棉花糖?我打死你」

「唔好呀!」

~~~

夢每次發到這裏,頌康也會驚醒...

每當他發了這個夢,他也會想起母親,關於母親既野...他真的不知道太多...

因為他母親在他4歲那年就離開了他

但唯獨有一件與母親的往事,他卻記得很清楚...





就在他3歲那年...

##
「康仔,康仔...快啲過黎啦」

「媽媽,你...」

「你睇下我買左啲咩比你?係恐龍樂園先有既綿花糖呀」

「媽媽,媽媽...點解你件衫爛晒既,你會唔會凍親架?」

「無事無事...食野啦,呢啲綿花糖一大紥好好食...」

「嗯」





「好唔好食呀?」

「好食!」
##

當年只得3歲的頌康根本不知道發生了何事...其實...

佢母親在買綿花糖那時,已經被綿花糖師傳姦污...

雖然頌康當時是有懷疑過...但年幼無知,母親說甚麼他也全部盡信...

其實...她一直受到好大委屈,她覺得自己的身體已經不乾淨,她覺得自己對不起頌康父親...

忍著傷痛幾乎一年...頌康媽媽終於抵受不了,佢選擇了在頌康人生之中其中一個大日子,離開了他

就在他4歲,幼稚園中班,取成績表當天

~~
「爸爸,媽媽,你地睇下,我今年考第一呀,叻唔叻?」

「好叻呀康仔...」

「你地話過,我考第一,你地就會請我去食麥當當架喎」

「好呀我地一齊去」

其實...頌康幼時身體一直不是太好,到麥當當吃快餐對頌康來說的確不太有益...

但他母親仍決定滿足頌康的願望,及履行自己對兒子最後的承諾

頌康一家到了幼稚園附近的一間M記

頌康父親買了一個漢堡包和一包細薯條給頌康...

「好唔好食?」

「好食呀,多謝你地呀爸爸媽媽」

「老公,我想去一去廁所」

「我陪你去啦」

「我自己得啦」

就是這樣,頌康母親走出M記,而頌康卻繼續快樂地吃他手上的漢堡包和薯條...

無多久後,商場傳來一聲巨響,途人紛紛尖叫...

頌康和他父親也走了出去看,發現有人跳樓,整地也是血...

更震驚的是倒在血泊之中的正正是頌康母親

「老婆!老婆」

頌康老豆看見這樣的情形,立即帶同兒子,衝往地下...

「老婆,老婆你做乜咁傻呀?報警呀,快啲報警!」

「爸爸,媽媽咩事呀?點解佢個身咁多茄汁既?」

面對頌康的純真,爸爸無言以對...

那間M記位於商場5樓,在那樣的高度跌下來,頌康媽媽恐怕凶多吉少,最終也是返魂無術...

警方則在她身上找到一封遺書,他父親看過之後,心情可以說是晴天霹靂

「老婆,有咩唔掂咪傾到掂囉,做咩咁傻先得架」
~~

自這天之後,頌康就沒了母親,隨住年月的增長,他知道媽媽的離去,是死,而不是爸爸之後敷衍他所說去了旅行...

頌康面對這件事,非常堅強,最終努力讀書,有出頭之日,做左高級督察

夢醒之後,已經差不多夠鐘工作,他回到差館之後,循例問一問警局的伙記

「無新受害人啦?」

「暫時無」

「你好想有咩?快啲做野啦」

這天的調查照舊沒有進展...到了放工時間,他女友曉翠致電給他

「阿康,我轉左份新工呀,我轉左去做...」

頌康聽到曉翠轉工之後,十分激動,並馬上CUT線,連飯也不和她吃

翌日---
頌康回到警局,看見伙記議論紛紛,但他們的眼神都是望著他的...

進入總區重案組範圍,佢看見同事走來走去,便隨意問了一個探員

「發生左咩事?你地咁忙既?」

「哦,又多一單CASE啦,今次係第十一個,受害人叫郭曉翠」

另一個探員即時拍拍他頭

「喂,你傻左呀?佢係錢SIR呀」

「錢SIR,唔好意思...」

頌康一聲未發,跪在地上不停痛哭

哭了幾分鐘後,他大聲地說了一句

「阿翠!!!!!!!!!!我一定要拉你條仆街!」

時間過得很快,案件已經足足查了兩個月,頌康依然未捉到兇手,而受害人已經增加至16個...

頌康覺得自己很失敗...但他仍然繼續努力...

努力查案,努力希望平伏曉翠的心情

很快又一個月

頌康還是毫無頭緒,曉翠還是面目無光,呆呆滯滯

頌康覺得身心俱疲...同時,受害人名單已經增加到20個

他希望休息一下

但下班之後他竟然不是回家,而是去了一個工地...

工地裏,有一個隱蔽的地下室,裏面竟然收藏著一個人體標本

頌康走入地下室,望著標本冷冷一笑

再走近些,原來裝著人體標本的玻璃缸,貼著一張卡片

寫著:麥(兩隻字畫花了)店鋪經理　李翔發

頌康在這刻再沒冷笑,他步出地下室,召了一部的士

頌康頭也不回,然後上了那部的士,拿了一本書藉出來

原來,這本是他母親的日記...佢選了其中幾篇來讀

**
1988年5月7日 陰天

康仔終於食到恐龍樂園既綿花糖,我真係好開心
**

**
1988年7月3日 陰天

健威,我對你唔住...我始終面對唔到自己,我無面見你
**

**
1989年6月5日 陰天

原來果個人叫李翔發,不過已經唔緊要啦,我決定左,會離開你地...
**

頌康讀到這處,眼淚不停地流...

而日記在這天之後就空白一片,再沒有寫過一隻字

「哥仔,你無野呀嘛?」

「無事,我無事」

「無事就最好喇,男人老狗流馬淚」

「無啦,一切係咁落去就得啦」

之後頌康重新振作,繼續查案,時間亦慢慢流逝,半年之後...

頌康仍然是高級督察,每一天也埋頭苦幹查案

""
報紙要聞:連環強姦案發生半年　淫魔仍消遙法外　今天再增一宗新案
""

頌康坐在自己的房間,喝一口咖啡,讀著這份報紙

回想起一開始調查這幾單強姦案時,下屬曾向佢提及過的一件事

~~
「錢sir,呢幾單案既受害者,都係喺連鎖快餐店做架」

「咁又點,呢個point對呢堆case無重要性,唔好再提」

「yes sir!」
~~

頌康望著這份報紙,不停地笑...沒有停過,嘴臉非常之恐怖...

而強姦案,仍然不停地發生下去...M,成了一個使人痛苦的字母

--完--