我鍾意咗我親生姐姐，但係佢已經有男朋友？！: 約會？！1

「你又想帶我去邊呀？」宜家係中午十二點，條街多人到死，但我就拉住佢去附近商場入面。

「唔該，我想問餐廳幾樓？」我禮貌咁問櫃檯職員。

我地去咗朗豪坊, 入面爆滿曬人，之後我哋上咗十樓，去咗一間食甜品嘅，「麻煩你兩位啊！」

呢間鋪頭係專食雪糕嘅，我特登帶家姐黎呢度。

「你做咩無端白事帶我食雪糕。」佢奇奇怪怪咁望住我，咁又難怪嘅，喺家姐扭親腳之前，我哋兩個基乎無交雜，打破僵局嘅就係「扭傷」呢件事。



「無啊，我見你咁熱咪帶你食雪糕解暑囉。」我笑意淫淫咁望住佢對濕曬嘅sports bra, 搞到佢少見地無聲出。

我突然之間請佢食嘢，令佢唔知應該比咩反應，喺侍應到之前，我哋都冇出聲。

「先生！你想要啲咩呢？」個侍應係個死靚仔嚟，染曬金毛咁，肯定係啲MK仔，平時周街周圍望女。我家姐咁靚，如果比佢溝咗，肯定唔使一秒比人溶咗。

「我要個黑色焦糖布甸雪糕...」

我望咗下家姐，再同個侍應講「跟住要多個士多啤梨綠茶雪糕啊。」



過程中家姐都係一粒聲冇出，淨係望住我。

隔咗十分鐘，佢主動開口「你又會知道我想食咩嘅？」

我同佢細細個一齊大，點會唔知佢口味啊，「咁你係我家姐嚟，我點會唔知你想食咩，更何況，我哋以前咁close, 你啲嘢我點會唔知。」

我嘗試主動進攻，希望可以攻破佢冰冷嘅絕對防禦。

「...」



「....」

「...」

「係咩？咩你都有留意我架咩。」佢有一刻避開左視線。

「點會冇啊，我一直都有留意你鍾意啲咩，係你唔知姐。」我乘勝追擊，繼續打開話題匣子。

「咁你同阿Paul係幾時識架？」我好小心咁將個話題轉移到重點核心，去到呢個關頭，如果講錯一句嘢就會前功盡廢。既然佢叫得我陪佢揀禮物比男朋友，咁我絕對有知情權，深入啲嘅嘢應該唔會有啲咩大不了。

「我同佢...」

同時間，我哋點嘅雪糕亦都啱啱好整好送到過嚟。