[愛情有甜]《當你識咗對雙胞胎》: 第二十四章
第二十四章
扮演「順恩」嘅順心，喺成個約會過程，都一直受到阿廣唔同嘅呵護。
由喺架車入面攬實護住、到過馬路時阿廣會伸手擋住、喺街上面比順心行入面，而自己就靠近啲馬路邊、開門總會讓比順心行先等等。
甚至喺蛋糕工作坊，阿廣都扮演住一個廿四孝男朋友嘅角色。
細心聆聽哂所有嘅指示，然後喺順心每次有困難時，都會出手相助。
而後來，當順心開始要打起啲奶油做cream嗰陣……
「我依家打起啲cream囉！」
順心喺眼角瞄一瞄側邊攪緊麵粉嘅阿廣。
接住就拎起個手動打蛋器準備攪拌個碗入面嘅奶油。
但呢個時候，阿廣突然就由順心身後伸手上前挨住佢背脊。
「唔！？」阿廣嘅呢個舉動，嚇到順心即刻擰轉頭望。
然而，阿廣已經貼住咗自己，並笑笑口咁講：「不如我哋一齊打啊！」
順心發現自己同阿廣塊臉距離超近，就立即擰翻頭過去。
並且成臉紅哂咁有啲口吃講：「吓……咁……咁樣……好咩？」
「你睇下隔離對情侶，個女仔直到坐咗喺個男仔大腿上面一齊整餅底。」
「咁……人哋有……有人哋嘅做法嘛……」
聽完阿廣咁講，順心都忍唔住瞄咗隔離檯一眼。
就如同阿廣所講，隔離對情侶真喺女上男下咁坐埋一齊喺到整蛋糕。
然而，當順心望住對情侶嘅坐姿，個腦都不自覺咁開始浮現出，當晚佢喺飯廳騎住阿廣打茄輪嘅畫面。
而且再加上阿廣依家喺後面挨住自己，逐漸都感覺到阿廣嘅胯下似乎有嘢開始頂向自己嘅屁股。
呢種從後面嚟嘅異物壓迫感，令到順心感到似曾相識。
曾經都喺佢身上，感受過類似嘅感覺……
「BB？」
「喺……喺！？」
但喺阿廣嘅一聲喊道下，就將順心由回憶拉翻番嚟。
「你唔喺打cream咩？」
「喺啊……我打架啦……」
回過神嘅順心喺講完之後，就有少少手忙咁捉實個打蛋器開始攪拌。
隨即阿廣都伸手捉住順心對手：「我幫你一齊打，咁樣無咁攰啊。」
順心無回應，只喺咬實雙唇咁點咗下頭。
但因為背向咗阿廣，所以對方都睇唔到此刻佢塊臉到底有幾紅。
而接下嚟嘅時間，可能受到隔離對痴身情侶嘅影響。
阿廣一見有機會，都會選擇同順心一齊整嘢，會捉住佢對手、會喺後面攬住佢等等。
後來，直到個糕底焗好，並喺二人合力下擠上cream，個蛋糕都正式完工。
「哇，終於整完！」
「好耶！BB我哋整完啦！」
阿廣順勢向順心張開雙手，而喺成功嘅喜悅下，順心都撲埋阿廣到互攬。
然而，順心都好快就發現自己竟然主動攬住咗阿廣。
所以下意識就想放開手並向後退。
但與此同時，阿廣已經緊緊咁攬住咗順心喺到歡呼。
順心抬頭望到阿廣呢個咁開心嘅表情，隨即都放棄咗放手嘅念頭。
轉而繼續攬住阿廣，並將頭挨到佢嘅胸口上，細細聲講：
「喺啊，我哋終於整完啦，我哋終於要……完啦。」
喺夜晚，當阿廣同順心都翻到嚟屋企樓下。
順心手上都拎住佢哋整完並食剩嘅蛋糕。
「等你家姐好翻少少，就可以比佢試下我哋嘅手勢！」
阿廣一邊笑笑口咁講，一邊伸手撳lift掣。
而順心無立即回應，只喺望住個lift門。
「嗯……可以比家、姐試下。」順心將「家姐」呢兩粒字刻意拖慢咗嚟講。
但阿廣似乎無覺得唔妥，所以就繼續講：「下次可以搵埋你家姐一齊去整。」
然而，順心只喺擰過頭望向阿廣。
並同時喺心入面講咗句：「其實你已經同佢家姐……我一齊整咗次蛋糕啦。」
「BB，做咩啦？」
阿廣見到順心望住自己，隨即都有啲好奇咁凝視翻住對方。
不過順心只喺微微笑咁搖咗兩下頭：「無嘢。」
同一時間，lift門都打開。
於是阿廣同順心就一齊走入架lift到。
接住當lift閂埋一刻，阿廣都再問：「你喺咪今晚翻過去陪你家姐？」
順心聽到阿廣嘅呢一問，好快都估到從中嘅含意。
如果喺順恩嘅話，當阿廣咁問，即喺想順恩喺阿廣屋企瞓。
而順恩過去過夜，就一定會同阿廣過得好親密、好激烈。
肯定會由門口搞到去廳，再由廳搞到入房，最後喺床上面纏綿一晚。
雖然個腦入面已經喺到重播緊同阿廣之前所有背德嘅肉體接觸。
但依家，佢並唔喺順恩，佢喺順心。
肉體上，相當渴望、難耐，好想再次比阿廣侵犯全身。
但理性上，卻警告自己，一定唔可以再發生。
所以喺內心掙扎咗一輪之後，順心接下落嚟都深呼吸咗一口。
然後就擰轉身望住咗阿廣幾秒，就再踏前一步將嘴唇貼向對方。
阿廣雖然錯愕咗一下，但佢好快都接受咗順心嘅呢一吻。
同今朝唔同，二人喺錫咗幾秒之後，就開始伸脷纏繞住對方柔軟嘅舌頭。
並隨住架lift上面螢幕顯示住嘅數字開始上升。
佢哋二人嘅舌頭交纏就變得越嚟越火熱。
順心更開始發出陣陣「嗯……唔……」嘅嬌喘。
於是雙方都進一步撫摸住對方嘅頭，不斷用舌頭攪拌對方嘅口腔。
並喺兩條脷互相交疊打轉嘅同時，不斷吸啜雙方口中嘅唾液。
直到架lift到達十一樓嘅一刻，入面都只有充滿住激情嘅吸吮聲。
當喺lift門打開嘅瞬間，順心同阿廣就同時將頭挨頭，離開對方嘅嘴唇。
而一條幼細嘅口水絲亦都同一時間從二人口中拉出。
接住佢兩個都抹一抹嘴邊屬於對方嘅口水，就一齊走出架lift。
並喺嚟到各自嘅屋企門口時，順心就耷低頭講咗聲：
「咁……再見啦……」
喺講出呢一句嘅時候，佢嘅內心亦都只有「遺憾」兩個字。
而阿廣就向順心行前一步，稍為撥開佢額前嘅瀏海。
「早抖啦，BB。」
隨後就向順心嘅額頭輕輕咁錫咗一啖。
順心只喺默默咁點咗下頭，然後就打開門走入屋。
直到閂門嘅一刻，仍然見到阿廣喺門外對住自己微笑。
「欲求」同「背德」兩種感覺，同時都由內心湧出。
於是順心喺除完鞋同擺低個袋之後，就嚟到順恩間房。
靜靜咁打開門，只喺見到順恩喺床上面熟睡緊。
於是順心就小心翼翼咁爬上床，並瞓喺到望住順恩熟睡嘅樣。
隨即就開始硬咽：「妹妹，對唔住……」