[愛情有甜]《當你識咗對雙胞胎》: 第二十一章

第二十一章
 
「我哋翻嚟啦！！！」
當喺門打開嘅瞬間，順恩同順心就異口同聲向裡面喊道。
而喺門迎接佢哋嘅就喺媽媽：「歡迎翻嚟啊！！！」
不過媽媽隨即喺講完之後，就望住順恩。
「咦？唔見你男朋友阿廣嘅？」
「佢有突發事嚟到啊。」順恩好快就回答。
同時順心就拎起手上袋生果：「我哋買咗媽咪你最鍾意食嘅車厘子啊！」
媽媽見到袋車厘子之後，就唔喺幾好意思咁講：


「哎呀，翻嚟食個飯，洗乜買嘢上嚟啊！」
「我哋咁耐無翻嚟，緊喺要買啲嘢啦！」
「快啲入嚟啦！你哋老豆親自下廚啊！」
兩姊妹立即好咁期待講咗聲：「真喺！？」接住就雙雙走入屋內。
而喺佢哋除完鞋、放低哂啲袋之後，就兩個一齊走埋廚房。
「爸爸！你下廚咁正啊！」
「爸爸，你好似好耐無煮過嘢食囉！」
喺廚房嘅爸爸聽到兩個女講嘢就擰轉身：「喺啊，爸爸想煮餐好嘅比你哋……咦？」不過爸爸似乎留意到啲嘢。
「做咩你兩姊妹著衫似咗咁多？」
順心同順恩喺聽到爸爸嘅呢一句，就互相望一望對方。


「喺喎，家姐你以前好少咁樣鬆身T配牛仔褲攝衫。」
「順恩，你呢排都著多咗高腰褲。」
呢個時候，媽媽就拎住啲洗好咗嘅車厘子擺落飯檯。
「兩姊妹住埋一齊，自自然然就會學對方著衫，好正常啊。」
兩姊妹繼續互相望住對方，跟住順心就除低自己副眼鏡。
然後就轉身對住坐喺飯檯嘅媽媽問：「咁你依家分唔分到我哋？」
媽媽只喺笑咗兩聲：「緊喺分到啦，傻妹。」
「你以前分唔到架喎！」順恩馬上開聲講。
「以前喺同你兩個玩，先扮分到咋，哈哈。」媽媽繼續笑住咁講。
然後喺笑完之後，媽媽就再問：「咁阿廣分唔分到你兩個啊？」


但順心一聽到「阿廣」同「分辨兩姊妹」，瞬間喺心入面倒抽咗一口氣。
而順恩同時就摸一摸自己下巴，思考咗一陣。
「嗯……暫時都分到，可能喺因為家姐見阿廣個陣會戴眼鏡。」
「咁即喺話，如果順心唔戴眼鏡，你男朋友就分唔到你哋，仲可能當咗順心喺自己女朋友，哈！」爸爸突然喺廚房入面嗌出嚟，並譏笑咗聲。
於是順恩即刻皺起眉擰轉頭鬧佢：「佢唔會分唔分到我哋囉！」
爸爸隨後都笑笑口咁提出咗個提議：「咁不如試下兩姊妹交換身份，睇佢發唔發現到？」
順恩聽完呆一呆咗陣，但好快又擰翻過去望住順心。
「你唔喺想試啊嘛？」順心即刻有啲愕然咁問。
「可……可以試下喎。」順恩又擺出咗個沉思嘅樣，一邊點頭一邊講。
而順心只喺無奈咁笑咗兩聲，隨即都喺心入面講咗句：
「到底阿廣喺唔醉嘅情況下，分唔分到我哋呢……」
 
喺一個星期之後，阿廣拖住順恩喺條街到行。
「又會比你book到D2嗰個蛋糕工作坊嘅？」阿廣一邊行一邊問。
但順恩只喺有啲猶疑咁「喺」咗一聲。


接住阿廣又繼續講：「聽講嗰到成日full booking，我有friend book成個月都book唔到！」
「嗯……」順恩又再以單字方式回答。
「最衰順心姨媽到唔舒服，唔喺你可以拎啲蛋糕翻去比佢試，哈哈！」
阿廣喺講緊嘅同時，對住順恩露出一個璨瓓嘅笑容。
然而，呢個時候順恩就微微咁耷低頭，神情有啲緊張咁碌大對眼。
並喺心入面講：「其實我先喺順心啊……」