[愛情有甜]《當你識咗對雙胞胎》: 第八章

第八章
 
阿廣喺玄關定一定驚之後，就喺防盜眼望出去，打算睇下順心入咗屋未。
點知一望嘅時間，個心又即刻離一離。
因為當佢喺防盜眼望出去嘅時候，順心就咁啱除低咗眼鏡抹。
所以喺阿廣眼中，對方完全就喺一個札起咗馬尾、前陰剪碎嘅順恩。
不過順心都好快就抹完眼鏡，然後用阿廣比佢嘅鎖匙打開門入咗屋。
於是阿廣都立即倒抽咗一大啖氣。
「睇嚟都要一段時習慣佢哋呢對雙胞胎……」
講完之後就走去飯檯拎起部手機，喺Signal同順恩講聲「你家姐到咗啦」。


不過可能因為順恩仲帶緊學生，所以過咗一段時間都仲喺未讀。
咁啱阿廣都望一望時間，發現就快一點鐘，喺時候要食晏。
但佢一朝已經開過爐煮嘢食，依家有啲想偷懶，所以索性嗌外賣算。
於是諗住拎起啲外賣傳單睇睇有咩食嘅時候……
「叮噹—叮噹—」門鐘突然響起。
阿廣好奇喺邊個突然撳門鐘，擺低傳單就走到門口，喺防盜眼度望出去。
點知一望就見到撳門鐘嘅人，喺戴住眼鏡嘅順……心。
而且阿廣都留意到順心嘅表情似乎有啲不知所措。
所以都立即開門問：「順恩家姐有咩幫到你？」
「我想煮個麵食先，但喺發現順恩屋企個爐好似壞壞哋……」


順心唔喺幾好意思咁講，而且依然一直迴避同阿廣有眼神接觸。
而阿廣聽到話個爐有事，即刻心入面諗：「唔喺咁大整蠱下話！？」
不過佢跟住都好好人咁講聲：「等我睇過」，然後就跟住順心入屋睇睇。
「阿廣先生要麻煩到你，真喺唔好意思……」
「唔煩……同埋你叫我唔洗加先生架，直接叫我阿廣就得。」
不過講完呢句之後，佢哋就陷入Dead air，但好彩都好快行到嚟廚房。
於是阿廣都望住自己不時會過嚟用嘅爐頭問：「個爐點壞壞哋法？」
「唔知點解我扭極個掣都喺無火。」
順心一邊講一邊就走埋其中一個爐頭到扭個掣，由Off扭去大火然後就鬆手。
阿廣見到順心嘅開爐方法，即刻喺心入面倒抽咗啖氣。


「欸……你要撳實然後扭到底去噠爐。」
「噠爐……即喺咁樣？」
順心聽住阿廣嘅指示，首先撳實粒掣，然後就扭到底去大火。
「喺，但唔好鬆手住，等佢躂一聲著咗火先。」
順心繼續照住指示，果不其然個爐喺「噠」一聲之後就開始有火。
「然後扭翻細啲個火，先擺個煲上去。」
阿廣指示完，順心「好」咗一聲就直接向上扭盡個掣，而個火都隨即熄咗。
「啊，個火熄咗……」
睇住成個過程嘅阿廣，忍唔住碌大對眼愕然起嚟。
「順恩家姐，你喺咪平時好少自己煮嘢食？」
「喺……」順心有啲尷尬咁點一點頭。
「不如我幫你煮啦，反正我都未食晏，而且我都成日幫順恩煮飯食嘅。」
阿廣用住一個尷尬而不失禮嘅笑容向住順心提議。
而被人發現咗自己唔識噠爐嘅順心，都默默咁耷低頭。
成臉紅哂咁開始手喺到捏自己件Hoody嘅衫角。


「咁……麻煩哂……阿廣你啦……」
 
於是接下嚟，順心就翻咗出食廳坐，而阿廣就開始煮麵食。
煮到咁上下，阿廣望一望坐喺出面一臉唔好意思嘅順心。
突然靈機一動：「可以叫順恩教下佢家姐煮嘢食，順便增進下感情都好。」
同一時間，仲喺沙田聽緊簡介會嘅順恩突然打咗個乞嗤。
旁邊嘅同行老師就問：「Miss Lee，你鼻敏感啊？」
順恩呻一呻個鼻就講：「唔知道，可能有人講緊我壞話。」
之後就望一望手機，見到阿廣嗰message「你家姐到咗啦」。
隨即都喺心入面講咗句：「唔知佢接家姐接成點呢……」