[愛情有甜]《當你識咗對雙胞胎》: 第二章

第二章
 
自從阿廣同順恩二人成為隔離鄰舍之後，佢哋之間嘅關係亦都無淨喺停留喺同事同鄰居咁簡單。
始終當一對單身男女，喺對方身上發現越嚟越多共通點嘅時候，感情上嘅確定，都只喺時間嘅問題。
而阿廣同順恩，本來都只喺朝早會間中搭同一間架升降機、放工有機會咁啱一齊打卡離校。
但隨住時間慢慢推移，佢哋逐漸變成朝早等埋對方一齊翻工、放工會問對方幾時走。
彼此相見嘅時間，亦都由翻工慢慢延伸去放工之後一齊去食嘢、星期六日行下街睇下戲、甚至有時會邀請對方過自己屋企食飯。
然而，佢哋二人持續咗咁嘅關係其實都一段時候，甚至開始令學校嘅同事懷疑佢哋喺咪拍緊拖。
令到有啲好八卦嘅媽媽級老師仲會直接咁問佢哋本人喺咪同對方拍緊拖。
不過暫時大家得到嘅答覆都喺：「我哋唔喺拍緊拖啊。」


雖然口講唔喺，但其實阿廣同順恩早就察覺到對方嘅心意。
只喺佢哋未有勇氣開口講，話唔定可能都因為各自上一段情傷，而遲遲唔表達心入面嗰句說話。
 
但直到二月情人節，下晝順恩喺帶完課外活動翻去自己嗰位嘅時候，見到檯面上有盒朱古力，而且仲喺自己最鍾意食嘅嗰隻白朱古力。
「邊個咁好送盒白朱古力比我啊！」
順恩好開心咁拎起盒朱古力，點知發現盒底有張卡仔。
一望就發現上面寫住：「請望向你嘅後方」。
於是佢好疑惑咁轉身望向後方，但隨即映入眼簾嘅就喺一束玫瑰花。
「哇，咩事啊！？」
佢即場嚇一嚇，但同時都發現到拎住呢束玫瑰花嘅人，就喺阿廣。


「情人節快樂啊。」
 
順恩睜咗兩下眼，有少少愕然：「做咩又送朱古力又送花啊……」
「因為今日喺情人節囉。」阿廣再次強調「情人節」三字。
「但我哋又唔喺情侶……」
「如果之前唔喺，咁依家喺，我就可以送花比你，所以做我女朋友啦。」
阿廣嘅呢句，令到順恩立即講唔出任何說話。
原因唔喺因為錯愕而講唔出嘢，而喺感動到講唔出嘢。
因為，阿廣都終於向自己表白。
雖然形式上有啲誇張，但喺都足夠虜獲順恩嘅芬心。


 
隨住教員室入面剩低嘅幾個老師開始鼓掌歡呼起來。
順恩都直接攬落阿廣到。
搞到阿廣都即刻有啲唔好意思咁講：「呢到仲喺學校嚟架！」
不過順恩都無打算理會其他人嘅眼光，繼續攬實啱啱成為自己男朋友嘅阿廣。
就此，阿廣同順恩，都終於順理成章成為一對戀人。
希望佢哋之後都可以過上幸福快樂嘅日子……
-------------------------------------
 
不過直到某日，順恩第一次帶阿廣去見自己爸爸媽媽。
當佢哋喺門口撳門鐘等人應門嘅時候，阿廣都隨即被眼前嘅境象嚇一跳。
因為好快打開門迎接佢哋嘅，喺一個同順恩一模一樣嘅女仔。
隨住順恩一句：「家姐我哋到咗啦！」
阿廣都意識到佢哋喺一對一模一樣嘅雙胞胎。
之後順恩就各自介紹：「呢個喺我男朋友阿廣，而呢個喺我嘅雙胞胎姐姐……」


「順心。」