尋人啟事: <14.告別與將來的...再會>

<14.告別與將來的...再會>
"
這段期間,
天使與惡魔一起生活了,
惡魔從未有如此幸福的生活,
他很開心,
很興幸能與天使一起。
天使也很樂意與惡魔一起,
她從未想過她能重獲幸福。
可惜幸福,如履簿冰......




"

這一年來,
我與敏敏同樣的過著了普通情侶生活,
阿姨與阿叔也沒有什麼反對。
敏敏還經常說,
我們會一直一直這樣下去,
幸福而簡單的生活。
她也經常問我報考那一間大學,
希望就算上到大學我們都能夠在一起,




我永遠也推諉的說
"遲d先算啦!"

有多次因為這樣,
被她質問是不是不愛她了,
我當然不是不愛她,
她是我此生最愛的人,
但我真的不想她傷心,
因為我報了香港的大學,
我也不想她為了我而自己一個在香港上學,




只有自己一個人,沒有親人在身邊的滋味
我很懂得,
我不想敏敏有如此感覺。

已經是7月尾,
我開始要準備去香港了,
我也要向敏敏坦白了。

這天,
我地約了敏敏出來,
來到我們的學校。

敏:做咩約我返黎學校?
我:我地就快升上大學啦,我已經無咩機會返學校!
敏:係喎,你究竟諗住升邊間大學喔?




我:唔好咁心急住,相信我,今日之前我會同你講!
敏:嗯,你話架!
我:我想趁呢個時候懷念一下我地既中學生活!
我地入到我地間課室。
敏:哈哈,諗起都好笑!
我:有咩咁好笑?
敏:你仲記唔記得你第一日黎學校既事?
我:真係唔記得啦啵!
敏:有次你去完廁所之後...
我:喂喂喂!呢d陳年舊事仲講出黎?
敏:又係你話要懷念一下既!
我:咁...今日就算你啦!
敏:果次你去完廁所之後出返黎,竟然擋失路....
我:我真係唔記得ma...
敏:見到你係出面行黎行去,仲入錯課室tim...真係好好笑!




我:咩喎,第一日係咁架啦!
敏:又唔見我係咁?
我:咁你叻囉!
敏:哈哈哈,我不嬲都咁叻架啦!
我:你仲好講,仲記唔記得去旅行果次!
敏:邊次旅行呀?
我:第2年既旅行呀!
敏:哦...果次!
我:明知去旅行,著裙,仲要係黑色既tim!
敏:呢d係潮流,你識d咩?
我:潮啦潮啦,潮到係郊外坐都坐唔到!仲要我陪你係到企喎!
我:有活動果陣,又要痴埋我一組,搞到我都比人笑囉!
敏:哈哈哈,鬼叫我地係青梅竹馬咩!
我:係囉,有果咁既青梅竹馬!
我:如果我地唔係青梅竹馬,唔知我地會唔會係埋一齊呢?




敏:唔知呢!

我地就係咁回憶我地既往事...
我見到已經黃昏,
我決定將個件事講出黎

我:敏敏,我有件事瞞左你好耐...
敏:其實我都知你會講咩架啦!
我:你點解會知?
敏:你估我係你邊個?
我:哈哈!
敏:應該你係唔諗住升埋同我同一間大學呱?
我:嗯,你會唔會唔開心?
敏:唔會,我地都仲會日日見到ma!
我:其實呢,我諗住係香港果邊升大學....




敏:咁我地米唔可以日日見面囉?
我:對唔住呀,我真係好想陪住阿爸!
敏:嗯.....
我:真係好對唔住呀!
敏:我真係好唔想你走,可唔可以為左我唔好走?
我:...
敏:我知道我咁樣好自私!但係當為左我一次呀,好無?
我:真係好對唔住,家陣科技進步,我既可以日日chat架ma...
敏:但係,我好想見到最真實既你,好想每日都可以攬住你...
我:我...
敏:唔好走啦!
我:對唔住...對唔住...相信我,我一有假期就會返黎!
我見到敏敏係到喊,
我好想做d野安慰佢...
但係我咩都做唔到,
我唯一做到既就係
上前攬住佢,
攬到佢實一實...
而敏敏就係我懷中係咁喊...
...
呢一晚,
我地返到屋企,
佢無好似往常咁敲我門口,
之後同我傾計,聽我彈琴
而當我想敲佢門口既時候...
我聽到佢仍然係到喊.

我淨係可以係門口到喊住咁講
"對唔住...對唔住..."

呢一晚,
我好似之前咁..
喊到訓著,
我知道敏敏都係咁...

一朝醒來,
敏敏好似無事咁...
敲我門口,同我出去一齊出去玩
我知道敏敏係到勉強緊...
但係...我又唔知可以點樣做,
或許時間流逝能讓敏敏好受一點

終於到左我上機既果一日,
敏敏一直陪住我,
直到上機既果一刻...
敏敏終於忍唔住...
喊左出黎...
仲要喊得好大聲...
我知道係我虧欠左佢,
敏敏你等我,3年後,
我會對現我既承諾..

我:敏敏,我知道我咁樣講好自私...
我:我一定會信守承諾,3年後返黎娶你...
我像照顧小孩般,
摸摸她的頭,
我:唔好喊啦,我去到香港仲可以見到用cam見面架ma

然後我又攬住敏敏,
同佢講
我:我愛妳,直到永遠。
敏敏喊住咁回答,
敏:我都係,我會等你返黎架...
我:嗯,我既敏敏!

於是,
我就一直望住敏敏,
敏敏都一直望住我既情況下,
我就上左機啦......
敏敏,我永遠都咁愛妳..