尋人啟事: <7.相遇>

<7.相遇>

對我來說,
妳已經是我的永恆。

第4天早晨,
我一起身就唔見左敏敏,
之前每一日都係我比佢早醒,
但今日竟然唔見左佢,
之後我唯有落去大堂搵下,




睇下見唔見到佢...

落到去大堂,
竟然發現佢坐左係到,
我上前問佢
我:敏敏,做咩落左黎既?
佢無答到我,
我:敏敏,發生咩事?
敏:希希,我對唔住你....
此時我發現,原來敏敏係到喊緊




敏:我...我...整唔見左你塊玉佩...
原來係整唔左我塊..阿媽比我既玉佩...
我:傻妹,執玉佩身外物黎既姐,你無唔見就得啦
敏:但係塊玉佩係你媽咪比你架啵...
我:唔緊要啦,唔見左,阿媽都唔會責怪我既
我:唔見左你既話,唔單止你阿爸阿媽會責怪我
我:我仲會好嬲我自己tim...
我:你先永遠係最重要既...
敏:希..希....
敏敏突然之間上前攬住我




敏:我....愛....你.....
我:得啦得啦,傻妹,我地上返去先啦!
敏:嗯...
於是我抱住敏敏上返去我地間房。

我:敏敏,你覺唔覺得呢?
敏:咩事?
我:我地好似忘記左要搵我阿爸既事...
敏:我地都無你爸bi既地址...
我:又係喎...
敏:所以我地米唯有順其自然囉..
我:但係我地呢個trip係為左搵阿爸架喎..
敏:咁...
我:呀,我記得阿媽寫過幾封信,有地址但係未寄出去架
敏:咁姐係點?




我:可能係諗住記比我阿爸架!
敏:咁我地米可以去呢d地址搵下囉!
我:係啦,就係咁!估唔到敏敏同我心意相通!
敏:因為我識讀心術
我:.....
敏:又贏一場,哈哈!!

之後,
我地就跟住個地址搵我阿爸啦

我:睇黎就係而到啦!
敏:咁我地入去啦!!

"啪,啪,啪"
我:裡面有冇人呀?




敏:裡面無聲喎,我諗應該無人啦

剛好有個住客經過,

我:唔該,我想問下呢家人去左邊?
住客:你地係佢地既?
我:朋友!
住客:佢地好似搬左去第2度啦啵!
我:咁你知唔知佢地搬左去邊?
住客:真係唔知,不過佢地就留低連絡電話比我
我:你可唔可以比個電話號碼我?我地好耐無見!
住客:咁好啦!

於是,個果租客比左個電話我地





住客:我要走先啦,88
我&敏:再見!
敏:你幾時變得咁識做戲?
我:哈,你唔記得你果男朋友十項全能既咩?
敏:懶叻啦你!
敏:咁之後諗住點?
我:打比佢囉!
敏:你唔驚咩?
我:驚d咩?佢驚我就真!!
敏:哈哈,咁仲唔快d打?
我:我...
(雖然話唔驚,但真係唔知第一句講d咩好)
敏:又話唔驚?
我:咩喎...
敏敏無啦啦咁搶走我個電話,




然後打左呢個電話...
我:你點可以咁....
敏:你要聽架啦,都打通左啦!
咁我就唯有頂硬上...
終於從電話傳來要一個女人的聲音,
??:喂
我:喂
??:請問搵邊個?
我:唔該,陳....逸....朗先生
??:你係佢既邊個?
我:朋友,佢唔係到呀?
??:岩岩出左去,洗唔洗叫佢打返比你?
我:唔洗,幫我聽日約佢星光大道10點等就得!
??:好既,請問你貴姓?
我:我姓王既...
??:王上果王定黃色果黃?
我:王上果王
(電話中傳來一陣細小的聲音:媽咪,邊個打黎搵爸爸?)
??:咁我聽日叫我老公黎搵你
??:喂?喂?喂?

老公?爸爸?
原來我阿爸已經同其他人結婚,
仲要生左仔...
我呆左...
突然敏敏用拳頭打左我個頭一下
敏:發咩呆呀?約到未?
當然我終於清醒...
我立即攬住敏敏,
我:原來阿媽只係係到空等8年,老豆家陣已經同人結婚生埋仔
我放聲大哭,
敏敏都同我喊埋一齊...
敏:無事架,無野啵,有我係你身邊!
我:我係米好無用?
敏:唔係,你已經好堅強架啦!
我:敏敏,有朝一日,你會唔會唔要我?
敏:點會,我地會永遠係埋一齊,仲有我爸bi,媽咪,仲有你公公同婆婆
我:我...能夠同你相遇,真係太好啦!!
敏:我地家陣唔洗諗咁多,食完午餐先算好無?

我既心情終於係敏敏既安慰下平伏...
但迎接我地既係一條點既路呢?
不過家陣先迎接我地既係一個好奇怪既午餐?

我:又話黎食午餐..做咩帶我黎個蛋糕教室?
敏:因為食甜野,心情會好d囉!
我:咁出去買米得,洗咩自己整?
敏:自己整會好食d架!
我:...
敏:再贏多一次,睇下幾時贏夠你1000次...
我:你有數住架?
敏:有架,家陣係267次!
我:原來已經咁多次架啦...
敏:哈哈哈,快d入去啦!

於是,
我就同敏敏一齊整蛋糕食,
但係我只係初心者,
根本唔識整,
咁我米唯有幫手執下野,
比下材料敏敏整就算,
敏:面粉
我:係!

敏:牛奶!
我:呢到!

敏:蛋黃!
我:而到!
敏:我淨係要蛋黃唔要蛋白呀...
我:吓...
敏:岩岩有冇上堂架?
我:諗住望你,唔記我左上堂啵!
敏:你....又話自己十項全能既?
我:十項全能唔包整蛋糕...
敏:咁包d咩?
我:真係要我講?
敏:梗係!
我:咁好啦!
我:我大聲講架啦
"
第1項:愛妳
第2項:愛死妳
第3項:愛護妳
第4項:愛惜妳
第5項:愛錫妳
第6項:愛攬妳
第7項:愛住妳
第8項:愛疼妳
第9項:好愛妳
最後一項:愛妳愛到天慌地老!!!
"
我知道好肉麻,
但係呢,敏敏又好似好受落啵!

參加蛋糕教室既同學都望住哂我地!
對住我地笑!

敏:你睇你,搞到幾唔好意思!
我:我唔介意架,你唔會唔好意思就得啦!
敏:得啦得啦,坐定定係到等食啦!
我:唔得喎,坐定定點望到你果樣?
敏:....
我:終於我贏一次啦呱!
我:睇下我又幾時贏夠100次
敏:得戚啦你,1次咁多咋!!

老師:睇黎咁多組都整完啦,我地家陣將果蛋糕拎去焗

我:身為男朋友既我幫你拎啦!你就坐係到等食就得
敏:唔要,我又要一齊去!
(敏敏真係愈黎愈痴身,不過我鍾意)
我:咁我拎呢邊,你拎果邊啦!

老師:呢2位同學都幾欣愛喎!

我:哈哈,老師都羨慕我地呀!
敏:咩呀,快d搬入去啦!!
我:得得得得得得(好有節奏咁)

於是,我地就唯有等待焗爐"叮"果刻

我:如果我地唔係因為阿媽搬左黎你地到,唔知道我地會唔會好似而家咁

呢?
敏:一定會架!我相信命運一定會將我地連埋一齊!

我:哈哈,你幾時咁信命?

敏:唔知呀!不過可以同你一齊都算命運既一種黎,所以我米信囉!

我:如果有平行時空既話,唔知我地係到做緊咩呢?

敏:我地都會係埋一齊!可以一樣整緊蛋糕,又或一齊食緊野咁囉!

"叮"
我地個蛋糕終於食得,
因為係第一堂,所以唔會再加d野落去,
不過呢個蛋糕係我成世人覺得最好食野一個

敏:拿!係米特別好食呢!

我:係呀,呢個蛋糕係我成世人食過最好食果個

敏:有冇咁誇張呀!

我:無,絕對無!咁你覺得呢?

敏:其實我都係咁覺得...

我:車!有口話人無口話自己!!

敏:梗係啦,我得一個口咋ma!

我:你......

敏:再贏多次啦!268次,哈哈哈!

今日係我食到全世界最好食既蛋糕,
都係過得最開心既一日,
如果呢一切可以成為永恆,你話幾好!

今晚訓教既時候,
一邊攬住敏敏訓,
一邊笑住咁訓,
唔知敏敏點諗呢?