尋人啟事: <1.一切的開始>

<1.一切的開始>

係我15歲生日果年,

果日我照常咁同

阿姨阿叔果女敏欣一齊返屋企,

我地係同校而且同班,





所以好正常咁成日係埋一齊,


敏:係喎,今日你生日啵

我:嗯!

敏:生日快樂,大個仔要生性啦!

我:妖,你家陣你好老咩?唔好唔記得你仲細過我囉!





敏:嘻嘻!


敏欣係一個好奇怪既女仔...

點解我用奇怪黎形容?

係學校佢就會扮哂乖,扮哂cool咁,





但一放學佢成果性格就會180度轉變...

會好活潑,會好多野講...

仲要係咁激我!!!

不過講真,

佢既身材真係幾好...

特別係果對腳...

又白又滑又長.......

至於果樣,





都真係唔差,

如果唔係同佢住埋同一間屋,

我諗都唔會埋到佢身..

一定好多鬼仔爭住追佢...


返到屋企,

一入到去,

見到成間屋都黑哂,





又見唔到阿姨同阿叔,

我諗咩事果陣,

咁就打算問下敏欣,

我:敏敏,知唔知發生咩事?

點鬼知連佢都唔見埋...

我:唔好玩啦,出黎啦....

(我係一個好細膽既人,





黑媽媽已經好驚,
點知d人仲唔見哂...

果陣真係心慌到喊...)

無錯,真係喊左出黎,

一路係咁講:出黎啦你地,唔好玩我啦...

一路喊.....

(其實我真正驚既係,

會有一日,





佢地會唔要我,

畢竟我唔佢地親生

會走左都唔通知我....)

過左一陣,

全間屋既燈終於著返哂...

之後有一拍一拍肩膀..

敏欣:喂,唔係呀,男人老狗係到喊!

原來係敏欣...

終於見返敏欣,

我真係好開心,

果種既感覺就好似沖完熱水涼咁,

有種暖流一直流入心...

果陣我立即上前攬住敏欣

我:你岩岩去左邊?知唔知我有幾驚....

敏欣:傻既,我一直都係到呀...

我:咁點解岩岩見唔到你?

敏欣:我去睇下電掣點咋,見到你咁鬼怕黑...

我:嗯...多謝你....

敏欣:咁你諗住攬到幾時先肯放手呢?

我:攬你一陣,你又唔少左舊肉!!

敏欣:你再攬就叫非禮架啦!!

我:好好好...

於是我就放左手..

呢個時候,

阿姨同阿叔係廚房拎住果蛋糕出黎,

姨叔:happy brithday to you!

happy brithday to you!

happy brithday to Oscar(我個英文名)

happy brithday to you!

生日快樂呀,希仔!

我:點解....?

姨:我地諗住比個驚喜你...點知整喊左你tim

叔:男仔點可以咁易喊架!!

我:係既,阿叔....

之後我細細聲咁同敏欣講..

我:搞錯呀,搞d咁既野都唔通知聲!

敏欣:對唔住囉,鬼知你咁眼淺既咩?

姨:希仔,過黎食蛋糕啦!

我:嗯....

於是我地一家人

(其實我真係好想係佢地既一家人)

就食呢個蛋糕啦...

姨:生日有咩願望呀?

我:唔知呀!

姨:咁你有咩想做?

我:無架,同你地一齊已經好開心!

敏欣:男人老狗連個生日願望都諗唔到,真係so sad!

我:咩呀,我覺得而家已經好滿足啦!

叔:咁你家陣有咩目標?

我:無架,我家陣淨係想同你地係埋一齊...

我:係啦!咁我個願望就係

"永永遠遠都可以同埋阿姨阿叔仲有敏欣係埋一齊!"

敏欣:鬼同你永遠係埋一齊...

敏欣竟然係呢時候面紅....

我都幾錯愕...

我:你唔好誤會呀,你果名只係順便咁講埋出黎架咋!

敏欣:你果死人頭!!!!

心諗:講又唔係,唔講又唔係..你夠竟想點?

我:你隻死人腳呀!!!!

(其實點解會咁講,

我真係唔知...

只係覺得要反駁..

咁就講左出黎啦)

姨:希仔!食完蛋糕入一入房,我有d野同你講

我:係!!

講"係"果陣,

其實我同敏欣係咁鬥講..

:你隻死人X

:你果死人X

諗返起都幾白痴....

咁我食完蛋糕,

就上左2樓阿姨間房啦,

姨:希仔,見你都15歲啦!

我:係!!

姨:關於你阿媽既野,我想同你講!

我:我阿媽?

唔知道大家有冇一種經歷,

你為左一樣好傷心,

之後你唔埋佢,

想將佢忘記...

最後真係好似忘記左啦...

但一有人講返出黎...

個心就會離一離果種感覺..

姐係有種玩緊過山車既感覺,

而家陣我就係咁...

姨:而家我將你阿媽既故事講一次,

姨:我覺得你已經接受到你阿媽既故事!

姨:同埋你其實唔係孤兒!